Ululahu Korin 7:28 - Buka Blahi Ka Cheke Holo

²⁸ Nu jame kaisei mae te magnahaghei tolaghi na, keli fara, theome jafra. Eghuteuna jaola theome jafra jame te tolaghi gaꞌase khupi na. Nu iheire te tolaghire ginauna dedi kmana puhi ka nakarhadire, eghume iara chekeni igne ka ghotilo naugna iara theome magnahagheni te thoke ghami ghotilo puhi igre na.

Ululahu Korin 7:28 ပူးပေါင်းရင်းမြစ်များ

Hibru 13:4

Naikno te gnafa gre mala ghatho tahuni puhi tholaghi na. Mae tholaghi nei gaꞌase tholaghi teure mala reireghidi thedi jateula teke nhaꞌa cheke thedi repa ia eghu, naugna God ginauna na fatedi naikno te theome leghuni vetula gna tholaghi na baludi iheire te eni tafri puhi te diꞌa are.

Ululahu Korin 7:26

Tutuani, kate filoni iara puhi biꞌo nate mei ginauna, iara ne ghathoni igne, te keli na ghotilo au ka nakarha te au teu themi gognaro gne te mala tolaghi ba te mala theome tolaghi na.

Fapea Korin 1:23

God laseni unha te chekeni iara ka ghotilo igne thofno tutuani fara, naugna mana thofno laseni nagnafagu iara na. Tutuani, iara theome ariu ka ghotilo Korin, naugna iara theome magnahaghei te para ghami ghotilo na.

Matiu 5:32

Nu te chekeni iara ka ghotilo na, mae ihei te koko khetogna na, eghuteuna ke tolaghi naꞌa ka kaisei mae delei ngau teuna, naꞌa na khale ka tholaghi pedo, naugna nakhibogna mae khetogna na. Eghuteuna, mae ihei teke tolaghi ka naꞌa na mana khale la kau tholaghi pedo.”

Ululahu Korin 7:27

Jame mae ihei teke kulu tolaghihi na, thosei fariuriu mala sopa au ka khetogna na. Eghuteuna jame ihei te theome tolaghi nga teuna, thosei fariuriu hironi kaisei gaꞌase.

Ululahu Korin 7:29

Uve kheraguro, igne gaoghathogna nogu cheke iara na, katha vido kmoꞌei kolho te mala loku tahati ranghini Lord na. Eghume, funu gognaro na, mae iheire tela tolaghihira, mare mala au jateula iheire te theome tolaghi eghu mala loku brana.