Ululahu Korin 7:24 - Buka Blahi Ka Cheke Holo

²⁴ Kheraguro, ghotilo te gnafa na mala au fabrahu ka nafnata nakarha te keli balugna God, jateula teke eni ghotilo kani teke kilo ghami God ia eghu.

Ululahu Korin 7:24 ပူးပေါင်းရင်းမြစ်များ

Ululahu Korin 7:20

Ghotilo te gnafa na mala au fabrahu ka nafnata nakarha jateula kani teke kilo ghami God igne eghu.

Ululahu Korin 7:17

Nu neubane tahati te gnafa na mala au fabrahu ka nafnata nakarha teke tusu ranghi ghita Lord na. Jateula nafnata nakarha teke au tahati kani teke kilo ghita God ia eghu. Igne u vetula te chekeni iara ka khiloau te gnafare.

Ululahu Korin 10:31

Uve, tutuani, jame te ima, ba koꞌu ba eni ghotilo unha na, ghotilo mala edi gobigna lepore ka puhi te mala kilo fnaknoni God.

Jenesis 17:1

Kate nheva salei nheva finogha gnahi mae Ebram na, Lord ne thakle ka mana ne cheke eghu, “Iara God te nolaghi fara. Iagho mala leghu ghau iara fabrahu, nei eni unha te doglo ka tathagu iara na eghu.

Ululahu Samuel 14:45

Nu mae soldia gre ne cheke faheta eghu ka mae Sol, “Sei! Mae Jonatan gne neke togho ghita neke uluni tahati magra ginei ia! Faꞌunha lehe si mana gnea? Ghehati thofno cheke kate tutuani ka nanghagna Lord mae ihei te karha te tifa, eigna theome tangomana kaisei naikno nate faleheni mana na. Neuba kaisei khakla ikoi ka phaꞌu gna mana na, theome tangomana kaisei naikno nate rathu koko na. Glepo teke eni mana ginei ia, God neke toghoni mana.” Ka cheke igre, mae soldia gre ne fakarhini mae Jonatan.

Matiu 12:45

Eghuteuna naitu na tei ne hata mei keha fitu naitu te thono diꞌa fara ke tulao gna thegnai. Mare tei ne au ke lamnagna naikno na jare. Eghuteuna gognarona nakarhagna naikno tuana thono diꞌa fara ke tulao gnai teke tifa na. Eghume jateula tuana eghu ghotilo naikno te diꞌa gognaro gre naugna ghotilo ne theome magnahaghei ghau iara, mae teke mei funu ka God na.”