Ululahu Korin 7:2 - Buka Blahi Ka Cheke Holo

² Nu naugna kmana naikno gnognoro fara, eghume jame te keli na mae nalhaꞌu te gnafare nabagna te hata khetogna thegna, eghuteuna gaꞌase na jaola hata khetogna langau thegna.

Ululahu Korin 7:2 ပူးပေါင်းရင်းမြစ်များ

Efesus 5:28

Ghotilo mae nalhaꞌu ra mala namhadi khetomi are jateula ghotilo te namhadi fara thinimi themi are eghu. Kate namhani mana khetogna na, mana namhani thegna.

Efesus 5:33

Nu cheke tuana jaola eimi ghotilo. Eghume, ghotilo mae tholaghi te gnafa ra namhadi khetomi are jateula ghotilo te namha ghami themi are eghu, eghuteuna ghotilo gaꞌase tholaghi ra jaola ghatho tahudi khetomi are.

Ululahu Korin 7:9

Nu jame nalhaꞌu ba gaꞌase te theome tangomana te au kolho na, nabami na ghotilo tolaghi kolho. Naugna puhi tholaghi na keli fara uluni nafnata puhi te fiti thuru fodu kolho na.

Proveb 18:22

Kate deni iagho gaꞌase te mala tolaghi na, iagho deni kaisei glepo te keli. Igne kaisei fablahi Lord te falalase ka iagho na.

Ululahu Korin 6:18

Ghotilo thosei leghuni puhi gnognoro na! Keha nakhibo te edi naiknore au ka gaoghatho kolho theome loku fodu ka thini. Nu iheire te gnognoro re thofno fathonadi fara thinidi thedire.

Ululahu Timoti 4:3

Nafnata naikno igre cheke ka keha naiknore theome keli te tolaghi ba te ima kmana nafnata gano na. Nu God neke vuavuha gano igre mala ima tahati. Naugna tahati te fatutuani ni God nei laseni nogna cheke te tutuani na, tahati tangomana te ima gano igre balu kilo fafnaknoni God.

Profet Malakai 2:14

Ba? Naugna unha site eghu ghotilo gnea? Mana theome magnahaghedi unha te tufa ghotilo ka mana re, naugna mana lasedi te theome tajini ghotilo nomi nhaꞌa cheke teke eni ghotilo ka tholaghi ia kate tolaghi. Kani teke majaghani na ghotilo neke nhaꞌa cheke ka khetomire. Eghuteuna neubane eghu ngau, ghotilo theome leghuni kolho nomi nhaꞌa cheke na.

Proveb 19:14

Ido ghe mama tangomana te tufa suga nei sileni ka thudi na. Nu kaisei Lord kolho te tufa gaꞌase te keli na.

Matiu 5:32

Nu te chekeni iara ka ghotilo na, mae ihei te koko khetogna na, eghuteuna ke tolaghi naꞌa ka kaisei mae delei ngau teuna, naꞌa na khale ka tholaghi pedo, naugna nakhibogna mae khetogna na. Eghuteuna, mae ihei teke tolaghi ka naꞌa na mana khale la kau tholaghi pedo.”

Ululahu Korin 7:1

Gognaro na iara magnahaghei te cheke tughudi unha teke riso mei ghotilo ka iara ra. Ulu lahu na, te keli na mae nalhaꞌu na thosei thuru balugna kaisei gaꞌase.

Ululahu Korin 7:3

Mae tholaghi na mala thuru fodu ka khetogna na, eghuteuna thau tholaghi na mala jaola thuru fodu ka khetogna na.

Ululahu Tesalonika 4:4

God magnahaghei ghami ghotilo mae nalha'ura te sopa ghatho tahudi khetomi are ka puhi te thofno blahi fara.

Jajis 21:22

Jame kmadi nei kheradi teu gaꞌase igre neke mei cheke ka ghehati, eghuteuna ghehati ginauna na cheke eghu ka mare, ‘Ghathoni si ghotilo vikegna Israel ia eghuteuna snakredi gaꞌase igre mala au ka vikegna Benjamin. Naugna ka magra ka maedi Jabes Gilead ia, tahati neke theome hata naba gaꞌase maladi mare. Eghuteuna naugna ghotilo neke theome snakre laodi gaꞌase igre ka vikegna Benjamin, ghotilo theome huhughuni nhaꞌa cheke teke eni tahati ia.’ ”