Ululahu Korin 7:19 - Buka Blahi Ka Cheke Holo

¹⁹ Naugna te vahe ba te theome vahe na theome glepo ulu. Glepo te ulu na te leghuni ngala nogna vetula God na.

Ululahu Korin 7:19 ပူးပေါင်းရင်းမြစ်များ

Galesia 6:15

Neuba mae ihei ne vahe ba ne theome vahe, tuana theo nafugna kolho. Glepo te ulu na God mala ke vuavuha fapuloni mana mala ke majaghani fapulo.

Galesia 5:6

Naugna kate salo fodu tahati te kaisei balugna mae Jisas Kraes na, tahati theome mala nangani jame te mala vahe ba theo. Naugna glepo tuare theo nafudi. Nu glepo te ulu na u fatutuani ngala, u nafnata fatutuani te thakle mei kau puhi namha kolho.

Thakle 22:14

“Naiknore te theo nakhibodi naugna Lam na neke thofa dadaragna na neke lehe, mare keli tadi tutuani fara. Naugna mare nabadi te ima sisigna gaju te tusu mei karha fei tifa na, eghuteuna mare naba dila te ruma ke lamnagna grengathagna namono biꞌo na mala au balugna God.

Kolose 3:11

Ka nakarha majaghani igne na, naikno te gnafare mala kaisei nanaba ngala. Neuba tahati ne mae Jiu ba theome mae Jiu, neuba tahati ne tohi fagaglana ba theome tohi fagaglana, neuba tahati ne mae sikolu ba tahati maeda holo, ba tahati mae sneka ba tahati mae au snagla kolho, nu kaisei mae Kraes ngala te glepo ulu ka nakarhada na, eghuteuna mae Kraes te au ke lamnada gnafa.

Galesia 3:28

Eghume theo kaisei glepo te nhogri ka iheire te kaisei balugna mae Jisas Kraes, neubane mae Jiu ba theome mae Jiu, neubane mae sneka ba mae snagla, neubane nalhaꞌu ba gaꞌase. Ghotilo te hui na kaisei ngala.

Ululahu Korin 8:8

Nu gano na theo nogna nolaghi te mala hata gita te ari namo ka God na. Jame te tiroda ima tahati na, tahati theome au khaba ka God. Eghuteuna neubane ima tahati nafnata gano igne, gano tuana theome mala fakeli ghita ke ulugna God.

Letas Teke Riso Tei Mae Pol Ka Khiloau Rom 3:30

naugna God na kaisei ngala. Eghuteuna mana ginauna kafe toghodi gnafa iheire te fatutuani ni Kraes, neubane mae Jiu ba theome Jiu, mala doglo ke ulugna mana.

Jone 15:14

Ghotilo thofno kheragu iara, eghu te edi koba ghotilo unha te chekedi iara re.

Matiu 5:19

Eghume, ihei te huhughuni kaisei phugra cheke ka vetula na, eghuteuna jaola meke farirhiudi keha naiknore mala ke huhughunila vetula na teuna, naikno tuana ginauna pari lahu ka naikno te funei frunidi God re. Eghuteuna ihei te leghuni vetula na eghuteuna jaola meke farirhiudi la keha naiknore mala leghuni la vetula na teuna, naikno tuana ginauna mae biꞌo lahu ka naikno te funei frunidi God re.

Ululahu Samuel 15:22

Nu Profet Samuel ne cheke eghu, “Unha te magnahagheni Lord na? Ba, mana magnahaghei nigho iagho te faꞌuveni nogna cheke na, ba, mala eni iagho fafara te thofno krono na? Te faꞌuveni iagho mana na tuana keli fara salaꞌuni fafara na. Te fanomho iagho ka mana na tuana keli fara salaꞌuni garofa gna sipu te fafara na.