Ululahu Korin 6:15 - Buka Blahi Ka Cheke Holo

¹⁵ Ghotilo thofno laseni igne, eigna thinimi ghotilo re kaisei ka thinigna Kraes. Eghume tahati theome tangomana te hata thinigna Kraes na te loku fodu ka thinigna thau vine na.

Ululahu Korin 6:15 ပူးပေါင်းရင်းမြစ်များ

Efesus 5:30

Naugna tahati ka khiloau na jateula vido thinigna mana eghu.

Letas Teke Riso Tei Mae Pol Ka Khiloau Rom 12:5

Jateula tuana eghu tahati, neubane kmana naikno tahati, tahati jateula kaisei thini eghu ngala, eigna tahati te gnafa na fatutuani ni mae Kraes. Naikno khiloau te gnafare kaisei grerege ka thini, eghuteuna grerege te gnafare salo fodu mala kaisei thini ngala.

Kolose 2:19

nei mare theome au heta ka mae Kraes. Mae Kraes pha'ugna khiloau na, eghuteuna khiloau na jateula thinigna mana eghu. Eghuteuna pha'u na tangomana te edi grerege te gnafare te mala kotu heta nei kaisei baludi nhubra ghe naula. Eghuteuna thinigna mae Kraes gne na kotu haghe ka puhi te magnahagheni God na eghu.

Ululahu Korin 12:27

Eghume, ghotilo te gnafa na thinigna Kraes. Ghotilo te gnafa na kaisei vido ngala ka thini tuana.

Efesus 4:12

Mana neke eni igne mala tangomana nogna naikno te gnafa God re te mala loku fakelidi nogna glokure, nei mala kotu heta thinigna Kraes.

Ululahu Korin 11:3

Nu iara magnahaghe ghami ghotilo te mala lase fakelini eigna God na pha'ugna Kraes, eghuteuna Kraes na pha'ugna nalhaꞌu eghuteuna nalhaꞌu na pha'ugna khetogna na.

Ululahu Korin 6:19

Ba, ghotilo theome laseni thinimi ghotilo gre jateula Sugablahi nogna Tharunga te Blahi teuna!? Tharunga te Blahi na au ke lamnami ghotilo, eigna God neke tusu mei ka ghotilo. Ghotilo theome nomi themi,

Efesus 5:23

Naugna mae nalhaꞌu na pha'ugna khetogna na, jateula Kraes te pha'ugna khiloau. Khiloau na u thinigna Kraes eigna mana neke fakarhinihi khiloau na.

Luku 20:16

Mana ginauna tei ka nagare na mala falehedi mae greireghi nagare igre. Aonu mana ginauna snakre lao nagare na ka keha mae greireghi nagare delei mala reireghi mare.” Kate nomhini naiknore cheke naba igne, mare ne cheke eghu, “Theo, theome jateula tuana eghu!”

Galesia 6:14

Nu iara theome fahaehaghedi nafnata glepo tuare. Iara ginauna tangomana te fahaehagheni kolho nogna gaju fafatha noda Lord Jisas Kraes. Naugna ka glehegna mana na, puhigna nauthoglu na theo nogna nolaghi te mala funei fruni ghau iara na. Iara tirogu leghuni fabrahu puhigna na.

Galesia 3:21

Ba, vetula na cheke faparini nogna nhaꞌa cheke God na sia? Theo fara! Nu jame neke tusu meihi God kaisei vetula te tangomana te mala hata meini thofno karha na ka naiknore meuna, naiknore tangomana hi te doglo na kate leghuni vetula igne.

Galesia 2:17

Ghehati fatutuani ni God mala fadogli ghami eigna ghehati nogna mae Kraes. Nu jame naiknore cheke eghu, “Mae Jiu gre jateula naikno te theome Jiu gre eghu huhughuni nogna vetula mae Moses na sigre!” Ba, mae Kraes na neke togho ghami ghehati mala huhughuni vetula na sia? Theo, theome tutuani!

Ululahu Korin 6:13

Keha mae na jame jaola cheke eghu, “Thi'a na malagna gano, eghuteuna gano na malagna thi'a.” Uve. Nu God ginauna kafe roꞌedi phei glepo igre. Nu ghotilo theome tangomana te chekeni thini na mala gnognoro teuna. Naugna thini na mala loku ranghini Lord, eghuteuna Lord na mala funei frunini u thini na.

Letas Teke Riso Tei Mae Pol Ka Khiloau Rom 7:13

Ba, u vetula te keli igne site falehe ghau iara na ia? Theo fara! Nu iara neke lehe ke ulugna God, naugna iara neke leghuni u nabrou te jafra na. Neubane keli vetula na, puhigna nakhibo na salo fodu baludi vetula igre te mala kotu biꞌo ke lamnagu iara u gaoghatho te mala eni puhi nakhibo na. Ka puhi igne tahati filo glanini nakhibo na glepo diꞌa. Naugna u chekegna vetula na falalase puhigna nakhibo na thofno diꞌa fara kolho.

Letas Teke Riso Tei Mae Pol Ka Khiloau Rom 7:7

Ba, faꞌunha eghu tahati cheke eigna nogna vetula mae Moses gne? Tahati na chekeni, nogna vetula mae Moses gne mala batudi naiknore ka nakhibo signea eghu? Theo fara! Naugna nogna vetula mae Moses na mala falalase ghau iara te leghuni puhi te diꞌa na. Uve, kaisei cheke ka vetula na cheke eghu, “Thosei mamagnadi nodi keha naiknore.” Nu jame te theome laseni iara eigna cheke te risoni mare igne na, iara ginauna theome laseni puhi te diꞌa na.

Letas Teke Riso Tei Mae Pol Ka Khiloau Rom 6:15

Ka gaoghathodi u cheke teke chekedi iara ra, jame kaisei mae cheke eghu, “Gognarona tahati theome au ke parigna nogna vetula mae Moses, nu tahati au ngala ke parigna nogna khokofakasai God mala togho ghita. Eghume tahati eni fabrahu ngala nakhibo na eghu.” Cheke mana igre thofno doglo fara? Theo fara!

Letas Teke Riso Tei Mae Pol Ka Khiloau Rom 6:2

Theo fara! Tahati jateula mae te lehehira eghu theome eni kaisei nakhibo. Teuna, faꞌunha si tahati te au fabrahu teu ka nafnata puhi igne?

Letas Teke Riso Tei Mae Pol Ka Khiloau Rom 3:31

Nu kate nomhini ghotilo cheke igne, thosei cheke eghu ghotilo, “Naugna tahati ne fatutuani ni mae Jisas, tahati na theome leghuni u vetula na. Naugna ka puhi fatutuani gne, puhi vetula gne ginauna hui.” Theo. Vetula na kaisei glepo biꞌo fara. Tuani, kate fatutuani ni mae Jisas na tahati thofno leghuni gaoghathogna nogna vetula mae Moses na.

Jenesis 44:17

Nu mae Josep ne cheke eghu ka mae Juda, “Theo fara. Iara theome tangomana te snakreni ka ghotilo te eghu na. Mae teke blau nogu kapu iara igne kolho nate mala nogu mae gloku iara na. Ghotilo keha mae ra snaglau nomi mala ke pulo ka mae kmami ia. Iara theome cheke ka ghotilo.”

Letas Teke Riso Tei Mae Pol Ka Khiloau Rom 3:6

Nu igne theome tutuani. Naugna jame te theome doglo God na, faꞌunha eghu mana fatedi naikno te gnafa ka nauthoglu gne?

Ululahu Korin 6:3

Ghotilo laseni nathuꞌu nauriha na tahati naikno khiloau gre ginauna jaola fatedi nogna engel God re. Te eghu na, glepo ikodi te edi leghu narane igre, bligi kolho tahati te mala fadoglidire.

Ululahu Korin 6:17

Nu ihei te loku fodu balugna Lord na, phiamare na kaisei ngala ka thofno nakarha na.