Ululahu Korin 6:12 - Buka Blahi Ka Cheke Holo

¹² Keha ka ghotilo cheke eghu, “Naugna iara leghuni Kraes, iara tangomana te eni unha te magnahagheni thegu na.” Igne tutuani, nu gobigna lepore theome mala togho nigho eghu. Eghume, neuba iara ne tangomana te edi gobigna lepore, iara theome snakreni kaisei puhi te mala funei fruni ghau na.

Ululahu Korin 6:12 ပူးပေါင်းရင်းမြစ်များ

Ululahu Korin 9:27

Tutuani, iara thofno funei frunini nakarhagu thegu na mala nogu mae sneka iara. Naugna iara magnahaghei fara te hatini u thofno nakarha na. Uve, kate toutonuni iara ka naiknore eigna nabrou te mala hata thofno nakarha na, iara thegu na jaola leghuni nabrou tuana, na eghunu theome hata iara tabadi naikno khiloau te fatutuani ni Kraes re eghu.

Fapea Tesalonika 3:9

Ghehati neke eni igne, neuba ghehati au nomi nolaghi te mala tore ghami ghotilo te togho ghami na. Nu ghehati loku mala togho ghami themi naugna ghehati magnahaghei te falase arini puhi te keli na ka ghotilo mala leghuni ghotilo.

Letas Teke Rioriso Mae Jud 1:12

Kate ei famane gaghamu ghotilo fagaglana gna nomi namha biꞌo na eghuteuna te mei mare me ima fodu balumi ghotilo teuna, mare famamaja ghami ghotilo fara ka puhidi te diꞌare. Ka vido tuare mare ghathodi thedi kolho. Naikno tuare jateula khoveo te pala te mei nuri ia eghu kolho, nu theo kaisei nakhete te mei na. Eghuteuna mare jateula gaju te theome ure kate thoke mei nhigra dira eghu kolho. Eghume mae glokure ginauna na rathu koko naikno tuare mala koko lao ka khaꞌaghi. Mae velepuhi chaichaghi igre jateula gaju tela botohi ia eghu.

Ululahu Korin 8:4

Eghume igne unha te chekeni iara eigna te ghamu gano teke fafara ka mumuju na. Eigna te laseni tahati na, u mumuju na tharumaꞌei lepo kolho ka nauthoglu igne. Eghuteuna te laseni langau tahati na jare na kaisei God ngala.

Letas Teke Riso Tei Mae Pol Ka Khiloau Rom 7:14

Eghuteuna te laseni tahati na, u vetula gne neke mei funu ka God, nu naugna iara maegu ka nauthoglu igne naikno kolho, iara au jateula nogna mae sneka eghu nakhibo.

Ululahu Korin 9:12

Keha naiknore au nodi nolaghi te mala salo glepo ka ghotilo na. Tutuani fara, ghehati jaola au nolaghi biꞌo uludi mare! Nu ghehati theome loku ka nolaghi igne. Theo. Neubane ninhigrana ranghi ghami gobigna lepore, ghehati theome toreni kaisei glepo ka ghotilo, naugna ghehati theome magnahaghei te eni kaisei glepo te mala fanograni u Nonomho te Keli eigna Kraes na.

Jone 5:10

Aonu, hatimare mae biꞌodi mae Jiu igre ne cheke eghu ka mae teke keli fapulo na, “Gognarogne narane Sabat. Thono blahi fara ka noda vetula tahati na te pala iagho nou khifra na kau narane Sabat gne.”

Levitikas 15:18

Eghuteuna jame kaisei mae thuru balu gaꞌase, te eghu na, repa mala apu, eghuteuna repa theome klino ka tathagu iara na ghilei rafi.