Ululahu Korin 5:8 - Buka Blahi Ka Cheke Holo

⁸ Eghume kate leghuni tahati Kraes ka nakarha majaghani na, theome tangomana tahati te edi nafnata nakhibo ba nafnata puhi te diꞌa teke edi tifa ra. Nu te edi tahati puhi tuare jateula isi te fabiꞌo bret ia eghu. Nu tahati mala jateula bret te theo kaisei isi ka noda Gaghamu Ghasa-Polho na ia eghu mala doglo nei cheke kate tutuani.

Ululahu Korin 5:8 ပူးပေါင်းရင်းမြစ်များ

Diutronomi 16:3

Eghuteuna kate ghamu ghotilo gaghamu igne, ghotilo ghamu bret te theo isi gna na. Ka fitu narane igre ghotilo ghamu bret te theo isi tagna na. Igne unha teke ghamu tahati kani teke papara fara teke ghosei teke jifla Ijep. Ka puhi igne ghotilo tangomana te ghathoni fabrahu nakarhami ghotilo ka narane teke jifla ghotilo Ijep.

Eksodas 12:15

Lord neke cheke eghu, “Naba fitu narane te mala ima ghotilo u bret te theo isi gna na ia. Ka narane ulu lahu na, ghotilo mala koko isi te au ka sugami re. Eghuteuna jame kaisei naikno ka ghotilo ima bret te au isi tagna na funu ka narane ulu lahu na te ghilei thoke ka fafitu narane na, ghotilo lisei fakosini naikno tuana ke kosigna vikegna Israel.

Luku 12:1

Kaisei fata, kmana thogha thogha naikno ne khapru faligohoni mae Jisas mala fanomho ka mana ne ghilei tapla kligna naikno. Ame cheke nga mae Jisas ka naiknore teuna, mana ne kulu cheke eghu ka nogna mae fanomhore, “Fiofilo ghami ka puhidi mae Farasi gre. Mare chaghidi fara naiknore.

Nonomho Te Keli Teke Risoi Mae Mak 8:15

Mae Jisas ne kulu cheke faheta eghu ranghidi nogna mae fanomhore, “Fiofilo ghami ghotilo ia ka nodi isi hatimare mae Farasi nei nogna isi mae King Herod ana eghu.”

Matiu 16:6

“Filo fakeli ghami ghotilo ia ka nodi isi hatimare mae Farasi nei hatimare mae Sadiusi igre.”

Ululahu Pita 4:2

Eghume kani au teu ghotilo ka nauthoglu igne, ghotilo thosei leghudi glepo te diꞌa te magnahagheni fara thini na. Blahi. Ghotilo leghuni kolho unha te magnahagheni God na.

Efesus 6:24

Eghuteuna iara tarai eigna nogna khokofakasai God mala au balumi ghotilo hui iheire te namhani fabrahu noda Lord Jisas Kraes. Me gnafa. Iara, mae Pol.

Ululahu Korin 5:6

Nomi fahaehaghe ghotilo eidi puhi te diꞌare theome doglo. Naugna ghotilo lasenihi cheke igne, “Katha isi ikoi kolho te mala fabiꞌodi bret te gnafare.”

Jone 1:47

Mae Jisas filoni mae Natanel te mei ke ulugna mana na, ne cheke eghu eigna mana, “Filoni si ghotilo. Mae igne ngala thofno mae gna Israel na, naugna mana theome tangomana te chaghi na.”

Matiu 16:12

Aonu mae fanomhore laseni mae Jisas theome chekeni ka mare mala reireghidi kau isi te mala horo bret. Nu mana neke cheke eidi nodi farirhiu hatimare mae Farasi nei hatimare mae Sadiusi.

Profet Isaia 30:29

Nu tahati nogna naikno Lord ra tahati ginauna na glealeꞌa fara nei koje jateula te koje tahati ka Gaghamu Blahi ra eghu. Ginauna tahati glealeꞌa fara jateula naikno te fanomho ka khoje nifu te koje te tei ka nogna thogele blahi Lord ra eghu. Naugna mana noda Thina rheta nei noda vido keli mala poru eghu tahati maeda Israel.

Profet Isaia 25:6

Ka Thogele blahi Saion, Lord mae ihei te au nolaghi fateote'o igne ginauna tarabana kaisei gaghamu biꞌo maladi naikno te gnafa ka nauthoglu igne. Eghuteuna mana ginauna tarabana gano te keli nei waen te keli.

Nodi Khoje Hatimare Mae Jiu 42:4

God, tifara iara neke batudi kmana naikno neke tei ka sugamu iagho na. Iara neke baludi mare neke tei balu glealeꞌa, balu khoje nei balu kilo fnakno nigho. Nu kate ghatho fapulodi iara glepo igre, gaoghathogu na iara tanhi nogu fara.

Nodi Khoje Hatimare Mae Jiu 32:2

Mae ihei Lord te theome filoni kaisei najafra ka nakarhagna na nei theome leghuni puhi te chaichaghi na teuna, mae tuana thono keli tagna fara.

Levitikas 23:6

Eghuteuna ka nabotho glima narane gna nhigra igne, ghotilo ginauna mala fufunu Narane biꞌo gna Bret te Theo Isi gna tuana. Narane biꞌo tuana eni nabagna fitu narane eghuteuna bret te ghamu ghotilo na mala theo kaisei isi tagna.

Fapea Korin 8:8

Iara theome lisei soru kaisei vetula ranghi ghami. Nu kate toutonu ka ghotilo na iara eni igne mala laseni ghotilo eidi naikno khiloau te au Masidonia, mare magnahaghei fara te toghodi keha naiknore. Uve, iara neke eni igne naugna iara magnahaghei te filoni glahula te au thofno namha na ka ghotilo nanaba ka mare.

Fapea Korin 1:12

Igne unha te fahaehagheni nei thofno laseni teu ghehati ka nagnafamire, eigna ghehati theome leghuni nogna glalase naikno na kate edi gobigna lepore ka nakarhamire. Theo. Tutuani, naugna God tusu mei u khokofakasai ranghi ghami, ghehati leghuni kolho puhi te doglo te magnahagheni God na nei ghehati cheke tutuani koba. Leuleghu fata ka nakarhami kani au teku balumi ghotilo na, ghehati neke eni fara igne.

Ululahu Korin 5:1

Iara nomhini kaisei thoutonu tutuani eigna kaisei mae ka ghotilo eni kaisei puhi te diꞌa fara. Kaisei mae jare thuru fodu ka khetogna mae thofno kmagna na. Eigna neubane mae bongihehe, mare theome tangomana te eni na glepo te diꞌa fara tuana.

Ululahu Korin 3:3

Tutuani, puhimi ghotilo re kaisei nanaba ngala ka naikno te leghuni puhigna nauthoglu igne. Naugna goghotu koba, magra koba teu ghotilo igre ngala fagaglana gna te leghuni ghotilo puhigna nauthoglu na, theome leghuni mae Tharunga te Blahi.

Josua 24:14

Josua neke cheke eghu, “Eghume, naugna igne, ghotilo mala thofno ghatho tahuni Lord ka nakarhami re, eghuteuna ghotilo mala leghuni mana, eghuteuna leuleghu fata na gaoghathomi re mala au rheta ka mana. Ghotilo mala koko god te chaichaghi teke tarai kuꞌemi ghotilo tifa Mesopotemia nei Ijep tekura. Lord na noda God tahati, eghuteuna kaisei mana ngala te mala leghuni tahati na.

Diutronomi 16:16

“Leuleghu finogha, ghotilo mae nalhaꞌu te gnafa Israel ra ghotilo mei thilo fata ka vido blahi teke vahini Lord igne. Thilo fata igre, Gaghamu Ghasa-Polho na, nei Narane biꞌodi Fitu Wik, nei mala Au ka Grorofe Ikoi teuna. Ka thilo gaghamu igre, theome tangomana kaisei naikno te fiti sasama te mei na.

Eksodas 13:6

Fitu narane ghotilo mala ima bret te theo isi gna na, nu ka fafitu narane na ghotilo mala eni gaghamu mala fafnaknoni Lord.

Eksodas 12:8

Ka bongi tuana, ghotilo na gogoꞌo u nafnahi gna sipu ba u nanigot na ka khaꞌaghi. Eghuteuna ghotilo ima nafnahi balu khuromu te raha, nei bret te theo isi gna.

Eksodas 12:19

Ka fitu narane igre na theome magnahagheni te filoni kaisei isi ka sugami ghotilo re, ba ka sugadi iheire te posa mei te au balumi ghotilo are. Jame kaisei naikno ka ghotilo te ima u bret te au isi tagna na, ghotilo fa au kosini naikno tuana ka vikegna Israel.”

Eksodas 13:7

Ke lamnadi fitu narane igre na, ghotilo mala thosei ima kaisei gano te lilisei isi tagna na. Tutuani, ghotilo thosei snakreni kaisei isi ba kaisei bret te au isi tagna na te lilisei teu aheva nga rhedi nomi suga re.

Fapea Korin 2:17

Ghehati theome jateula kmana naikno te magnahaghei sileni kolho kate toutonuni chekegna God na ia eghu sia. Theo. God neke vahi ghami ghehati, eghuteuna ghehati chekeni koba ka nagnafa te tutuani ke ulugna mana. Ghehati toutonuni chekegna mana na naugna ghehati nogna mae gloku Kraes.