Ululahu Korin 5:7 - Buka Blahi Ka Cheke Holo

⁷ Gognaro na ghotilo hata fadeleidi nakhibo te gnafare mala doglo ke ulugna God. Naugna nakhibo na tangomana te roꞌeni nakarhada na jateula isi te tangomana fabiꞌodi bret. Ghotilo jateula bret te theo isi ia eghu, naugna God neke fafaranihi Kraes te mala hata fadeleidi nakhibodare.

Ululahu Korin 5:7 ပူးပေါင်းရင်းမြစ်များ

Efesus 4:22

Tutuani, ghehati neke farirhiu ghami ghotilo mala lilisei puhi te diꞌa gna tifa teke leghuni ghotilo ka nakarhamira. Naugna puhigna tifa igne fodu ka chaichaghi nei puhi diꞌa, eghuteuna puhigna tifa na tangomana te fadidiꞌa ghami fabrahu.

Jone 1:29

Ka keha narane na mae Jone ne filoni mae Jisas ne mei ke ulugna mana. Mae Jone ne cheke eghu, “Filo laoni mae te mei ana. Mana ngala nogna sipu God te mala fafara na. Mana ginauna hata fadelei nakhibodi naiknore ka nauthoglu igne.

Thakle 5:12

Mare ne koje eghu fabiꞌo, “Mae Lam igne naiknore neke faleheni mana. Tahati nabada te cheke fakelini mana, naugna mana au nolaghi biꞌo, dedei, gaoghatho te keli, nanheta, nafnakno nei fablahi!”

Eksodas 12:15

Lord neke cheke eghu, “Naba fitu narane te mala ima ghotilo u bret te theo isi gna na ia. Ka narane ulu lahu na, ghotilo mala koko isi te au ka sugami re. Eghuteuna jame kaisei naikno ka ghotilo ima bret te au isi tagna na funu ka narane ulu lahu na te ghilei thoke ka fafitu narane na, ghotilo lisei fakosini naikno tuana ke kosigna vikegna Israel.

Ululahu Korin 10:17

Eghuteuna kaisei bret ngala. Eghume, neuba tahati ne kmana, tahati kaisei thini ngala, naugna tahati te gnafa na kafe ima ka kaisei bret ngala.

Jone 19:14

Ka vido tuana la namo naublathahi, eghuteuna nodi narane te mala tarabana eigna nodi Gaghamu Ghasa-polho mae Jiu gre. Mae Paelat ne cheke eghu ka mare, “Filo si ghotilo, igne nomi mae king ghotilo na.”

Nonomho Te Keli Teke Risoi Mae Mak 14:12

Narane ululahu Gaghamu gna Bret te Theo Isi gna na, ka narane tuana la mae Jiu gre ne falelehe sua sipu te mala ghamu ka Gaghamu Ghasa-Polho na. Aonu nogna mae fanomho mae Jisas gre ne ghusna eghu ka mana, “Ba, ka vido aheva iagho te magnahaghei ghami ghehati te mala tei tarabana Gaghamu Ghasa-Polho malamu iagho naia?”

Jone 1:36

Mana filoni mae Jisas nolo te tei sala'u na ne cheke eghu ka phiamare, “Filoni mae tela ari ana! Mana ngala nogna sipu te mala fafara God na.”

Matiu 13:33

Mae Jisas neke toutonu ranghidi keha cheke naba na. Mana ne cheke eghu, “Nakarha God te funei frunidi nogna naiknore jateula isi te ngigno kaisei naikno biꞌo balu varadaki glimai kilo flaoa ia eghu. Isi igne na faboboni flaoa na.”

Letas Teke Riso Tei Mae Pol Ka Khiloau Rom 3:25

God neke kuru meini mana mala lehe jateula kaisei fafara. Tutuani, dadara ka glehegna na mala hata fadeleidi nakhibodi naikno te gnafa te fatutuani ni mae Jisas. God neke eni igne mala laseni tahati te eni mana unha te doglo na. Naugna tifa na God neke sasaꞌani te ofo na, eghuteuna mana neke theome ghosei paradi naiknore eigna nakhibodire. Nu gognaro na God jaola falalase ranghi ghita mana te eni unha te doglo na, naugna mana neke snakreni mae Jisas mala lehe. Tutuani, mana neke eni igne mala falalase ranghidi iheire te fatutuani ni mae Jisas kaisei nabrou mala au doglo ke ulugna thegna.