Ululahu Korin 5:4 - Buka Blahi Ka Cheke Holo

⁴ Tutuani, iara fateni mae tuana ka nanghagna Jisas noda Lord. Kate salo fodu ghotilo na, gaoghathogu iara na au balumi ghotilo, ka nogna nolaghi Jisas noda Lord.

Ululahu Korin 5:4 ပူးပေါင်းရင်းမြစ်များ

Kolose 3:17

Gobigna lepo te edi ba te chekedi ghotilo re la kafe edihi malagna noda Lord Jisas Kraes. Eghuteuna ghotilo cheke fakelini God Kmada ka mana.

Fapea Korin 13:3

Iara ginauna eni igne naugna ghotilo magnahaghei te filo glanini Kraes te loku ke lamnagu iara te mala toutonuni chekegna mana na. Ghotilo ginauna filoni Kraes na theome nigra kate loku ke lamnami ghotilo na. Theo. Mana ginauna fatakleni ka ghotilo nogna nolaghi biꞌo mana na ka iara.

Jone 20:23

Te atha koko ghotilo nakhibogna kaisei naikno na, God ginauna atha koko hui nakhibogna mana re. Nu te theome atha koko ghotilo nakhibogna naikno tuana, God ginauna theome atha koko la nakhibogna mana re.”

Fapea Tesalonika 3:6

Uve kheraguro, ka nanghagna mae Jisas Kraes noda Lord, ghehati magnahaghei cheke faheta ka ghotilo. Thosei fofodu ka naikno khiloau te tirodi loku are. Naikno te tirodi loku are theome leghudi farirhiu teke tusu ari ghehati ka ghotilo ra.

Matiu 16:19

Iara ginauna na tusu ari ka iagho nolaghi mala jateula ki gna eghu grengathagna nogna nauthoglu majaghani God na. Eghume unha nate theome snakreni iagho ka nauthoglu igne, God ginauna theome snakreni la kligna. Eghuteuna unha nate snakreni iagho ka nauthoglu igne, God ginauna snakreni la kligna na.”

Efesus 5:20

Eghuteuna ka nanghagna mae Jisas Kraes noda Lord, ghotilo cheke fakelini God Kmada eidi gobigna lepo te edi leuleghu narane.

Fapea Korin 13:10

Iara riso ari letas igne kate theome au teu balumi ghotilo naugna kate ari iara te posa ka ghotilo na, iara theome magnahaghei te cheke faheta ranghi ghami ka nolaghi biꞌo teke tusu mei Lord ka iara igne. Mana neke tusu mei ka iara nolaghi igne mala toghodi nomi fatutuani ghotilo re mala heta, theome mala goigoni ghami ghotilo.

Mae Khuru 16:18

Naꞌa eni koba igne leuleghu narane. Mae Pol ne ghilei hongoni, aonu mana figri ne cheke eghu ka naitu na, “Ka nanghagna mae Jisas Kraes iara te cheke ari ka iagho mala jifla mei ka naꞌa!” Eghuteuna naitu na ghosei ne jifla mei ka gaꞌase na.

Mae Khuru 3:6

Nu mae Pita ne cheke eghu ka mana, “Iara theo sileni. Nu keha glepoi ngau te au ka iara na, tuana nate tusu ari iara ka iagho na. Te cheke nigho iara na, ka nanghagna mae Jisas Kraes gna Nasaret, kegra haghe, nonolo tafri!”

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Matiu 28:18

Ka narane igne, mae Jisas mei ne cheke eghu ka nogna mae fanomho re, “Mae Mama snakre meihi ka iara nolaghi te gnafa kligna nei pari.

Matiu 18:20

Igne tutuani fara, naugna jame phei ba thiloi naikno te salo fodu mei naugna mare te nogu mae gloku iara na, iara na au jare baludi mare.”

Mae Khuru 4:30

Togho ghami mala frane ghehati kate fakakhana gna nou nolaghi iagho na. Fakarhidi naikno te fogra nei snakreni kofubobhoi nei fagaglana mala thakle ka nanghagna nou mae gloku blahi Jisas.”

Fapea Korin 2:6

Puhi te eni ghotilo naikno kmana ranghini mae tuana la nabagnahi.

Josua 22:15

Kate posa lao mare ka namono Gilead, mare ne cheke baludi vikegna Ruben, nei vikegna Gad, nei vido gaga ka vikegna Manase te au ke maghatigna namono igne.