Ululahu Korin 5:11 - Buka Blahi Ka Cheke Holo

¹¹ Tutuani, iara theome magnahaghe ghami ghotilo te fofodu ka iheire te kiloni thedi naikno khiloau, nu edi fabrahu glepo te diꞌa fara, ba mamagna, ba pogho soru ka mumuju, ba toutonu fadiꞌani ihei, ba khuru koꞌu, ba chaghi mala hata glepo ka keha naiknore. Ghotilo thosei gnokro fodu baludi nafnata naikno tuare, ba ima baludi. Igne gaoghathogna nogu letas iara teke riso ari ka ghotilo tifa ia.

Ululahu Korin 5:11 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 16:17

Kheraguro, iara cheke heta ka ghotilo mala fiofilo ghami ka iheire te magnahaghei fotani u khiloau gne. Mare tangomana te goigonidi nomi fatutuani ghotilo re baludi keha glepo te jafra ka farirhiu tela nomhidihi ghotilo ra. Thosei fanomho ka mare.

Fapea Tesalonika 3:14

Jame ihei ka ghotilo te tirogna leghudi cheke te riso ari ghehati ka ghotilo igre, ghotilo filo glani mae tuana. Thosei fofodu ka mana mala mamaja mana ka puhigna thegna re.

Fapea Tesalonika 3:6

Uve kheraguro, ka nanghagna mae Jisas Kraes noda Lord, ghehati magnahaghei cheke faheta ka ghotilo. Thosei fofodu ka naikno khiloau te tirodi loku are. Naikno te tirodi loku are theome leghudi farirhiu teke tusu ari ghehati ka ghotilo ra.

Matiu 18:17

Te tirogna fanomho fakeli mana ka unha te chekeni mare na, keli kolho, iagho ke chekeni puhi tuana ka khiloau. Te tirogna fanomho mana ka nogna cheke khiloau na, keli kolho, ghotilo ghatho laoni mae tuana jateula kaisei mae bongihehe ba kaisei mae te diꞌa mala salo takis eghu.

Fapea Jone 1:10

Jame kaisei mae mei ka ghotilo, nu mana theome hata mei nogna farirhiu mae Kraes igne teuna, thosei hata meini ka nomi sugare ba toutonu balugna mana.

Thakle 22:15

Nu keha naiknore theome nabadi te tei lamna na. Igre naikno te leghudi puhi te chara, nei iheire te au naitu khoraphaꞌu, nei iheire te gnognoro, nei iheire te falehe naikno, nei iheire te pogho soru ka mumuju, nei iheire te lase chaichaghi fara.

Thakle 21:8

Nu naikno te diꞌa te gnafare ginauna tei au ka kholo khaꞌaghi. Tutuani, iheire te tirodi leghu ghau iara igre, naugna mare ne mhaghuni u glehe, nei iheire te theome fatutuani, nei iheire te edi puhi te diꞌa, nei iheire te falehe naikno, nei iheire te gnognoro, nei iheire te au khoraphaꞌu, nei iheire te pogho soru ka mumuju, nei iheire te chaichaghi fara teu igre, ginauna thokedi kholo biꞌo te dudulu ka khaꞌaghi te ngire ka thina ngaja na. Kholo khaꞌaghi igne jaola kiloni fapea glehe na.”

Ululahu Timoti 3:3

Mana theome nafnata naikno te koꞌu fara are, ba te magnahaghei magra koba, ba te magnahaghei sileni fara. Nu mana mae mala au faleghu nei au kmu.

Matiu 23:25

“Puhi biꞌo ka ghotilo mae velepuhi nei mae Farasi teu igre! Ghotilo mae chaghi! Ghotilo jateula kapu ba tapera te famane titihi te klino ke kosi na ia eghu. Ghotilo filo fakeli kolho ke kosi na, nu ke lamna na fodu ka puhi magra, nei goghotu, nei chaichaghi eghu.

Thakle 2:20

Nu kaisei glepo ngala te theome magnahagheni iara ka ghotilo na. Eigna ghotilo ne snakreni Jesebel ne eni unha te magnahagheni naꞌa na. Jesebel gne kaisei gaꞌase gnognoro fara nu naꞌa chaichaghi ne cheke eghu, ‘Iara kaisei nogna profet God.’ Tutuani, Jesebel gne ne korho fadeleidi nogu naikno iara re mala leghuni nogna farirhiu thegna te jafra fara na. Naꞌa baubatudi naiknore mala gnognoro nei ghamu gano teke fafara ka mumujure eghu.

Efesus 5:5

Ghotilo themi la lasenihi igne, nafnata naikno te gnognoro nei edi nafnata glepo te diꞌa igre teuna, mare theo sapedi ka nauthoglu majaghani Kraes ghe God te funei frunini na. Eghuteuna jaola iheire te mamagnadi nodi glepo keha naiknore, mare theo sapedi jare naugna naikno igre jateu te tufru soruni mumuju eghu kolho.

Luku 21:34

“Fiofilo ghami ghotilo ia! Na eghunu ima ghemi kolho, koꞌu ghemi kolho, ba nangani kolho eghu ghotilo glepo gna nauthoglu igne. Naugna jame te eghu ghotilo na, ghotilo ginauna theome tangomana te ghaoghatho fadoglo eigna thofno nakarha na. Eghuteuna narane leghu lahu na ginauna megei nga mei kate theome tarabana teu ghotilo na.

Profet Esikiel 22:12

Ka namono igne, keha ka ghotilo hata sileni ka mae iheire te magnahaghei aknu falehe naikno. Eghuteuna ghotilo hata intres biꞌo ka kaoni teke tusu lao ghotilo ka kherami are, eghume ghotilo thofno dedei fara naugna ghotilo chaghidi kolho naiknore. Ghotilo la ghatho iho ghau iarahi. Igne nogu cheke iara Lord God.

Kolose 3:5

Eghume, kafe nhaꞌa fadelei ka nagnafamire puhigna nauthoglu te diꞌa igre, tulao: puhi gnognoro, puhi diꞌa te gnafa, puhi te sneka ka gaoghatho te diꞌa, nei puhi magnahaghei glepo te diꞌa. Eghuteuna ghotilo jaola nhaꞌa fadelei ka nagnafamire puhi te mamagnadi nodi glepo keha naikno gre, naugna puhi igne jateula te tufru soruni eghu mumuju.

Ululahu Korin 8:11

Eghume nou glalase iagho eigna gano igne na batu fadiꞌani mae ihei te theome nheta nogna fatutuani na. Ba, ghotilo theome laseni Kraes teke lehe eigna mae kherada igne?! Tutuani, ghotilo laseni mae kherada igne mana kaisei mae biꞌo ka Kraes.

Ululahu Korin 6:6

Nu ghotilo magnahaghei te tei toreni mae bongihehe na te mala fadoglini puhi teke eni kaisei mae ranghini keha mae thabusigna ka khiloau na!

Letas Teke Riso Tei Mae Pol Ka Khiloau Rom 13:13

Tahati mala au fabrahu ka puhi te doglo jateula naikno te au fabrahu kate phae eghu. Theome mala edi gaghamu te diꞌa ba koꞌu mala dranga, ba gnognoro, ba leghudi keha puhi te diꞌa, theome mala magra ba goghotu.

Nodi Khoje Hatimare Mae Jiu 101:5

Iara ginauna fakmudi iheire te cheke pouporu te magnahaghei goigonidi nanghadi keha naiknore. Eghuteuna iara ginauna khidi iheire te fahaehaghe fara.

Nodi Khoje Hatimare Mae Jiu 10:3

God, mae te diꞌa igne, mana cheke fahaehaghedi fara glepo te diꞌa te magnahaghedi thegna re. Mae igne magnahaghedi kmana glepo fara, ne figri tagru nigho, ne cheke fadiꞌa nigho.

Thakle 2:14

Nu kaisei glepo langau te theome magnahagheni iara ka ghotilo na. Keha naikno ka ghotilo re leghuni nogna farirhiu mae Belam. Tifa na mana neke farirhiuni mae King Balak mala chaichaghidi naiknodi Israel re, naugna mana magnahaghedi naiknore te tapla jafra ka nakhibo. Mana farirhiudi mala ghamu gano teke fafara ka mumuju na, eghuteuna batudi kau puhi gnognoro.

Ululahu Timoti 6:5

Mare magra koba eghuteuna theome au kaisei gaoghatho te doglo ka nagnafadire. Mare theome tangomana te filo glani kaisei glepo te tutuani. Mare cheke eghu ka gaoghathodi thedire, “Te loku ranghini God tahati na ngala kaisei nabrou te mala dedei na.”

Efesus 5:18

Thosei koꞌu me dranga ka waen, naugna igne ginauna batu fadiꞌadi puhimi ghotilo re. Nu snakreni mae Tharunga te Blahi na mala fodu ke lamnami mala batu fakeli ghami.

Galesia 2:12

Ulu lahu na, kate mei te au jare Antiok na, mae Pita ne ima baludi iheire te theome Jiu. Aonu mae Jemes ne kuru meidi keha mae Jiure. Mae igre magnahaghedi naikno khiloau te gnafare mala leghuni vetula te mala vahe na. Kate posa mare na, mae Pita ne mhaghuni tothoghei igne. Aonu mana ne tirogna au fodu fabrahu baludi naikno khiloau te theome Jiu.

Ululahu Korin 11:21

Naugna kate ima na, ghotilo te gnafa na sopai ima theome ofodi keha naiknore. Eghume kehare dranga ka waen nei keha ka ghotilo rofo kolho naugna ganore la gnafahila.

Ululahu Korin 10:14

Eghume kheraguro, thosei pogho soru ka mumuju.

Ululahu Korin 7:15

Jame kaisei naikno theome fatutuani ni Kraes, eghuteuna magnahaghei koko khetogna te fatutuani ni Kraes na teuna, keli kolho te snakre teini na. Jame te eghu na, thabusida ba greghada ka Kraes tuana na snagla ka puhi tholaghi na. Nu te tangomana na, repa au fodu naugna God neke kilo ghita mala au ka pharikeli.

Ululahu Korin 7:12

Ranghi ghami ghotilo keha naiknora, iara kolho te chekeni igne, theome nogna Lord. Uve, te chekeni iara na, jame kaisei mae khiloau tolaghi ka gaꞌase te theome fatutuani ni Kraes nu naꞌa magnahaghei au fabrahu balugna mana teuna, mana mala thosei koko gaꞌase igne.

Mae Khuru 9:17

Aonu mae Ananias ne tei ka sugagna mae Judas na ne taofini mae Sol. Mana ne cheke eghu, “Ghema kheraguo Sol, Lord Jisas neke kuru mei ghau iara. Mana ngala teke thakle ka iagho ia, kate ke tei iagho ka nabrou ia. Mana neke kuru mei ghau iara mala tangomana iagho teke fifilo fapulo na nei mala au balumu iagho u Tharunga te Blahi na.”

Luku 18:11

Mae Farasi au neu delei ne kegra haghe ne tarai eghu, ‘God iara cheke fakeli nigho fara, iara theome diꞌa jateula keha naikno igre eghu. Iara theome jateula mae ihei te blau, chaichaghidi keha naiknore ba tolaghi pedo. Eghuteuna iara cheke fakeli nigho fara langau naugna iara theome jateula mae te diꞌa te salo takis igne eghu.

Mae Khuru 1:15

Keha narane ke leghudi igre, namo kaisei gobi varadaki naikno khiloau khapru fodu neu. Mae Pita kegra haghe ke lamnadi mare ne cheke eghu,

Ululahu Korin 6:9

Ghotilo thofno laseni ihei te edi glepo te diꞌa igre ginauna theome thokeni u nakarha te funei frunini God na. Naikno igre te diꞌare: iheire te gnognoro, ba iheire te pogho soru ka mumuju, ba iheire te huhughuni vetula gna tholaghi, ba nalhaꞌu te ei puhi diꞌa fari nalhaꞌu, ba iheire te blau, ba iheire te mamagna, ba iheire te koꞌu te dranga, ba iheire te toutonu chaichaghidi keha naiknore, nei iheire te chaghi mala hata glepo ka keha naiknore. Eghume kheraguro, thosei snakreni ihei te mala chaghi ghami ghotilo eigna puhidi naikno te funei frunidi God re.