Ululahu Korin 5:10 - Buka Blahi Ka Cheke Holo

¹⁰ Nu iara theome chekeni te mala thosei fofodu ghotilo ka mae te bongihehere, ba mae te edi glepo te diꞌa fara ba mamagna ba blau ba pogho soru ka mumuju. Te tei kokodi ghotilo naikno igre, ghotilo ginauna jifla kokoni nauthoglu igne!

Ululahu Korin 5:10 ပူးပေါင်းရင်းမြစ်များ

Ululahu Korin 10:27

Jame kaisei mae te theome fatutuani ni Kraes tore ghami ghotilo mala tei ima balugna. Jame te magnahaghei ghotilo na, ima unha te lilisei mana ke ulumi na, thosei ghusna mala laseni jame iagho ghathoni glahu jafra te ima na.

Thakle 12:9

Mare ne koko soruni pholi biꞌo na baludi nogna engel re ka nauthoglu gne. Pholi biꞌo tuana ngala mogo gna tifa te kiloni tahati mae Satan, mae funeidi naitu te gnafare. Eigna mana ne baubatudi naikno te gnafa ka nauthoglu gne ka nabrou te jafra.

Ululahu Jone 5:19

Tahati lasenihi tahati goro thugna God nu mae Satan funei fruni nauthoglu tongana gne.

Ululahu Jone 4:5

Mae igre nogna nauthoglu igne. Naugna igne mare cheke eigna puhigna nauthoglu, eghuteuna naiknogna nauthoglu gne fanomho ka mare.

Filipae 2:15

Nu au fadelei ka glepo te diꞌare, mala nu theo kaisei naikno te filoni kaisei najafra ka ghotilo na eghu. Ghotilo ginauna mala goro thugna God eghu mala theo kaisei najafra tami. Nu ghotilo ginauna au ngala kau nauthoglu igne baludi naikno te thono diꞌa fara puhidi are. Uve, ghotilo mala jateula u nathunu te phae kate romno ka maloa na ia eghu ka mare.

Efesus 2:2

Uve, tifa na ghotilo neke leghuni puhidi naikno te diꞌa ka nauthoglu igne. Ghotilo neke leghuni kolho mae Satan, mae funeidi naitu ka maloa gne, eigna mana gognaro na tangomana te funeidi iheire naikno te theome leghuni God.

Fapea Korin 4:4

Eigna Satan mae ihei te funei frunini nauthoglu igne ne faromnodi nagnafadi naikno te theome fatutuanire. Eghume mare theome tangomana te filoni u naphae gna Nonomho te Keli te thofno fatakleni nogna nolaghi biꞌo Kraes na, mae ihei te thofno thotoghale gna God na.

Ululahu Korin 1:20

Eghume ne faꞌunha si naikno te lalase fara ra, ba mae velepuhigna vetula nogna mae Moses ra, ba mae iheire te laseni fara gaoghathogna nauthoglu ra? Mare tangomana te cheke tughu ka God na? Theo, naugna God la falasenihi ka tahati u glalase gna nauthoglu gne jateula thoutonu te theo nafugna eghu kolho.

Jone 8:23

Mae Jisas ne cheke eghu ka mare, “Ghotilo neke karha ka nauthoglu igne kolho, eghuteuna iara theome maegu ka nauthoglu igne. Nu iara neke mei funu kligna ka God.

Ululahu Jone 4:7

Uve kheraguro, tahati fari namhai, naugna namha na mei funu ka God. Ihei te namha na thugna God nei laseni God.

Jone 17:9

Gognaro na iara taraidi mare. Iara theome taraidi naikno te leghuni puhigna nauthoglu igne. Nu iara taraidi naikno teke tusu mei iagho ka iara gre, naugna mare nou iagho.

Jone 17:6

“Iara neke fatakle nigho iagho ka naikno teke tusu mei iagho ka iara teke vavahi fadelei iagho kau nauthoglu igne. Naikno igre nou iagho, eghuteuna iagho neke snakre meidi ka iara. Mare leghudi nou cheke iagho teke cheke ranghidi iara ra.

Jone 15:19

Nu jame leghuni ghotilo puhigna nauthoglu igne na, mare ginauna na namha ghami ghotilo, naugna ghotilo nogna naikno u nauthoglu igne. Nu iara neke vahi fadelei ghamihi ghotilo kau nauthoglu igne. Eghume ghotilo theome nogna naikno nauthoglu igne. Naugna tuana naiknogna nauthoglu igne ginauna theome magnahaghei ghami ghotilo.

Luku 18:11

Mae Farasi au neu delei ne kegra haghe ne tarai eghu, ‘God iara cheke fakeli nigho fara, iara theome diꞌa jateula keha naikno igre eghu. Iara theome jateula mae ihei te blau, chaichaghidi keha naiknore ba tolaghi pedo. Eghuteuna iara cheke fakeli nigho fara langau naugna iara theome jateula mae te diꞌa te salo takis igne eghu.

Ululahu Korin 5:9

Ka letas teke riso ari iara ka ghotilo tifei ia, iara neke chekehi ka ghotilo mala thosei fofodu baludi iheire te tapla jafra ka nakhibo are.

Ululahu Korin 5:11

Tutuani, iara theome magnahaghe ghami ghotilo te fofodu ka iheire te kiloni thedi naikno khiloau, nu edi fabrahu glepo te diꞌa fara, ba mamagna, ba pogho soru ka mumuju, ba toutonu fadiꞌani ihei, ba khuru koꞌu, ba chaghi mala hata glepo ka keha naiknore. Ghotilo thosei gnokro fodu baludi nafnata naikno tuare, ba ima baludi. Igne gaoghathogna nogu letas iara teke riso ari ka ghotilo tifa ia.