Ululahu Korin 4:9 - Buka Blahi Ka Cheke Holo

⁹ Nu gaoghathogu iara na, God lilisei ghami ghehati mae khuru gre leghu lahu. Ghehati jateula mae sosolo tela fate ghamihi mare te mala lehe ra eghu. Ghehati kegra ke uludi engel nei naiknogna nauthoglu gne eghu ka puhimi ghehati re.

Ululahu Korin 4:9 ပူးပေါင်းရင်းမြစ်များ

Hibru 10:33

Ka keha fata naiknore maꞌe ghami ghotilo ke uludi naikno te kmana, ba edi keha puhi te diꞌa ka ghotilo naugna ghotilo fatutuani ni mae Kraes. Eghuteuna keha fatare ghotilo au baludi naikno te paradire.

Letas Teke Riso Tei Mae Pol Ka Khiloau Rom 8:36

Te chekeni kau grioriso te blahi na glepo igre tangomana te thoke ghita tahati, ne cheke eghu, “Naugna ghehati nou iagho, naiknore magnahaghei te falehe ghami ngala leuleghu narane, te ghathoni mare na ghehati gne jateula sipu te mala falelehe ra eghu kolho.”

Hibru 1:14

Mae unha si engel grea? Mare khogla tharunga kolho, mala loku ranghini God. Eghuteuna God kurudi mare mala toghodi iheire te athini u thofno karha na.

Hibru 11:36

Keha naikno te fatutuani ni God re, mae naoka gre maedi nei puridi. Eghuteuna kehare, mare haru ka chen khamedi nei ghahedi teure mala koko lao kau suga sosolo.

Ululahu Tesalonika 3:3

Ghehati kuru arini mana mala theo kaisei ka ghotilo te figri fapulo ka nogna fatutuani na eidi naꞌau papara gognaro gre. Eigna ghotilo themi lasedi nafnata naꞌau papara igre u gaoghathogna God malada tahati.

Fapea Korin 6:9

Mare chekeni ne theome mae khuru tutuani ghehati teuna, nu naikno te gnafare lase ghami ghehati te thofno mae khuru tutuani na. Ghehati namo lehe, nu ghehati karha meu ngala. Mare tangomana te para ghami, nu mare theome tangomana te falehe ghami.

Mae Khuru 19:31

Keha mae biꞌo ka provins tuana kheragna keli mae Pol. Mare ne fanomhini mana mala thosei tei ruma mana ka vido te mala khapru na.

Mae Khuru 19:29

Aonu magra tuana ghosei ne tei posa ka namono biꞌo na. Aonu naiknore lokidi mae Gaeasi ghe mae Aristakas, phei maedi ka Provins Masidonia teke tei tei balugna mae Pol. Mare ghosei ne korho ne tei ka vido te mala khapru na.

Nodi Khoje Hatimare Mae Jiu 44:22

Nu naikno gre magnahaghei fara te falehe ghami ghehati leuleghu narane. Naugna ghehati gne nou iagho, mare gaoghatho mala falehe ghami ghehati jateula sipu eghu.

Nodi Khoje Hatimare Mae Jiu 71:7

Leuleghu fata na nakarhagu iara gne ngala kaisei te mala filo leghuni naiknore, naugna iagho ngala nogu vido keli te mala poru iara na.

Profet Jeremaea 20:18

Naugna unha neke jifla mei ka thiꞌagna idogu na sara gnea? Thua nafnata puhi biꞌo kolho te thokeni nakarhagu iara na, eghuteuna leuleghu fata na iara tanhi nei diꞌanagnafa eghu kolho. Eghuteuna nakarhagu fateote'o iara na au mamaja kolho.

Ululahu Korin 15:19

Jame noda grouronu ka Kraes na malagna nauthoglu igne kolho meuna, tore kokhoni ghita fara ke uludi naikno te gnafare.

Fapea Korin 11:23

Mare chekeni koba ne nogna mae gloku Kraes teuna, nu iara jaola nogna mae gloku keli Kraes uludi mare eghu. Iara cheke fara jateu kaisei mae te fameomekro eghu tutuani! Iara loku heta ke tulaodi marei. Iara au ka suga sosolo kmana fata ke tulaodi marei. Naiknore puri ghau ke tulaodi marei. Iara namo lehe kmana fata ke tulaodi marei.