Ululahu Korin 4:6 - Buka Blahi Ka Cheke Holo

⁶ Kheraguro, te mala laseni ghotilo unha te chekeni iara na, iara neke cheke eidi puhimi ghepa mae Apolosi, mala glola fakeli ka ghotilo gaoghathodi u cheke igre, “Ghotilo leghuni ngala unha te risoni ka grioriso te blahi na.” Ka puhi igne ghotilo ginauna theome tangomana te cheke fahaehagheni fara kaisei naikno ke uludi keha naiknore.

Ululahu Korin 4:6 ပူးပေါင်းရင်းမြစ်များ

Fapea Korin 11:4

Naugna ghotilo snakredi naiknore te ari toutonu eigna kaisei Jisas te jafra kate toutonuni ghehati gne. Eghuteuna ghotilo gleale'a te mala nomhini eigna kaisei nafnata tharunga nei kaisei nafnata Nonomho te Keli eghu te jafra ka Tharunga te Blahi nei Nonomho te Keli eghu te hata teke ari ghehati ka ghotilo ia.

Fapea Korin 12:19

Ba, ne riso ari ghehati glepo igre mala tafra ghami ghehati themi neu si ghotilo ia? Theo! Ghehati chekedi glepo igre ka puhi te magnahagheni Kraes te mala eni ghehati ka tathagna God na. Eghuteuna gobigna lepo te risodi ghehati gre, kheraguro, mala tangomana te farhetadi nomi fatutuani ghotilo re.

Fapea Korin 12:6

Neuba iara ne cheke fahaehaghe eidi mifi igre, iara theome mae meomekro, naugna iara tangomana te chekedi kolho glepo te tutuani re. Nu iara ginauna theome cheke fahaehaghe, naugna iara theome magnahagheni kaisei naikno te ghatho tahu ghau iara fara uluni unha te eni iara na, ba unha te chekeni iara na.

Kolose 2:18

Keha mae te fahaehaghedi fara nodi mifire, eghuteuna farirhiudi naiknore mala au faleghu ka puhi te theo nafugna, eghuteuna mala tufru soru ranghidi hatimare mae engel. Thosei snakreni kaisei mae ka mae igre mala batu fadelei ghami te mala theome fatutuani ni mae Kraes. Mare fiti fahaehaghe kolho, eigna gaoghathogna naikno ka nauthoglu na theome tutuani,

Ululahu Tesalonika 1:5

Kate hata mei ka ghotilo Nonomho te Keli na, ghehati theome mei balu cheke kolho, nu jaola mei balu nolaghi nei Tharunga te Blahi, eghuteuna thofno laseni u Nonomho te Keli gne tutuani fara. Jaola ghotilo filoni unha nafnata nakarha te batuni ghehati. Ghehati batuni nafnata nakarha igne mala togho ghami ghotilo.

Letas Teke Riso Tei Mae Pol Ka Khiloau Rom 12:3

Naugna khokofakasai teke tusu mei God ka iara na nate chekeni iara ka ghotilo te gnafa na, thosei ghatho tahu ghami themi fara. Nu ghatho ghami themi ka puhi te nabami ghotilo leghuni nomi fatutuani teke tusu ranghi ghami God.

Fapea Korin 10:7

Ghotilo mala filoni unha te ulu! Ihei te chekeni ne nogna Kraes teuna, mana mala ke ghaoghathoni, eigna ghehati jateula mana eghu nogna Kraes.

Fapea Korin 4:15

Gobigna lepo igre mala togho ghami ghotilo. Eghuteuna jateula igne teu te jifla te tei nogna khokofakasai God na ka naikno te kmanare, naiknore ginauna cheke fakelini God mala fodu salaꞌui nafnaknogna God na.

Ululahu Korin 8:1

Gognaro na iara magnahaghei cheke eigna gano teke fafara ka mumuju. Tutuani fara, keha naiknore cheke eghu, “Tahati te gnafa na kafe au noda glalase.” Neuba, nafnata glalase te mala laseni unha te tutuani ba unha te theome tutuani na igre mala fahaehaghe ghita theda kolho. Nu namha na biꞌo uluni glalase na naugna namha na tangomana te thofno fahetani noda fatutuani na.

Ululahu Korin 5:6

Nomi fahaehaghe ghotilo eidi puhi te diꞌare theome doglo. Naugna ghotilo lasenihi cheke igne, “Katha isi ikoi kolho te mala fabiꞌodi bret te gnafare.”

Ululahu Korin 3:19

Naugna nogna glalase te keli nauthoglu gne theo nafudi kolho ka God. Tutuani, grioriso te blahi na cheke eghu, “God ginauna fatedi mae glalase te lase chaghi re.”

Fapea Timoti 2:10

Eghume iara heta ghegu kolho neuba mare ne para ghau. Naugna iara magnahaghei te toghodi naikno teke vavahi God re mala nogna naikno mae Jisas Kraes. Ka puhi igne God ginauna fakarhidi, eghuteuna mare ginauna hatini u karha fei tifa na.

Fapea Korin 10:15

Ghehati fahaehaghe salaꞌui ka nomi gloku na kolho. Ghehati theome magnahaghe te fahaehaghe ka gloku tela edihi keha naiknore. Nu te rouronu ghehati na ghotilo ginauna kotu leuleghu fata ka nomi fatutuani na nei ghotilo ginauna toghoni nomi gloku ghehati gne mala kotu e biꞌo.

Fapea Korin 10:12

Naikno te ghatho tahudi fara thedi igre, mare noli fara kolho! Eghu jame te tutuani mare te keli te ulu ghau iara na, aonu ghehati theome nabami te chekeni ne kaisei nanaba ka mare teuna ba ne keli uludi mare teuna. Nu tuana theome tutuani. Theo fara! Naugna mare ghathodi kolho vetula te mala fatedi puhidi thedire kolho eghuteuna jaola leghudi kolho nodi vetula thedire.

Ululahu Korin 13:4

Naikno khiloau na mala namhadi keha naiknore jateula Kraes te namhadi naiknore eghu. Eghume naikno khiloau na mala au kmu nei keli ranghidi keha naiknore. Mana mala theome goghotu, nei theome mala ghatho tahuni thegna, nei theome mala fahaehaghe.

Ululahu Korin 9:23

Gobigna lepo te edi iara igre malagna Nonomho te Keli gne, mala jifla tei tongana heva heva, nei jaola mala tangomana te thokeni nogna fablahi God ka iara na.

Ululahu Korin 5:2

Tore! Ghotilo theome tangomana te cheke fahaehaghe ghami themi na. Ghotilo jame diꞌanagnafa balu mamaja, eghuteuna mae ihei te eni nakhibo tuana nabagna na mala au kosi.

Ululahu Korin 3:21

Eghume ghotilo theome naba te cheke fahaehagheni unha te eni naikno na! Tutuani fara, gobigna lepore nomi ghotilo.

Ululahu Korin 1:31

Eghume, tahati laseni gaoghathogna grioriso te blahi te cheke eghu igne, “Mae ihei te magnahaghei fahaehaghe na, mana mala fahaehaghe kolho ka unha teke enihi Lord na.”

Ululahu Korin 1:19

Jateula te chekeni ka grioriso te blahi na cheke eghu, “Iara ginauna fahuidi nodi glalase mae iheire te lalase fara, eghuteuna rorhoꞌe nodi glalasere mala theome tangomana mare te lalase na.”

Ululahu Korin 1:12

Igne gaoghathogna unha te chekeni iara na. Keha mae cheke eghu, “Iara nogna mae Pol.” Kehare cheke eghu, “Iara nogna mae Apolosi.” Kehare cheke eghu, “Iara nogna mae Pita.” Eghuteuna kehare cheke eghu, “Iara nogna mae Kraes.”

Profet Isaia 2:22

Ghotilo thosei au nomi grouronu kaisei phile ka naikno, naugna mare theome au raugha lehe kolho. Mare theo nafudi kolho eghuteuna theome tangomana nate togho ghami ghotilo.

Nodi Khoje Hatimare Mae Jiu 146:3

Tore, thosei fatutuanidi hatimare mae funeigna nauthoglu igne, eigna mare theome tangomana te fakarhi ghami ghotilo na.

Nodi Khoje Hatimare Mae Jiu 8:4

Iara ne cheke eghu, “Tore, ghehati gne khogla naikno kolho. Mala unha sagho te reireghi fakeli ghami ghehati gnea?”

Mae Khuru 18:24

Ka vido tuana, kaisei mae Jiu teke karha Aleksadria na, mana tei ne posa Efesus. Mae igne nanghagna na, mae Apolosi. Mae Apolosi gne kaisei mae lase cheke fara, nei laseni fara u grioriso te blahi na.

Mae Khuru 19:1

Kate au teu mae Apolosi ka namono Korin, mae Pol liu mhata ne tei thoke Efesus. Mana ne filodi keha naikno khiloau jare.

Fapea Korin 12:20

Eigna iara nanga nogu mala ari posa ka ghotilo, na eghunu jafra ghotilo ka unha te magnahaghei filoni iara ka ghotilo na eghu. Jame te eghu na, iara ginauna jaola na jafra ka unha te magnahagheni ghotilo na. Kate ari posa iara ka ghotilo na, theome keli te filoni iara ke lamnami te magra, goghotu, diꞌatami faghose, ghatho ghami themi kolho, nhagho, buiburi naikno, fahaehaghe, nei theome au fodu.