Ululahu Korin 4:5 - Buka Blahi Ka Cheke Holo

⁵ Eghume thosei fate naikno nu ofou ghilei thoke mei Lord. Mana ginauna hata fajifla kate phae glepo te diꞌa fara te poru teu kate romno na, eghuteuna mana ginauna fakakhana glepo teke poru ka nagnafadi naiknore. God ginauna jaola fafnaknodi gnafa naikno te leghuni nodi puhi te kelire.

Ululahu Korin 4:5 ပူးပေါင်းရင်းမြစ်များ

Jemes 5:7

Kheraguro, thosei babaꞌo, ghotilo au kmu ofou ke ghilei pulo mei noda Lord. Ghathoni si ghotilo mae te loku ka nagare ia. Kate joꞌu te gnafa nagare na, mana na ofoni meigna nakhete na mala kotu ganore.

Fapea Korin 5:10

Tahati laseni, tahati te gnafa na ginau ari kegra ka fate ke ulugna Kraes. Mana ginauna taba ghita hui, leghuni unha teke eni tahati ka nakarhada na kau nauthoglu igne, te keli ba te diꞌa.

Ululahu Korin 3:13

Eghuteuna ka narane leghu lahu nate mei fate Kraes na nodi gloku naikno te gnafare ginauna na kakhana unha te keli ba unha te diꞌa. Naugna kau narane tuana nogna khaꞌaghi God na ginauna fariuriudi nodi gloku naikno te gnafare mala laseni te keli ba te diꞌa na.

Hibru 4:13

Eghuteuna theo kaisei glepo kau nauthoglu gne tangomana te poru ka God. Gobigna lepore kakhana ngala ka mana. Eghuteuna kaisei narane tahati ginauna na chekedi ka mana unha teke edi tahati re.

Fapea Korin 10:18

Eigna mae ihei Lord te ghatho tahuni na, mana ngala te magnahagheni God na, theome mae ihei te ghatho tahuni thegna na.

Letas Teke Riso Tei Mae Pol Ka Khiloau Rom 2:16

God ginauna tusu lao nolaghi ka mae Jisas Kraes mala fatedi naikno te gnafare. Mana ginauna fatedi, kehare na fate fadoglodi nei kehare mala fate falehedi. Igne ginauna thoke mei ka narane God nate fatedi gobigna lepo te poru teku ke lamnadi naiknore. Eghuteuna igne leghuni u Nonomho te Keli te toutonuni iara gne.

Letas Teke Riso Tei Mae Pol Ka Khiloau Rom 2:1

Ghotilo iheire te lase fate naiknora, ghotilo theome tangomana te chekeni kaisei glepo na. Kate fatedi ghotilo keha naiknore, ghotilo cheke fapari ghami themi kolho, naugna ghotilo jaola edila glepo te diꞌa te edi mare igre.

Thakle 20:12

Eghuteuna iara ne filodi naikno te gnafa teke lehe ra, mae teke fnakno ba mae teke theome fnakno tifa ra, mare kegra ke ulugna nogna sape nafnakno mae King na. Eghuteuna mare ne tothora bukare mala toutonudi unha teke edi teke mei naikno te gnafare ka nakarhadire. Aonu mare jaola ne tothora nogna buka God na. Mana neke rioriso soru nanghadi naikno te mala karha fabrahu tifa tifa ka buka igne. Mana ne kafe fatedi naiknore leghudi unha teke edi mare re.

Eklesiasti 12:14

Neuba tahati ne eni unha glepo te keli ba unha glepo te diꞌa na, God ginauna fatedi gobigna glepo te gnafa gre baludi glepo te poru teu.

Ululahu Pita 1:7

Fariuriu igre khogla fariuriudi kolho nomi fatutuani ghotilo re, mala laseni te nheta ba te klino na. Fariuriu igre jateula gol te lilisei ka khaꞌaghi te mala fariuriu nei famane fagagae teu ia eghu kolho. Neuba ngau, gol na ne theome tangomana te au fabrahu tifa tifa. Nu nomi fatutuani ghotilo na glepo ulu fara ka God ke tulao gna gol. Eghume ka narane mala ke pulo meigna mae Jisas Kraes na, mana ginauna kilo fnakno ghami nei cheke fakelidi nanghamire nei ghatho tahu ghami naugna nomi fatutuani na ne heta fara.

Letas Teke Riso Tei Mae Pol Ka Khiloau Rom 2:29

Nu God fadoglonihi nagnafagna mae ihei te thofno Jiu na ka nogna nolaghi mae Tharunga te Blahi. Naugna thofno gaoghathogna u tohi fagaglana na la horoghotohi ka nakarhagna naikno na kate leghuni mae Tharunga te Blahi na, theome kate leghuni mana u vetula na. Eghuteuna God tangomana te ghatho tahuni nafnata mae igne, neuba keha naiknore ne theome tangomana te ghatho tahuni mana na.

Fapea Korin 4:2

Nu ghehati lisei fadelei glepo te poru ke lamnami te tangomana famamaja ghami teu, nei theome lase chaichaghi, nei theome tangomana te tuthughu chekegna God na. Ghehati farirhiuni unha te tutuani igne te falalase ghami themi ka naikno te gnafare. Mare tangomana te lase ghami ka nagnafadire te unha nafnata naikno ghehati na nei jaola ghehati thofno leghuni Lord.

Letas Teke Riso Tei Mae Pol Ka Khiloau Rom 14:4

Ba, iagho ihei sia mala fateni iagho nogna mae gloku keha funei na? Nogna funei thegna na jame te au nolaghi te mala chekeni te mala loku fakeli ba te loku fadiꞌa mana na. Nu mae gloku igne ginauna na eni fakeli fabrahu nogna gloku na, naugna Lord na toghoni mana ka unha te eni mana na.

Jone 5:44

Ghotilo magnahagheidi naiknore te ghatho tahu ghami kolho themi, nu ghotilo theome fariuriu hatani u nafnakno te mei funu ka thegna God na. Eghume thono ninhigrana ghami fara ghotilo te fatutuani ghau iara na.

Jemes 4:11

Kheraguro, thosei cheke fadiꞌani ihei, naugna mae ihei te cheke fadiꞌani mae kheragna fofodu na, mana jaola cheke fadiꞌani nogna vetula God na. Eghuteuna mae ihei te fateni mae kheragna fofodu na nei nhaꞌa faparini mana teuna, mana nhaꞌa fapari nila nogna vetula God na. Te eghu ghotilo na, ghotilo theome leghuni nogna vetula God na, nu ghotilo nhaꞌa fahaghe ghami themi ke kligna gna u vetula na.

Luku 6:37

Mae Jisas ne cheke eghu, “Thosei fateni ihei, na eghunu ke fate ghami God eghu. Thosei fathoroni ihei na, na eghunu ke fathoro ghami God eghu. Eghuteuna ghotilo hata fadelei nakhibodi keha naiknore mala nu ke hata fadelei langau God nakhibomire eghu.

Matiu 24:46

Mae gloku igne ginauna keli tagna fara kate mei nogna mae funei na, eghuteuna nogna mae funei na filoni mae gloku na te famane eni fabrahu nogna gloku na.

Thakle 1:7

Filo si ghotilo, mae Jisas na ginauna nake pulo mei balu grokho ka maloa na. Naikno te gnafare ginauna filoni mana, eghuteuna naikno teke jaꞌini mana tifa ra ginauna jaola filoni mana. Naikno ka namono te gnafa ka nauthoglu igne ginauna diꞌanagnafa balu tanhi fabiꞌo kate filoni mana na naugna mana au nolaghi biꞌo fara. Uve, ginauna jateula tuana eghu. Amen.

Ululahu Pita 5:4

Eghuteuna kate thakle mei Kraes na, mae pha'ugna greireghi sipu na, mana ginauna na tusu ranghi ghami ghotilo taba biꞌo te siasigla fabrahu tifa te tifa.

Ululahu Tesalonika 5:2

Ghotilo thofno laseni fara eigna theo kaisei naikno te laseni. Narane mala ke pulo meigna Lord tuana ginauna farhanidi naikno jateula kaisei mae blau te mei bongiro ia eghu.

Jone 21:22

Mae Jisas ne cheke eghu ka mae Pita, “Uve, jame iara magnahagheni mana te karha teu teke ghilei pulo mei iara na, tuana theome glepo ulu ka iagho. Mei sagho leghu ghau iara!”

Fapea Pita 3:4

Eghuteuna mare ginauna cheke eghu ka ghotilo, “Tore, aheva si mae Jisas na ia? Mana neke nhaꞌa cheke mala ke pulo mei, nu au meu aheva eghu si mana gnea? Mae ku'edara lehe la gnafahi, nu gobigna lepo igre theome ke tughu funu ka narane teke vuavuhagna nauthoglu gne.”

Matiu 25:23

“Aonu, mae funei na ne cheke eghu ka nogna mae gloku igne, ‘Ghema, iagho kaisei mae gloku keli fara! Iagho ghathodi koba unha teke chekedi iara ra. Eghume, naugna te ghatho branani iagho nou gloku na ka sileni ikoi teke tusu ari iara ia, gognaro na iara na tusu ari kmana glepo ke biꞌodi igrei ka iagho mala reireghidi iagho. Aonu iagho mei mala gleale'a balugu iara.’

Profet Malakai 3:18

Kau narane nate mei ginau igne, ghotilo ginauna laseni naikno te au doglo ka tathagu, nei leghu ghau iara teu igre na nhogri ka naikno te diꞌa te theome leghu ghau iara igre.’ ” Igne chekegna Lord mae ihei te au nolaghi fateoteo.

Letas Teke Rioriso Mae Jud 1:14

Mae Inok teke karha ka fafitu phagusu ke leghugna mae Adam na neke kulu laseni unha nate eni ka mae igre. Eghuteuna mana neke cheke eghu eidi mare, “Filo si ghotilo, Lord ginauna mei balu nogna thogha thogha engel te blahi.

Fapea Pita 3:12

Kate ofoni teu nogna narane biꞌo God igne, ghotilo loku heta mala faghose mei narane igne. Ka narane tuana khaꞌaghi na ginauna ghamu fateo maloa na, eghuteuna gobigna lepo ka maloa na ginauna branadi ghilei blalho kolho.

Ululahu Korin 15:23

Nu naikno te gnafare ginauna karha fapulo kate thoke mei nogna narane na. Kraes na neke kulu karha fapulo ka naikno te gnafare. Eghuteuna kate pulo mei Kraes na, nogna naikno mana re ginauna jaola karha fapulo.

Ululahu Korin 11:26

Tutuani, leuleghu fata kate ima bret na nei koꞌu ka hinao igne teuna, ghotilo falalase eigna glehegna Lord ghilei ke pulo mei mana.

Ululahu Korin 1:7

Eghume God neke tusu ari ka ghotilo nogna khokofakasai te gnafa Tharunga te Blahi kate ofoni teu ghotilo narane mala ke pulo meigna noda Lord Jisas Kraes. Eghuteuna Kraes ginauna jaola togho ghami ghotilo mala heta nei doglo eghu ke ulugna God ghilei thoke mei narane tuana.

Letas Teke Riso Tei Mae Pol Ka Khiloau Rom 2:7

Iheire ngala te edi koba gloku te keli, nei iheire te magnahagheni God te fafnaknoni nanghadi, nei ghatho tahudi, nei toghodi mala theome lehe tifa te tifa. Igre ngala God nate tusu ranghidi u thofno karha tutuani te theo ka huigna.

Matiu 24:30

“Ka narane tuana, fagaglana gna meigu iara na ginauna thakle mei ka maloa na. Eghuteuna naikno heva heva kau nauthoglu igne na kafe orio tanhi balu mhaghu. Eghuteuna mare ginauna filo ghau iara na soru mei ke kligna grokho balu nolaghi nei nafnakno te biꞌo.

Eklesiasti 11:9

Ghotilo naikno majaghani ra, ghotilo glealeꞌa kani majaghani ngau. Ghotilo leghuni unha te magnahagheni ka nagnafami re. Nu fiofilo ghami eghu, God ginauna fatedi puhimi ghotilo re.

Ululahu Korin 3:8

Eghume mae te joꞌu sisi nei mae te toatofa khoꞌu teu igre kaisei gaoghatho kolho fei gloku na. Aonu God ginauna tabadi phiamare leghuni nodi gloku na.

Matiu 25:21

“Aonu, mae funei na ne cheke eghu ka nogna mae gloku na, ‘Ghema, iagho kaisei mae gloku keli fara! Eghuteuna iagho ghathodi koba unha te chekedire. Eghume, naugna te ghatho branani iagho nou gloku na ka sileni ikoi teke tusu ari iara ia, gognarona iara na tusu ari kmana glepo ke biꞌodi igrei ka iagho mala reireghidi iagho. Aonu iagho mei mala gleale'a balugu iara.’

Thoutonu Eigna Mae Job 12:22

Mana fakakhana gaoghatho te diꞌa teke poru kate romno, eghuteuna mana hata mei juta mala faphae ka glepo te diꞌa jaola te au kate romno.

Profet Jeremaea 16:17

Iara ginauna eni igne, naugna iara filodi gobigna lepo te edi ghotilora. Puhi te diꞌa igre ghotilo theome tangomana te pophoru ka tathagu iara na, naugna leuleghu fata na iara filodi nakhibomi ghotilore.

Profet Jeremaea 23:25

“Iara nomhidihi mae profet te toutonu chaichaghi ka nanghagu iara na igre. Mare cheke eghu, ‘Iara filoni kaisei mifi teke funu mei ka God! Iara filoni kaisei mifi teke funu mei ka God!’

Profet Hosia 8:13

Mare edi kmana fafara, nei ima nafnahi teke fafara igre. Nu iara Lord, theome gleale'adi fafara te edi mare igre. Eghuteuna gognarona iara ghathodi nakhibodi mare igre, eigna nakhibo te edi mare igre ginauna paradi mare. Eghuteuna iara ginauna nake hata fafigridi Ijep ka sosolo.

Matiu 10:26

“Thosei mhaghudi naikno re, naugna gobigna lepo te edi poru ba cheke poru mare re, ginauna nake thakleu.

Jone 21:23

Eghuteuna, u thoutonu na theome lehe mae fanomho igne teuna, ne tei tongana ka mae fanomhore. Nu mae Jisas theome chekeni te mana na theome lehe teuna. Theo, te chekeni mae Jisas na, “Jame iara magnahagheni mana te karha teu teke pulo mei iara na, tuana theome glepo ulu ka iagho.”

Ululahu Korin 3:14

Jame te theome nhako unha teke babana mana ke kligna gna thina tuana na, God ginauna tabani mana.

Ululahu Korin 11:16

Jame ihei te magnahaghei fapoaphola eigna igne, iara na cheke eghu, “Ghehati baludi nogna khiloau God gre, theome au keha nabrou aheva nga te mala leghui na.”

Jemes 5:9

Kheraguro, thosei khuru cheke fari themi naugna na eghunu fate ghami God eghu. Naugna u narane te mala ke pulo mei mana te fatedi naikno te gnafare la thono namo hi.

Proveb 12:8

Naiknore pala hagheni nanghagna mae ihei te autagna gaoghatho te keli na. Nu cheke faparini mae ihei te autagna gaoghatho te diꞌa na.

Fapea Korin 10:9

Tutuani, iara theome magnahaghe ghami te ghatho ghau iara kaisei mae te mala famhaghu ghami ghotilo ka nogu letas re.