Ululahu Korin 4:17 - Buka Blahi Ka Cheke Holo

¹⁷ Naugna igne, iara kuru arini mae Timoti ka ghotilo. Iara namhani mana jateula thofno mae thugu eghu, naugna mana loku fakeli ranghini Lord. Mana ginauna farirhiu ghami ghotilo puhigna Kraes te leghuni iara gne, jateula iara te farirhiudi naikno khiloau ka namono te gnafa gre eghu.

Ululahu Korin 4:17 ပူးပေါင်းရင်းမြစ်များ

Ululahu Timoti 1:2

Uve ghema Timoti, ka noda fatutuani ka mae Jisas Kraes, iagho jateula kaisei mae thofno thugu eghu iara. Iara toreni nogna khokofakasai, lolokeli, nei pharikeli God Kmada nei Jisas Kraes noda Lord mala au balumu.

Ululahu Korin 16:10

Jame te ari mae Timoti ka ghotilo na, ghotilo mala reireghi fakelini mana naugna mana jateula iara eghu loku ranghini Lord.

Ululahu Korin 7:17

Nu neubane tahati te gnafa na mala au fabrahu ka nafnata nakarha teke tusu ranghi ghita Lord na. Jateula nafnata nakarha teke au tahati kani teke kilo ghita God ia eghu. Igne u vetula te chekeni iara ka khiloau te gnafare.

Fapea Timoti 1:2

Uve ghema Timoti, iara riso ari letas igne ka iagho, eigna iagho jateula kaisei mae thofno thugu iara eghu. Iara toreni nogna khokofakasai, lolokeli, nei pharikeli God Kmada nei Jisas Kraes noda Lord mala au balumu.

Ululahu Korin 16:1

Gognaro na iara magnahaghei chekeni ka ghotilo eigna sileni te mala toghodi naikno khiloau te au Jerusalem. Ghotilo mala edi unha teke chekedihi iara ranghidi khiloau ka Provins Galesia.

Ululahu Korin 14:33

Naugna God theome magnahaghei ghita te fiti reꞌe teu ka glepodi khiloaure, nu magnahaghei ghita te loku fakeli nei au ka pharikeli. Igne tutuani fara ka nogna naikno God ka khiloau te gnafa gre.

Thakle 2:10

Ghotilo thosei mhaghuni kaisei glepo neubane para ghami mare. Filo si ghotilo! Satan ginauna fariuriu ghami ghotilo mala laseni te thofno leghuni mana kate lilisei ka suga sosolo keha naikno ka tothoghei ghotilo gne. Eghuteuna ghotilo ginauna au papara jare nabagna nabotho narane. Nu ghotilo mala fatutuani ghau iara ngala, neuba mare falelehe ghami ghotilo. Eghuteuna naugna te eni iagho igne, iara ginauna tusu ari nakarha te theo huigna na ka ghotilo, jateula mare te tusu lao taba biꞌo ka mae ihei te uluni fangenghele ia eghu.

Ululahu Korin 11:2

Iara cheke fakeli ghami ghotilo naugna ghotilo theome ghatho ihodi puhigu iara re, eghuteuna thofno leghuni nogna farirhiu khiloau teke tusu ari iara ka ghotilo ra.

Ululahu Korin 7:25

Gognaro na iara cheke eidi iheire te theome tolaghi ra. Iara theo kaisei nogu vetula funu ka Lord eigna igne, nu iara na cheke arini gaoghathogu thegu na. Tutuani, ghotilo tangomana te rouronu ghau iara na, naugna Lord neke lolokeli ranghi ghau iara nei toghoni gaoghathogu na.

Thakle 2:13

Iara lase ghami ghotilo te au ka vido aheva te funei fruninihi mae Satan. Neuba ngau, ghotilo leghu ghau iara fabrahu. Tutuani fara, iara keli tagu fara ka ghotilo, naugna ghotilo theome khoko nomi fatutuani na ka iara, neuba mare ne faleheni mae Antipas jare. Kani karha teku mana na, mana neke theome gnafa te toutonu eigu iara na.

Fapea Timoti 3:10

Nu iagho filo glani ghau iara, iara gne theome nafnata naikno tuana ka nogu farirhiure, ka nogu nakarha nei ka glepo te magnahaghei edi thegure. Iagho filo glaninihi puhigu iara te fatutuani ni mae Kraes na, nogu nagnafa au kmu ba nogu namha biꞌo ranghidi naikno te gnafare, ba nogu naꞌau ka vido te ninhigrana.

Fapea Timoti 2:2

Iagho ke toutonu ranghidi mae iheire te rouronudi iagho ra eigna u farirhiu te nomhidi iagho igre teke edi iara ka naikno te kmanare. Eghuteuna mae igre ginauna jaola tangomana te mala farirhiudi keha naiknore.

Kolose 4:9

Iara na jaola kuruni mae kherami ghotilo Onesimasi mala ari balugna mana. Mae Onesimasi gne kaisei mae kherada keli tahati mae ihei te rouronuni fara tahati na. Phiamare ginauna toutonudi gobigna lepo te edi agne re.

Kolose 1:7

Ghotilo neke laseni eigna nogna khokofakasai God na ka mae kherada Epafra. Gognaro na mana loku balumi ghehati, eghuteuna mana kaisei nogna mae gloku keli fara mae Kraes malada tahati.

Filipae 2:19

Jame te nogna magnahaghei thegna noda Lord Jisas Kraes na, iara ginauna ghosei kuruni mae Timoti mala ari sigho ghami ghotilo. Mana ginauna toutonu ranghi ghau iara keha famane thoutonu eimi ghotilo eghuteuna iara ginauna thofno gleale'a fara kate ke pulo mei mana ka iara na.

Efesus 6:21

Mae Tikikas ginauna toutonu ka ghotilo thoutonu eigu iara na. Mana kaisei mae kherada keli tahati, nei kaisei mae gloku te rouronuni tahati. Mana mala loku baluda ranghini Lord.

Ululahu Korin 11:16

Jame ihei te magnahaghei fapoaphola eigna igne, iara na cheke eghu, “Ghehati baludi nogna khiloau God gre, theome au keha nabrou aheva nga te mala leghui na.”

Ululahu Korin 4:15

Eigna neuba ne au nabotho thogha naikno ghotilo te mala farirhiu ghami puhigna Kraes na, kaisei mae ngala te jateula kmami teu ghotilo na. Tutuani, iara ngala te hata mei u Nonomho te Keli igne ka ghotilo mala jateula kmami eghu ghotilo ka mae Jisas Kraes.

Matiu 25:23

“Aonu, mae funei na ne cheke eghu ka nogna mae gloku igne, ‘Ghema, iagho kaisei mae gloku keli fara! Iagho ghathodi koba unha teke chekedi iara ra. Eghume, naugna te ghatho branani iagho nou gloku na ka sileni ikoi teke tusu ari iara ia, gognaro na iara na tusu ari kmana glepo ke biꞌodi igrei ka iagho mala reireghidi iagho. Aonu iagho mei mala gleale'a balugu iara.’

Matiu 25:21

“Aonu, mae funei na ne cheke eghu ka nogna mae gloku na, ‘Ghema, iagho kaisei mae gloku keli fara! Eghuteuna iagho ghathodi koba unha te chekedire. Eghume, naugna te ghatho branani iagho nou gloku na ka sileni ikoi teke tusu ari iara ia, gognarona iara na tusu ari kmana glepo ke biꞌodi igrei ka iagho mala reireghidi iagho. Aonu iagho mei mala gleale'a balugu iara.’

Matiu 24:45

Te mala laseni mae fanomhore gaoghathogna cheke naba igne, mae Jisas ne cheke eghu ka mare, “Ba, mae ihei si mae gloku te keli tagna mae funei na ia? Mae gloku te lalase fara te leghuni fabrahu teu nogna cheke mae funei na. Igne ngala mae teke vavahi nogna mae funei na te mala reireghidi keha mae glokure kate tei mae funei na. Mae gloku igne ginauna tangomana te tufa nanaba ganore ka keha mae glokure ka thofno narane te mala ghamu mare na.

Proveb 13:17

Jame mae funei na kuru teini kaisei mae te lase cheke diꞌa na, mana tangomana te eni puhi te biꞌo na. Nu mae te doglo koba nogna chekere, mana toghodi naiknore mala au ka pharikeli.

Naba 12:7

Nu iara theome eghu ka mae Moses mae ihei te kaisei nogu mae gloku iara na. Mana kolho mae lidadi nogu naikno iara re.

Ululahu Korin 4:2

Tutuani, mae gloku na mala eni gloku te keli ranghini nogna funei na.

Mae Khuru 16:1

Mae Pol ghe mae Silas ne tei thoke Debi. Eghuteuna ke leghugna igne phiamare jifla jare neke tei Listra. Kaisei mae khiloau nanghagna na mae Timoti au jare Listra. Idogna mae Timoti gne tifa na neke thau Jiu eghuteuna gognaro na naꞌa thau khiloau. Eghuteuna mae kmagna na kaisei mae Griki.

Ululahu Korin 4:14

Iara riso ari ka ghotilo cheke igre theome mala famamaja ghami ghotilo. Theo. Iara namha ghami ghotilo jateula thofno thugu eghu, nu iara magnahaghei te fadoglidi kolho gaoghathomi ghotilo re.

Ululahu Korin 11:34

Jame ihei te rofo na, nabagna na kulu imaghu ka sugagna na ame mei nga eghu. Ghotilo eni igne mala theome fate ghami God eidi puhi te diꞌa teke edi ghotilo kate ima fodure gognaro gre. Eidi keha glepore iara na chekediu kate ke pulo mei ka ghotilo ginauna.

Fapea Korin 8:18

Ghehati jaola kuru arini balugna mae Taetus kaisei mae thabusigna te ghathoni fara khiloau te gnafare. Mare ghatho tahuni mae thabusigna igne naugna ka nogna gloku mana te toutonuni u Nonomho te Keli gne.

Filipae 2:22

Nu ghotilo la filo glanihi mae Timoti, mana theome nafnata naikno igre. Mana togho fakeli ghau iara jateula kaisei mae sitei te toghoni mae kmagna na ia eghu. Ghepa loku fodu mala tangomana naiknore te kafe nomhini u Nonomho te Keli na.

Ululahu Timoti 1:18

Uve thuguo Timoti, cheke te edi iara igre leghudi kolho nodi cheke hatimare mae profet teke cheke eimu iagho tifa ia. Iagho famane leghudi farirhiu igre mala togho nigho nei magridi eghu puhi diꞌa fateo ka nauthoglu igne.

Taetus 1:5

Iara neke lilisei fapulo nigho ka moumolu Krit naugna iara magnahaghe nigho te mala ke edi fagnafa keha glepo teke theome edi fagnafa nga teku ra. Nu iara magnahaghei nigho te mala vavahi keha mae mala baubatu ka khiloau gne leuleghu namono. Leghudi unha teke chekedi iara ka iagho ra.