Ululahu Korin 4:15 - Buka Blahi Ka Cheke Holo

¹⁵ Eigna neuba ne au nabotho thogha naikno ghotilo te mala farirhiu ghami puhigna Kraes na, kaisei mae ngala te jateula kmami teu ghotilo na. Tutuani, iara ngala te hata mei u Nonomho te Keli igne ka ghotilo mala jateula kmami eghu ghotilo ka mae Jisas Kraes.

Ululahu Korin 4:15 ပူးပေါင်းရင်းမြစ်များ

Galesia 4:19

Thuguro, iara haimini fabrahu eigna iara jateula gaꞌase te namo fakarha sua ia eghu. Naugna iara kabru ghegu fara, eigna iara ofoni narane te mala thofno leghuni ghotilo puhigna mae Jisas Kraes.

Ululahu Korin 3:10

God neke tusu ranghi ghau iara khokofakasai te mala babana suga na. Iara lilisei kmana thina mala famamhakugna suga tuana jateula kaisei mae te lase horo suga fara eghu. Keha mae re gognaro na mala babana ke klignadi thina tuare. Nu te chekeni iara ka ghotilo na, mae te gnafare filo fakelini babana gna na!

Ululahu Korin 9:23

Gobigna lepo te edi iara igre malagna Nonomho te Keli gne, mala jifla tei tongana heva heva, nei jaola mala tangomana te thokeni nogna fablahi God ka iara na.

Ululahu Korin 9:14

Jateula tuana eghu, Lord neke cheke ranghidi iheire te toutonuni u Nonomho te Keli na mala hata sileni eigna nodi gloku na.

Ululahu Pita 1:23

Naugna chekegna God na neke togho ghami ghotilo fara mala ke karha majaghani ghotilo. Eghuteuna chekegna God igne theome tangomana te lehe na, nu karha fabrahu tifa tifa.

Jemes 1:18

Leghuni nogna gaoghatho thegna na God ne tusu ranghi ghita u karha majaghani na kau chekegna te tutuani, mala tangomana tahati te ulu lahu ka gobigna lepo teke hohoro thegna re.

Filimon 1:19

Iara mae Pol te rioriso soru cheke igre ka khamegu thegu. Iara ginauna nake tughudi nogna kaoni mana re. Nu iagho jame theome ghatho ihodila teke kaoni nakarhamu themu na ka iara ia.

Taetus 1:4

Uve ghema Taetus, iara na riso ari ka iagho. Eigna iagho jateula thofno mae thugu eghu iara kau noda khiloau gne naugna iagho fatutuani nila unha glepo te fatutuani ni iara gne. Gognaro na iara toreni God Kmada nei mae Fakarhaida Jisas Kraes mala fablahi nigho nei tusu ranghi nigho u nodi pharikeli na.

Fapea Timoti 4:3

Naugna ginauna tahati na thoke ka narane nate tirodi fanomho naiknore ka thofno farirhiu na, nu naiknore ginauna leghudi kolho nodi gaoghatho thedire. Eghuteuna mare ginauna hiro mae velepuhi tafri mala nomhini kolho u farirhiu te magnahagheni thedi na.

Ululahu Korin 9:18

Eghume, nafnata taba nate hata iara na u nolaghi te mala toutonuni u Nonomho te Keli na ranghidi naikno te gnafare eghuteuna theome mala tore fofoli tagna. Ka puhi igne iara theome loku ka nogu nolaghi thegu te mala hata glepo ka naiknore.

Ululahu Korin 9:12

Keha naiknore au nodi nolaghi te mala salo glepo ka ghotilo na. Tutuani fara, ghehati jaola au nolaghi biꞌo uludi mare! Nu ghehati theome loku ka nolaghi igne. Theo. Neubane ninhigrana ranghi ghami gobigna lepore, ghehati theome toreni kaisei glepo ka ghotilo, naugna ghehati theome magnahaghei te eni kaisei glepo te mala fanograni u Nonomho te Keli eigna Kraes na.

Ululahu Korin 3:6

Kate farirhiu ghami ghotilo na, iara jateula kaisei mae mala joꞌu sisi ka nagare eghu kolho, eghuteuna mae Apolosi na jateula kaisei mae mala toatofa khoꞌu eghu kolho, nu God thegna kolho te mala fakotu haghedire.

Letas Teke Riso Tei Mae Pol Ka Khiloau Rom 15:20

Iara magnahagheni fara te toutonuni fabrahu u Nonomho te Keli igne ka namono aheva naiknore te theome nomhi nga teu Kraes. Iara magnahaghei eni igne naugna iara theome magnahaghei te loku ranghini God ka namono aheva tela kulu lokuhi keha mae jare ka khiloau.

Naba 11:12

Iara theome kmadi naikno igre! Iara theome neke fakarhadi naikno igre! Ne unha ne vahi ghau iara mala batudi tei naikno igre ka vido teke nhaꞌa cheke iagho ka kuꞌemi ghehati tifa ra? Ne unha ne vahi ghau mala paladi naikno igre jateula idogna te pala sua ikoni ia eghu sagho gnea?

Ululahu Korin 1:30

Nu God neke togho ghami ghotilo mala kaisei ghotilo balugna mae Jisas Kraes. Eghuteuna ka Kraes na, tahati lalase fara, eghuteuna doglo fara ka tathagna God na, nei mala nogna naikno blahi mana. Kraes na jaola neke foli fajifla ghita ka nakhibo.

Ululahu Korin 3:8

Eghume mae te joꞌu sisi nei mae te toatofa khoꞌu teu igre kaisei gaoghatho kolho fei gloku na. Aonu God ginauna tabadi phiamare leghuni nodi gloku na.

Ululahu Korin 9:16

Nogu gloku iara te mala toutonuni u Nonomho te Keli na theome glepo mala fahaehagheni iara, naugna gloku te eni iara igne neke tusu mei God ka iara. Eghuteuna God ginauna na fate ghau iara jame te theome toutonuni iara u Nonomho te Keli na.

Ululahu Korin 15:1

Gognaro na, kheraguro, iara magnahaghe ghami ghotilo teke ghatho fapuloni u Nonomho te Keli teke toutonunihi iara ka ghotilo ia. Ghotilo neke hata balu gleale'a, eghuteuna nomi fatutuani ghotilo re kegra maku tagna.

Fapea Korin 4:5

Ghehati theome toutonu eimi themi, nu ghehati toutonu eigna mae Jisas Kraes na Lord. Eghuteuna ghehati nomi mae gloku ghotilo mala toutonu eigna mae Jisas.

Galesia 3:24

U vetula na neke saghe leghu ghita fabrahu neke ghilei posa mei mae Kraes. Kate mei mae Kraes na, tahati tangomana te fatutuani ni mana, eghuteuna tahati doglo ke ulugna God.

Galesia 3:25

Tutuani gognaro na u puhi te mala fatutuani ni mana na la meihi, eghuteuna tahati theome auhi ke pari vetula.