Ululahu Korin 4:14 - Buka Blahi Ka Cheke Holo

¹⁴ Iara riso ari ka ghotilo cheke igre theome mala famamaja ghami ghotilo. Theo. Iara namha ghami ghotilo jateula thofno thugu eghu, nu iara magnahaghei te fadoglidi kolho gaoghathomi ghotilo re.

Ululahu Korin 4:14 ပူးပေါင်းရင်းမြစ်များ

Ululahu Tesalonika 2:11

Jateula tuana, ghotilo laseni, ghehati sopa togho ghami ghotilo jateula kaisei mae te toghodi goro thugna.

Fatilo Jone 1:4

Iara ne thofno keli tagu fara kate nomhidi goro thugu te leghuni Nonomho te Keli gne.

Ululahu Korin 9:15

Nu neuba, iara theome toreni kaisei vido sileni ka ghotilo. Eghuteuna iara theome risoni igne mala hata kaisei glepo ka ghotilo. Nabagu na iara mala kulu lehe kolho! Tutuani, theo kaisei naikno te tangomana te tughu puhigu iara te fahaehaghe koba igne.

Ululahu Korin 4:15

Eigna neuba ne au nabotho thogha naikno ghotilo te mala farirhiu ghami puhigna Kraes na, kaisei mae ngala te jateula kmami teu ghotilo na. Tutuani, iara ngala te hata mei u Nonomho te Keli igne ka ghotilo mala jateula kmami eghu ghotilo ka mae Jisas Kraes.

Ululahu Tesalonika 5:14

Kheraguro, ghehati tore ghami ghotilo mala cheke fahetadi iheire te thodo loku. Fafranedi iheire te mhaghu. Toghodi iheire te nigra. Thoghei famane cheke ranghidi naikno te gnafa.

Kolose 1:28

Eghume, ghehati toutonuni u Nonomho te Keli eigna mae Kraes na koba ranghidi naikno te gnafare, nei ghehati cheke faheta nei famane farirhiudi eghu koba. Ghehati cheke ka gaoghatho te keli mala tangomana te toghodi mare te gnafa na mala kotu haghe nei nheta ka nodi fatutuani na ka mae Kraes.

Fapea Korin 12:19

Ba, ne riso ari ghehati glepo igre mala tafra ghami ghehati themi neu si ghotilo ia? Theo! Ghehati chekedi glepo igre ka puhi te magnahagheni Kraes te mala eni ghehati ka tathagna God na. Eghuteuna gobigna lepo te risodi ghehati gre, kheraguro, mala tangomana te farhetadi nomi fatutuani ghotilo re.

Fapea Korin 11:11

Iara chekeni igne ka ghotilo naugna te theome naba iara te hata nomi tothogho ghotilo na, ba iara ne theome namha ghami ghotilo? Theo! God lase ghau iara te namha ghami fara ghotilo na.

Fapea Korin 7:3

Iara theome chekeni igne mala cheke faparidi puhimi ghotilo re. Theo. Iara neke chekehi ka ghotilo, ghehati namha ghami ghotilo fara, eghuteuna neuba tahati ne karha fodu ba ne lehe fodu tahati ginauna kaisei fabrahu ngala.

Ululahu Korin 15:34

Ghotilo mala ke funu ghaoghatho fakeli, eghuteuna ghotilo mala thosei ke edi puhi te diꞌare. Keha ka ghotilo, mare theome laseni God, eghuteuna iara chekeni igne mala mamaja ghotilo.

Ululahu Korin 6:5

Tore, ghotilo theome mamaja nomi sia?! Naugna te laseni iara na, jare ke lamnami ghotilo na au keha mae glalase tangomana te fadoglidi magra te edi farihoteimi ghotilo naikno khiloau are.

Mae Khuru 20:31

Eghume fiofilo ghami eghu ghotilo ia! Jaola, ke ghathoni igne eghu, thilo finogha iara neke cheke faheta nei farirhiu ghami ghotilo bongi narane balu tanhi.

Profet Esikiel 3:21

Nu jame kulu cheke faheta iagho ka mae te doglo igne me theome eni mana kaisei glepo te diꞌa meuna, nakarhagna mana na keliu kolho naugna mana ne fanomho ka nou cheke iagho na, eghuteuna nakarhamu iagho themu na jaola keliu kolho.”

Ululahu Korin 4:17

Naugna igne, iara kuru arini mae Timoti ka ghotilo. Iara namhani mana jateula thofno mae thugu eghu, naugna mana loku fakeli ranghini Lord. Mana ginauna farirhiu ghami ghotilo puhigna Kraes te leghuni iara gne, jateula iara te farirhiudi naikno khiloau ka namono te gnafa gre eghu.

Fapea Tesalonika 3:14

Jame ihei ka ghotilo te tirogna leghudi cheke te riso ari ghehati ka ghotilo igre, ghotilo filo glani mae tuana. Thosei fofodu ka mana mala mamaja mana ka puhigna thegna re.

Filimon 1:10

Iara tore nigho mala keli ranghini mae Onesimasi. Iara neke farirhiuni mana kate au teu iara ka sosolo gne. Eghume gognaro na mana jateula mae thugu iara.

Ululahu Jone 2:1

Uve thuguro, iara riso ari letas igne ka ghotilo mala thosei tapla jafra ka nakhibo. Nu jame ihei te tapla jafra ka nakhibo na, tahati au mae Jisas Kraes kaisei mae te doglo fara mala togho ghita. Mana mala tore ghita ke ulugna God Mama.