Ululahu Korin 4:10 - Buka Blahi Ka Cheke Holo

¹⁰ Tore! Gaoghathodi naiknore ghehati gne jateula mae te meomekro eghu, naugna ghehati nogna Kraes. Nu ghotilo la lasenihi, eigna ghotilo nogna Kraes! Ghehati theome heta, nu ghotilo heta fara! Naiknore filo fapari ghami koba ghehati eghuteuna mare ghatho tahu ghami ghotilo!

Ululahu Korin 4:10 ပူးပေါင်းရင်းမြစ်များ

Ululahu Korin 2:3

Kani teke ari posa iara ka ghotilo mala toutonu teku ia, iara neke nigra fara nei mhaghu neku eigna glahula theome magnahaghei ghau iara ghotilo.

Mae Khuru 26:24

Kate chekedi teu mae Pol glepo igre te mala tafragna thegna na, mae Festas ne fnaja fabiꞌo, “Ghema Pol, iagho la meomekro! Iagho hiohiro fabrahu ka buka la ghilei meomekro hila!”

Mae Khuru 17:18

Aonu keha mae velepuhi ka phei tothoghei te kilodi Epikuria nei Stoiki teu gre ne fapoaphola ka mae Pol. Keha mae re ne cheke eghu, “Mae igne theome laseni kaisei glepo kolho. Unha gne te magnahaghei chekeni mana na?” Keha mae re ne cheke eghu, “Mae igne jau magnahaghei toutonudi ka tahati nodi god keha namonoi jau signe?” Mare ne cheke eghu naugna mare ne theome laseni unha te chekeni mae Pol kate toutonuni Nonomho te Keli eigna mae Jisas teke karha fapulo kau glehe na.

Ululahu Pita 4:14

Kate cheke fadiꞌa ghami naiknore naugna te leghuni ghotilo mae Kraes na, ghotilo keli tami kolho. Naugna mae Tharunga te Blahi na auhi balumi ghotilo. Mana neke mei funu ka God nei mana au nolaghi biꞌo.

Fapea Korin 13:9

Ghehati gleale'a fara jame te kegra heta ghotilo ka puhi te doglo na, neuba ghehati ne jateula te nigra neu kolho. Eghume ghehati tarai mala tangomana ghotilo te thofno naikno keli fara ke ulugna God na.

Ululahu Korin 3:18

Thosei chaghi ghami themi. Jame kaisei mae ke lamnami ghotilo te magnahaghei lalase fara ka nafnata glalase gna nauthoglu igne na, nabagna na mana mala jateula te meomekro eghu ka puhigna nauthoglu igne mala tangomana mana teke lalase fara na.

Ululahu Tesalonika 4:8

Eghume ihei te tirogna leghuni farirhiu igne, mana theome tirogna leghuni naikno nu mana tirogna leghuni God, mae ihei teke tusu ranghi ghau nogna Tharunga te Blahi.

Fapea Korin 11:19

Ghotilo themi na ne lalase fara eghu ka gaoghathomire, nu ghotilo gleale'a kolho te fanomho ka mae khuru chaichaghi te meomekro are!

Fapea Korin 10:10

Kaisei naikno jame cheke eghu, “Mae Pol gne nogna letas re nolaghi fara. Nu kate au baluda tahati na mana theome nheta, eghuteuna nogna cheke mana re theo nafudi kolho!”

Ululahu Korin 10:12

Eghume, ihei la kegra hetahi thegna ka fatutuani na teu ka gaoghathogna na, filo fakeli eghu, glahu uka kolho.

Ululahu Korin 4:8

Ba, ghotilo la hatahi glepo te magnahaghedire? Ba, ghotilo la mae dedeihi? Ba, ghotilo ulu ghami fara ghehati la king hi? Tutuani, iara magnahaghe ghami fara ghotilo mala king, ghehati jaola mala jateu king eghu balumi ghotilo! Kheraguro, iara cheke igre mala maꞌe kolho sigre.

Ululahu Korin 3:2

Eghume farirhiu teke tusu ari iara ka ghotilo ra jateula milk eghu kolho e bligi fara. Theome jateula gano maku te nabadi mae biꞌo ra eghu e ninhigrana. Naugna theome nabami ghotilo. Neuba gognaro na farirhiu igre jateula gano te maku eghu theome nabami ghotilo.

Ululahu Korin 2:14

Ihei te theome au tagna u Tharunga te Blahi na, mana theome tangomana te hata u farirhiu te tusu mei Tharunga gna God na. Mana theome lasedi gaoghathodi farirhiu igre, eghuteuna farirhiu igre theo nafudi kolho ka mana. Eigna ihei ngala te baubatu tagna Tharunga te Blahi na te tangomana te mala lasedi nogna farirhiu mana re.

Mae Khuru 17:32

Kate nomhini naiknore ka mae Pol eigna God teke fakarha fapuloni kaisei mae kau glehe na, keha naiknore ne maꞌe ka mae Pol. Nu keha mae ne cheke eghu, “Ghehati magnahaghe nigho iagho mala ke toutonu eigna igne thogheiro.”

Mae Khuru 9:16

Eghuteuna iara thegu ginauna na falaseni mana niha nafnata naꞌau papara nate thokeni mana kate toutonu thakleni nanghagu iara na.”

Luku 18:9

Mae Jisas jaola ne chekeni kaisei cheke naba ranghidi naikno ne thono au doglohi thedi teu te filo faparidi keha naikno te gnafare. Mae Jisas ne cheke eghu,

Luku 10:16

“Mae ihei te nomhidi nomi cheke ghotilo re, mana ginauna na nomhidi la nogu cheke iara re. Eghuteuna mae ihei te tirogna ghami ghotilo na, mana tirogna ghau la iara. Eghuteuna mae ihei te tirogna ghau iara na, mana ginauna na tirogna nila mae ihei teke kuru mei ghau iara na.”

Luku 6:22

Ghotilo te susuku ghami, lalama ghami, cheke fapari ghami ba cheke fadiꞌadi nanghamire teu keha naikno ra naugna ghotilo nogu iara, mae teke mei funu ka God gne, ghotilo tangomana te gleale'a na.

Matiu 24:9

“Aonu naiknore ginauna loki ghami ghotilo mala hata tei ghami ka fate. Mare ginauna para ghami nei falehe ghami eghu ghotilo. Eghuteuna naikno ka namono te kmana ke lamnagna nauthoglu igne ginauna tirodi ghami ghotilo naugna ghotilo ne fatutuani ghau iara.

Matiu 5:11

“Uve, ghotilo keli tami fara kate cheke fapari ghami nei para ghami. Mare ginauna chaghi chekedi thua nafnata cheke te diꞌa eimi ghotilo, naugna ghotilo nogu iara.

Profet Hosia 9:7

Ghotilo maemi Israel ra fanomho fakeli, naugna narane teke lilisei God te mala para ghami ghotilo na la namohi. Eghuteuna nafnata puhi te para ghami God igne thofno doglo fara, eghuteuna unha najafra teke eni ghotilo na ginauna thono biꞌo fara. Eghuteuna ghotilo jateula te tiromi ghatho tahuni eghu mana. Iara lase ghami ghotilo cheke eghu ka iara, “Mae profet igne au tagna tharunga gna God, nu mana kaisei mae fagoigoli kolho eghu.” Ghotilo naikno igre tiromi ghau iara, naugna nakhibomi ghotilore biꞌo fara.

Profet Isaia 53:3

Naiknore tirodini mana neke cheke faparini mana. Kmana fata mana fodu ka diꞌa nagnafagna fara, neke au papara fabrahu kolho. Uve, theo kaisei naikno te magnahaghei filo ka mana na. Te filoni tahati na, mana jateula te fiti maera eghu kolho.

Proveb 11:12

Ihei te fameomekro na, cheke fadiꞌadi naiknore. Nu ihei te au tagna gaoghatho te keli na, mana au kmu.

Fapea Kings 9:11

Kate pulo mei mae Jehu ka keha mae komanda igre, mare ne ghusna eghu ka mana, “Ba, gobigna lepore keliu kolho? Unha eghu te chekeni mae te fameomekro ia ka iagho na?” Aonu mana ne cheke eghu, “Ghotilo lasedi nogna nafnata cheke mae igne ra.”

Ululahu Korin 1:21

Ninhigrana fara ranghidi naiknore te lase fakelini God leghuni nodi gaoghatho thedi na. Nu God magnahaghei te leghuni gaoghathogna thegna te hata u cheke te toutonuni tahati igne mala fakarhidi iheire te fatutuani ni mana. Neuba keha naiknore ne cheke eghu, “U thoutonu igne theo nafugna kolho.”

Ululahu Korin 1:23

Nu tahati toutonu eigna Kraes kolho, mae ihei teke lehe ke kligna gaju fafatha. Hatimare mae Jiu theome magnahaghei nomhini u thoutonu igne, eghuteuna ka hatimare mae te theome Jiure u thoutonu igne theo nafugna kolho.

Ululahu Korin 1:25

Naugna neuba naiknore ne ghathoni puhigna God na te theo nafugna kolho neu, te chekeni iara ka ghotilo na, puhigna God na uludi fara nodi glalase naiknore. Eghuteuna neuba naiknore ne ghathoni puhigna God na glaꞌe fara neu, nogna puhigna mana na heta fara ke uludi nodi nanheta naiknore!

Fapea Korin 6:8

Keha naiknore ghatho tahu ghami, nu keha naiknore fapari ghami. Keha naiknore cheke fakeli ghami, nu keha naiknore cheke fadiꞌa ghami. Keha naiknore kilo ghami mae velepuhi chaichaghi, nu ghehati chekeni ngala unha te tutuani na.

Fapea Korin 4:12

Neuba ghehati namo lehe koba kate toutonuni u Nonomho te Keli igne, ghotilo tangomana te hatani u thofno karha na.