Ululahu Korin 3:8 - Buka Blahi Ka Cheke Holo

⁸ Eghume mae te joꞌu sisi nei mae te toatofa khoꞌu teu igre kaisei gaoghatho kolho fei gloku na. Aonu God ginauna tabadi phiamare leghuni nodi gloku na.

Ululahu Korin 3:8 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 2:6

Naugna God ginauna kafe tabadi ba fatedi eghu naiknore ka unha teke edihi mare re.

Fapea Jone 1:8

Fiofilo ghami, thosei jateula mare eghu. Nu ghotilo mala hata fahui nomi taba teke kmusani themi na.

Matiu 16:27

Tutuani fara, iara mae teke mei funu ka God na ginauna nake pulo mei ka nauthoglu igne balu nogna nolaghi biꞌo mae Mama. Eghuteuna, nogna engel mae Mama re ginauna mei balugu iara. Ka narane tuana iara ginauna tabadi naiknore eidi unha gloku teke edi mare.

Thakle 22:12

Mae Jisas ne cheke eghu, “Iagho fanomho fakeli! Iara ginauna theome raugha nake pulo mei! Iara ginauna hata mei balugu taba te mala tabadi nogu naiknore. Tutuani, iara ginauna tabadi leghuni unha teke eni mare na.

Ululahu Korin 15:58

Eghume kheraguro, naugna igne ghotilo kegra heta ka nomi fatutuani na nei thosei snakreni kaisei glepo mala ngali tafri ghami. Ghotilo mala rugusi fabrahu ka nogna gloku Lord na. Naugna ghotilo lasenihi nomi gloku ranghini Lord na theome tangomana te fiti luvu kolho.

Ululahu Pita 5:4

Eghuteuna kate thakle mei Kraes na, mae pha'ugna greireghi sipu na, mana ginauna na tusu ranghi ghami ghotilo taba biꞌo te siasigla fabrahu tifa te tifa.

Hibru 6:10

God theome lolodiadi nei theome ghatho ihodi nomi gloku te keli nei nomi namha eghu ghotilo ranghini mana ka teke toghodi ghotilo nogna naiknore. Eghuteuna mana ginauna ghathoniu ngala te toghodi fabrahu ghotilo re na taba ghami ghotilo.

Galesia 6:4

Kaisei mae theome naba te fananabani thegna ka keha naiknore. Soasopai mae na fifilo fakeli ka nogna gloku thegna na, te loku fakeli ba theo. Te loku fakeli mana na, mana tangomana te fahaehagheni unha teke eni thegna na.

Ululahu Korin 3:14

Jame te theome nhako unha teke babana mana ke kligna gna thina tuana na, God ginauna tabani mana.

Ululahu Korin 3:9

Eigna ghepa kafe loku ranghini God ngala te mala togho ghami ghotilo, eghuteuna ghotilo jateula nogna nagare eghu mana. Eghuteuna ghotilo jaola jateu kaisei suga teke horo God eghu.

Profet Daniel 12:3

Eghuteuna iheire te au tadi glalase te mala toghodi keha naiknore te mala leghuni puhigna God te doglo na igre ginauna siasigla fabrahu jateula nathunu ka maloa na are eghu.”

Thakle 2:23

Iara ginauna jaola falehedi iheire te leghuni naꞌa re. Aonu khiloau te gnafare ginauna lase ghau iara te tangomana te filo glanidi unha te au ke lamnagna nagnafadi naikno te gnafare. Eghuteuna iara ginauna jaola foli fapulo ghami ghotilo hui leghuni ngala unha teke eni ghotilo na, te keli ba te diꞌa.

Proveb 27:18

Te reireghi ni gaju te au sisigna na, iagho ginauna ghamu fuꞌa gna na. Te reireghini nogna funei na, iagho ginauna hata nafnakno biꞌo.

Ululahu Korin 3:7

Tutuani mae ihei te joꞌu nei mae ihei te toatofa khoꞌu teu igne theome ulu. Nu God thegna ngala te ulu fara na, naugna mana thegna ngala te fakotu haghedire.

Ululahu Korin 4:15

Eigna neuba ne au nabotho thogha naikno ghotilo te mala farirhiu ghami puhigna Kraes na, kaisei mae ngala te jateula kmami teu ghotilo na. Tutuani, iara ngala te hata mei u Nonomho te Keli igne ka ghotilo mala jateula kmami eghu ghotilo ka mae Jisas Kraes.

Ululahu Korin 9:7

Ka nogu puhi iara te mala hiro sileni, filo si ghotilo: theo kaisei mae soldia te loku ka armi te mala folini thegna nogna taba na. Eghuteuna jaola theo kaisei mae te loku ka nagare, eghuteuna theome ima keha sisi thegna teuna. Ba, kaisei mae te reireghi sipu te hata keha milk te mala koꞌu thegna na.

Galesia 6:5

Naugna soasopai naikno na tangomana te reireghini nakarhagna thegna na.

Luku 19:19

“Mae funei na ne cheke eghu la ka mana, ‘Uve, iagho na reireghi keha glima namono biꞌo.’