Ululahu Korin 3:7 - Buka Blahi Ka Cheke Holo

⁷ Tutuani mae ihei te joꞌu nei mae ihei te toatofa khoꞌu teu igne theome ulu. Nu God thegna ngala te ulu fara na, naugna mana thegna ngala te fakotu haghedire.

Ululahu Korin 3:7 ပူးပေါင်းရင်းမြစ်များ

Jone 15:5

“Iara jateula gaju eghu, eghuteuna ghotilo jateula grege eghu. Mae ihei te au balugu iara na, iara na au balugna mana. Mana na ure na au sisi kmana. Naugna te theome au ghotilo balugu iara na, ghotilo theome tangomana te eni kaisei glepo na.

Galesia 6:3

Jame kaisei mae ghaoghatho eghu ka nagnafagna na, “Iara gne kaisei mae biꞌo fara!” Nu mana chaghini thegna, naugna mana kaisei naikno kolho.

Fapea Korin 12:9

Nu Lord neke cheke eghu ka iara, “Nogu khokofakasai iara igne ngala te nabamu iagho na, naugna kate nigra iagho na, nogu nolaghi iara na heta fara!” Eghume iara gleale'a fara te cheke fahaehaghe eigna nogu nanigra na, eghuteuna nogna nolaghi Kraes na tangomana te au balugu iara na.

Nodi Khoje Hatimare Mae Jiu 115:1

Lord God, kaisei iagho ngala te mala ghatho tahu nigho ghehati na, naugna kaisei iagho ngala te namha ghami ghehati na, nei iagho taji fakelidi u nhaꞌa cheke teke edi iagho ka ghehati ra.

Ululahu Korin 13:2

Eghuteuna, neuba iara ne tangomana te toutonuni chekegna God na jateula mae profet, ba lasedi fara gobigna lepo ka nauthoglu gne ba gobigna lepo te poru, ba au nogu fatutuani biꞌo te mala fathughadi thogelere, nu jame te theome namhadi iara keha naiknore, iara theo nafugu kolho.

Profet Daniel 4:35

Naikno te gnafa ka nauthoglu igne theome glepo ulu ka tathagna mana na. Tothoghei engel te gnafa te au kligna nei naikno te gnafa te au ka nauthoglu pari igne au kolho ke parigna nogna nolaghi mana. Theo kaisei naikno ka nauthoglu igne te kegra fothini mana na, jaola theo kaisei naikno tangomana te ghusna eghu ka mana na, ‘Unha gne te eni iagho na?’

Profet Isaia 41:29

God igre theo nafudi kolho, nei theome tangomana te eni kaisei glepo na. God chaichaghi igre khogla thotoghale kolho, eghuteuna god igre theo kaisei nodi nolaghi.”

Profet Isaia 40:17

Ka tathagna God na kantri te gnafa ka nauthoglu na igre jateula te theo nafudi eghu kolho. Uve, ka mana na, naikno te gnafa gre jateula glepo te theo nafudi kolho tutuani fara.

Nodi Khoje Hatimare Mae Jiu 90:17

Lord, iagho ngala nomi funei ghehati na. Tusu mei sagho glepo te keli ka ghehati. Togho mei ghami sagho ka gobigna lepo te edi ghehati ra mala ke edi fakeli ghehati.

Ululahu Korin 3:6

Kate farirhiu ghami ghotilo na, iara jateula kaisei mae mala joꞌu sisi ka nagare eghu kolho, eghuteuna mae Apolosi na jateula kaisei mae mala toatofa khoꞌu eghu kolho, nu God thegna kolho te mala fakotu haghedire.

Ululahu Korin 3:8

Eghume mae te joꞌu sisi nei mae te toatofa khoꞌu teu igre kaisei gaoghatho kolho fei gloku na. Aonu God ginauna tabadi phiamare leghuni nodi gloku na.

Fapea Korin 12:11

Iara cheke jateula kaisei mae te fameomekro eghu, nu ghotilo huhuru ghau iara mala eni igne. Nabami ghotilo te mala chekedi nogu gloku te keli te edi iara gre. Iara laseni te fiti mae kolho iara na, neuba, iara theome au ke paridi mae iheire te kilodi ghotilo “Hatimare mae khuru keli fara.”