Ululahu Korin 3:21 - Buka Blahi Ka Cheke Holo

²¹ Eghume ghotilo theome naba te cheke fahaehagheni unha te eni naikno na! Tutuani fara, gobigna lepore nomi ghotilo.

Ululahu Korin 3:21 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 8:32

God neke theome lhotini thofno Thugna na, nu mana neke snakreni mala lehe eida tahati hui. Ba, te eghu na, mana ginauna jaola khogla tusu mei kolho gobigna lepore ka tahati mala au balugna Kraes? Uve, mana tangomana te eni igne.

Ululahu Korin 4:6

Kheraguro, te mala laseni ghotilo unha te chekeni iara na, iara neke cheke eidi puhimi ghepa mae Apolosi, mala glola fakeli ka ghotilo gaoghathodi u cheke igre, “Ghotilo leghuni ngala unha te risoni ka grioriso te blahi na.” Ka puhi igne ghotilo ginauna theome tangomana te cheke fahaehagheni fara kaisei naikno ke uludi keha naiknore.

Letas Teke Riso Tei Mae Pol Ka Khiloau Rom 8:28

Eghuteuna te laseni tahati na, ka gobigna lepo te posa ka tahati naikno te namhani God, God ginauna na edi fakeli gobigna lepo ka nakarhadare. Mana eni igne maladi naikno teke vahidi mana re, leghuni nogna gaoghatho thegna na.

Thakle 21:7

Tutuani, iheire te leghu ghau fabrahu te ghilei lehe na, iara ginauna tusu ranghini karha te theo ka gnafagna. Eghume iara ginauna nogna God mana, eghuteuna mana thugu iara.

Letas Teke Riso Tei Mae Pol Ka Khiloau Rom 4:13

God nhaꞌa cheke ka mae Ebraham nei goro thugna na te mei ginau ke leghugna mana, u nauthoglu igne mala nodi mare. Nu God neke eni nhaꞌa cheke igne ka mae Ebraham theome eigna te eni mana unha te chekeni ka nogna vetula mae Moses na. Theo. Naugna mae Ebraham gne neke fatutuani ni God, God ne filo glanini mana jateula kaisei mae te doglo.

Fapea Korin 4:5

Ghehati theome toutonu eimi themi, nu ghehati toutonu eigna mae Jisas Kraes na Lord. Eghuteuna ghehati nomi mae gloku ghotilo mala toutonu eigna mae Jisas.

Fapea Korin 4:15

Gobigna lepo igre mala togho ghami ghotilo. Eghuteuna jateula igne teu te jifla te tei nogna khokofakasai God na ka naikno te kmanare, naiknore ginauna cheke fakelini God mala fodu salaꞌui nafnaknogna God na.

Profet Isaia 20:5

Naiknodi Filistia te gnafa te rouronu ka naiknodi Kus ghe Ijep te mala toghodi, teu igre ginauna thono mhaghu nodi fara balu diꞌanagnafa.

Fapea Korin 6:10

Mare tangomana te fadiꞌa nagnafa ghami na, nu ghehati gleale'a fabrahu kolho. Ghehati kuma fara ka nauthoglu igne, nu ghehati toghodi kmana naikno mala dedei kligna. Ghehati theo kaisei nomi glepo ka nauthoglu igne, nu ghehati thofno khotodi glepo te gnafa te au kligna.