Ululahu Korin 3:17 - Buka Blahi Ka Cheke Holo

¹⁷ Eghuteuna jame ihei te roꞌeni sugagna God na, God ginauna jaola roꞌeni mana. Naugna sugagna God na blahi fara, eghuteuna ghotilo jateula sugagna mana na eghu mala blahi fara.

Ululahu Korin 3:17 ပူးပေါင်းရင်းမြစ်များ

Profet Esikiel 43:12

Igne u vetulagna nogu Sugablahi iara na: Vido kligna ka thogele na te au tagna nogu suga iara na igne thono blahi fara!”

Profet Esikiel 7:22

Iara ginauna figri tagrudi naikno igre, eghuteuna snakredi maedi delei te diꞌa puhidi re are mala fatothona nogu famane namono iara re.

Profet Esikiel 5:11

Eghume, Iara eni nhaꞌa cheke igne ka nanghagu iara Lord mae ihei te karha fabrahu tifa te tifa: Naugna ghotilo ne goigoni nogu Sugablahi iara gne ne thona ka tathagu iara na eidi gobigna lepo te diꞌa te edi ghotilo igre, iara ginauna na tirogu ghami ghotilo, eghuteuna iara ginauna theome reireghi ghami ghotilo, ba kokhoni ghami fara ghotilo.

Naba 19:20

“Nu mae ihei te theome fagaeni thegna ka khoꞌu blahi igne na, mana theome klino ka tathagu iara na, nei mana theome tangomana te jugru ka Suga Thapuale te blahi igne, naugna khoꞌu mala atha koko nakhibo igne ne theome fuafusa lao ka mana. Nu jame te tei mana ka Suga Tapuale te blahi na kate theome doglo teu na, mana goigoni nogu Sugablahi iara na. Eghuteuna, mana ginauna jifla ka naiknodi Israel gre.

Nodi Khoje Hatimare Mae Jiu 79:1

God, naikno bongihehe igre la ruma mei hila ka kantri mala nomi ghehati teku iagho igne. Uve, mare la mei goigonihila nou Sugablahi iagho gne, eghuteuna mare la fadidiꞌa hila namono biꞌo Jerusalem.

Levitikas 20:3

Mae ihei te eni igne mana goigoni ni nogu vido blahi iara na, nei goigoni ni nanghagu iara te blahi na. Eghume iara ginauna figri tagruni nei lisei fadeleini ka naiknodi Israel.

Profet Isaia 64:11

Nou Sugablahi iagho igne neke blahi fara nei famane fara neku. Ku'emi ghehati tifa ra neke mei tufru soru nigho ke lamnagna. Nu gognarona khaꞌaghi la goigonihi. Eghuteuna nomi famane glepo te gnafa ghehati ra la thofno diꞌa fara.

Levitikas 15:31

“Ka puhi igre, ghotilo te gnafa Israel thosei snakreni kaisei glepo te diꞌa mala fathona ghami ka tathagu iara na. Glahu kafe lehe mare naugna ne theome klino ka tathagu iara na eghuteuna mei goigoni Suga Tapuale te Blahi te au fari hoteimi ghotilo igne.”

Eksodas 3:5

Aonu God ne cheke eghu ka mana, “Moses, thosei mei namo agne! Hata koko nou sadol are, naugna glose te kegra teu iagho igne blahi fara!

Jenesis 28:17

Mae Jekop ne mhaghu ne cheke eghu, “Iara mhaghu nogu ni fara vido igne. Naugna igne ngala thofno sugagna God na. Uve, igne ngala u grengathagna kligna na.”

Nodi Khoje Hatimare Mae Jiu 99:9

Tahati mala cheke fakelini noda Lord God mae ihei te blahi. Uve, tahati tarai ka mana ka nogna thogele blahi na.

Nodi Khoje Hatimare Mae Jiu 93:5

Lord God, nou vetula iagho re ginauna kegra fabrahu. Eghuteuna, nou Sugablahi iagho na thono blahi fara, nei ginauna na au fabrahu tifa tifa.

Ululahu Kronikols 29:3

Ke klignadi glepo teke kulu lilisei tekuhi iara igre, gognarona iara nake lisei laoi nogu gol nei silva teku thegu re, naugna iara magnahaghedi fara mare te horo nogna Sugablahi nogu God na.

Profet Sefanaea 3:4

Hatimare mae profet igre fahaeghe fara, eghuteuna mare toutonu eidi unha te theome mei funudi ka Lord. Mae pris igre mare lausasaba di kolho glepo te blahi re, eghuteuna mare theome leghuni nogna vetula God te mala toghodi thedi na.

Nodi Khoje Hatimare Mae Jiu 74:3

Filo sagho, hatimare mae naoka gre mare goigonidi fara gobigna lepo te au ka nou Sugablahi iagho na. Te keli na iagho mei filodi glepo teke goigoni mare igre.

Ululahu Korin 3:16

Ghotilo lasenihi igne, eigna ghotilo jateula nogna Sugablahi God eghu, eghuteuna Tharunga gna God na auhi ka ghotilo.

Ululahu Korin 3:18

Thosei chaghi ghami themi. Jame kaisei mae ke lamnami ghotilo te magnahaghei lalase fara ka nafnata glalase gna nauthoglu igne na, nabagna na mana mala jateula te meomekro eghu ka puhigna nauthoglu igne mala tangomana mana teke lalase fara na.