Ululahu Korin 3:15 - Buka Blahi Ka Cheke Holo

¹⁵ Nu jame te nhako kolho ka khaꞌaghi gloku teke eni mana na, ginauna theo kaisei mae nate tabani mana na. Nu neuba, God ginauna fakarhini mana, eigna God jateula kaisei mae te hata fajiflani mana ka suga te nhako ia eghu.

Ululahu Korin 3:15 ပူးပေါင်းရင်းမြစ်များ

Fapea Jone 1:8

Fiofilo ghami, thosei jateula mare eghu. Nu ghotilo mala hata fahui nomi taba teke kmusani themi na.

Thakle 3:18

Nu te chekeni iara ka ghotilo na, ghotilo mala foli gol ka iara, mala thofno dedei tutuani nomi. Eghuteuna ghotilo mala foli pohe vegha ka iara, mala pipichi nei mala theome mamajadi thinimi te soesole are. Eghuteuna ghotilo mala jaola foli meresin ka iara mala nhaꞌa lao ka tathami te dofu are, mala tangomana teke fifilo fakeli na.

Ululahu Pita 4:18

U grioriso te blahi na cheke eghu, “Naikno te doglore kulu thafodi narane te ninhigrana tulao re ame tangomana nga God te fakarhidire eghu. Eghume naikno te theome leghuni God nei sneka ka nakhibo teure ginauna lehe tutuani fara.”

Profet Sekaraea 3:2

Eghuteuna Lord ne cheke faheta eghu ka Satan, “Satan! Iagho au kmu! Iara Lord mae ihei teke vahini Jerusalem mala au iara tagna, iara gognarona cheke ka iagho mala au kmu kolho. Mae Josua gne jateula kaisei gaju te hata fajifla ke lamna khaꞌaghi te theome nhako ra eghu.”

Nodi Khoje Hatimare Mae Jiu 66:12

Iagho neke snakredi mae naokare neke tapla soru ghami. Eghuteuna ghehati neke ruma haghe ke lamnadi vido te ninhigrana nei puhi biꞌo eghu te jateula khaꞌaghi biꞌo teu ba jateula u nabritha biꞌo. Nu gognaro na iagho kela hata fapulo ghami ka vido te keli.

Profet Emos 4:11

“Iara na roꞌedi keha ka ghotilo jateula teke roꞌedi iara phei namono biꞌo Sodom ghe Gomora tifa ra eghu. Uve, ghotilo te karha teu gognaro igre keli tami fara, naugna ghotilo ne jateula kaisei vido gaju teke hata fajifla mare ka khaꞌaghi biꞌo ra neu. Nu neuba, ghotilo theome magnahaghei teke pulo mei ka iara na.

Mae Khuru 27:21

Kate raughahi te theome ghamu mare na, mae Pol ne kegra haghe farihoteidi mare ne cheke eghu, “Kheraguro, iara neke chekehi ka ghotilo mala thosei jifla Krit. Jame fanomho ghotilo na, tahati jame theome ludeni hoholo igne ba koko noda glujara.

Mae Khuru 27:44

Mae te gnafa teke au faleghu ka vaka na mare hata vido thaba ba kaisei glepo ka vaka na mala phogla longa mata. Igne unha teke kafe eni ghehati teke thoke mata na, eghuteuna theo kaisei ka ghehati te lehe na.

Thoutonu Eigna Mae Job 23:10

Neuba, God na lasedi vido te gnafa aheva mana tangomana te filo ghau iara na. Eghuteuna kate fariuriuni mana puhigu iara na, mana ginauna filoni nakarhagu iara na thofno doglo kolho.

Nodi Khoje Hatimare Mae Jiu 66:10

God, iagho neke fariuriudihi nakarhami ghehati gre mala gae jateula mae te gahu silva te mala khoko thonagna na ia eghu.