Ululahu Korin 3:12 - Buka Blahi Ka Cheke Holo

¹² Kate babana suga igne, keha mae re ginauna lilisei glepo keli fara, jateula gol nei silva nei keha thina te keli ba keha glepo jateula gaju nei buburu nei gnognofi te theome au raugha kolho.

Ululahu Korin 3:12 ပူးပေါင်းရင်းမြစ်များ

Fapea Timoti 4:3

Naugna ginauna tahati na thoke ka narane nate tirodi fanomho naiknore ka thofno farirhiu na, nu naiknore ginauna leghudi kolho nodi gaoghatho thedire. Eghuteuna mare ginauna hiro mae velepuhi tafri mala nomhini kolho u farirhiu te magnahagheni thedi na.

Fapea Timoti 3:7

Nafnata gaꞌase igre fariuriudi koba mala leghudi farirhiu majaghani igre, nu rehati theome tangomana te hatini kaisei glalase te keli eigna thofno cheke te tutuani na.

Fapea Timoti 2:20

Keha tapera te au ka suga biꞌo na mare horo ka gol ba silva, eghuteuna keha tapera re mare horo ka gaju ba glose. Kehare maladi narane te ulu, eghuteuna kehare maladi fiti narane kolho.

Thakle 21:18

Gringni thina igne mare neke horo ka famane thina jaspa, eghuteuna namono na mare horo ka gol ne siasigla jateula thiro neu.

Thakle 3:18

Nu te chekeni iara ka ghotilo na, ghotilo mala foli gol ka iara, mala thofno dedei tutuani nomi. Eghuteuna ghotilo mala foli pohe vegha ka iara, mala pipichi nei mala theome mamajadi thinimi te soesole are. Eghuteuna ghotilo mala jaola foli meresin ka iara mala nhaꞌa lao ka tathami te dofu are, mala tangomana teke fifilo fakeli na.

Ululahu Pita 1:7

Fariuriu igre khogla fariuriudi kolho nomi fatutuani ghotilo re, mala laseni te nheta ba te klino na. Fariuriu igre jateula gol te lilisei ka khaꞌaghi te mala fariuriu nei famane fagagae teu ia eghu kolho. Neuba ngau, gol na ne theome tangomana te au fabrahu tifa tifa. Nu nomi fatutuani ghotilo na glepo ulu fara ka God ke tulao gna gol. Eghume ka narane mala ke pulo meigna mae Jisas Kraes na, mana ginauna kilo fnakno ghami nei cheke fakelidi nanghamire nei ghatho tahu ghami naugna nomi fatutuani na ne heta fara.

Nodi Khoje Hatimare Mae Jiu 119:72

Iara magnahagheni fara nou famane farirhiu iagho igne ke uludi sileni te gnafa kau nauthoglu igne.

Nodi Khoje Hatimare Mae Jiu 19:10

Iara magnahagheni fara gaoghathogna God na ke tulaodi dedei te gnafa ka nauthoglu igne. Eghuteuna iara haimini glamnagu na thono mamahe fara jateula jujurukuli eghu.

Thakle 2:14

Nu kaisei glepo langau te theome magnahagheni iara ka ghotilo na. Keha naikno ka ghotilo re leghuni nogna farirhiu mae Belam. Tifa na mana neke farirhiuni mae King Balak mala chaichaghidi naiknodi Israel re, naugna mana magnahaghedi naiknore te tapla jafra ka nakhibo. Mana farirhiudi mala ghamu gano teke fafara ka mumuju na, eghuteuna batudi kau puhi gnognoro.

Hibru 13:9

Eghume thosei ke riu ka keha nafnata puhi majaghani te jafra. Eigna ghotilo ginauna na snivi ka nabrou te doglo. Nu snakreni God mala farheta ghami ka nogna khokofakasai na. Nu nafnata vetula eigna gano na, theome tangomana te farheta ghita, nei theome eni kaisei glepo te kelila ranghidi iheire te leghudire.

Fapea Timoti 3:13

Tutuani fara, naikno te diꞌa nei mae velepuhi chaichaghi teu igre ginauna diꞌa fara puhidire. Mare ginauna chaghidi koba naiknore, nu mae Satan ginauna nake chaghi fapulo dila mare.

Ululahu Timoti 6:3

Keha naiknore funu farirhiu glepo te jafra fara nei theome leghuni thofno nogna farirhiu tutuani noda Lord Jisas Kraes nei nogna farirhiu khiloau na.

Kolose 2:8

Fiofilo ghami, thosei snakreni kaisei naikno mala mei chaghi ghami nei mei sagu ghami eghu ka thoutonu te theo nafugna teke eni haghe kolho ka gaoghathogna naikno ghe naitu. Nafnata thoutonu tuare neke theome mei funu ka mae Kraes.

Fapea Korin 2:17

Ghehati theome jateula kmana naikno te magnahaghei sileni kolho kate toutonuni chekegna God na ia eghu sia. Theo. God neke vahi ghami ghehati, eghuteuna ghehati chekeni koba ka nagnafa te tutuani ke ulugna mana. Ghehati toutonuni chekegna mana na naugna ghehati nogna mae gloku Kraes.

Letas Teke Riso Tei Mae Pol Ka Khiloau Rom 16:17

Kheraguro, iara cheke heta ka ghotilo mala fiofilo ghami ka iheire te magnahaghei fotani u khiloau gne. Mare tangomana te goigonidi nomi fatutuani ghotilo re baludi keha glepo te jafra ka farirhiu tela nomhidihi ghotilo ra. Thosei fanomho ka mare.

Mae Khuru 20:30

Jaola keha ka ghotilo themi ginauna toutonu chaichaghi ka naikno khiloau re mala leghudi thedi kolho.

Profet Jeremaea 23:28

Jame kaisei mae profet chaichaghi magnahaghei te toutonu eigna nogna mifi na, mana tangomana te eni igne gognarona. Nu mae ihei te nomhini thofno chekegu iara na, mana na famane cheke fadoglo jateula teke tusu lao iara ka mana na eghu. Nodi mifi mae igre nei chekegu iara na teuna theome nanaba, naugna khune wit nei ganogna teure jaola theome nanaba!

Profet Isaia 60:17

Tifa na ghotilo neke atha bras mala horo glepo, nu iara ginauna na tusu ari gol ka ghotilo. Ghotilo neke atha aean nei gaju, nu iara ginauna tusu ari silva nei bras ka ghotilo. Ghotilo neke atha thina, nu iara ginauna tusu ari aean ka ghotilo. Eghuteuna nomi mae funei ghotilore neke para ghami ghotilo, nu iara ginauna na lilisei vetula ka puhi te doglo nei ka pharikeli.

Proveb 30:6

Thosei tuthughu nogna cheke mana na, glahu diꞌatagna mana ka iagho, eghuteuna ke leghu na naiknore na laseni te kaisei mae chaichaghi iagho na.

Proveb 16:16

Famane gaoghatho te keli balugna glalase na, thofno keli fara salaꞌudi gol ghe silva.

Proveb 8:10

Ghotilo mala vahini glalase te keli na, naugna nogu cheke iara na keli fara uludi silva ghe gol.

Fapea Korin 4:2

Nu ghehati lisei fadelei glepo te poru ke lamnami te tangomana famamaja ghami teu, nei theome lase chaichaghi, nei theome tangomana te tuthughu chekegna God na. Ghehati farirhiuni unha te tutuani igne te falalase ghami themi ka naikno te gnafare. Mare tangomana te lase ghami ka nagnafadire te unha nafnata naikno ghehati na nei jaola ghehati thofno leghuni Lord.

Ululahu Korin 3:11

Tutuani, God liliseini mae Jisas Kraes mala jateula kaisei thina biꞌo eghu mala makugna suga na, eghuteuna theo kaisei mae te tangomana te hata fadeleini mana teke tughu ka keha thina delei jare na.

Ululahu Korin 3:13

Eghuteuna ka narane leghu lahu nate mei fate Kraes na nodi gloku naikno te gnafare ginauna na kakhana unha te keli ba unha te diꞌa. Naugna kau narane tuana nogna khaꞌaghi God na ginauna fariuriudi nodi gloku naikno te gnafare mala laseni te keli ba te diꞌa na.

Eksodas 5:12

Aonu mare tei ne hiro buburu moja ka vido te gnafa ka kantri Ijep.