Ululahu Korin 2:16 - Buka Blahi Ka Cheke Holo

¹⁶ Naugna grioriso te blahi na cheke eghu, “Theo kaisei naikno te laseni gaoghathogna Lord na, eghuteuna theo kaisei naikno te nabagna te mala fagriuni mana na.” Nu gaoghathogna Kraes na auhi ka tahati.

Ululahu Korin 2:16 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 11:34

Jateula te chekeni ka grioriso te blahi na, “Ihei gne te laseni gaoghathogna Lord na? Ihei gne te tangomana te farirhiuni mana na? Theo kaisei naikno.”

Jone 15:15

Gognarona iara theome kilo ghami ghotilo mae gloku, naugna mae gloku na theome tangomana te laseni gaoghathogna nogna mae funei na. Nu iara kilo ghami ghotilo mae kheragu iara, naugna iara chekedi ka ghotilo gobigna lepo teke chekedi mae Mama ka iara re ngala.

Thoutonu Eigna Mae Job 15:8

Ba, iagho neke fanomho ka nogna gaoghatho God teke faidu mare kligna re? Eghuteuna iagho gaoghathomu na iagho kolho te lalase na?

Profet Jeremaea 23:18

Nu mae Jeremaea ne cheke eghu, “Theo kaisei mae ka mae profet igre nate kegra ke ulugna Lord te mala atha nogna cheke mana na. Theo kaisei ka mae igre te thofno fanomho fakeli ka nogna cheke Lord na. Thono theo fara.

Thoutonu Eigna Mae Job 22:2

“Tangomana ngau kaisei naikno te toghoni God na? Neuba mana ne lalase fara mana theome tangomana te toghoni God na.

Ululahu Korin 12:8

Tharunga te Blahi na tusu ranghini kaisei naikno glalase te mala toutonuni chekegna God na ka gaoghatho te keli, eghuteuna ka keha naikno na tusu ranghini nolaghi te mala cheke ka glalase te biꞌo fara mala toghodi naiknore.