Ululahu Korin 2:1 - Buka Blahi Ka Cheke Holo

¹ Kheraguro, kani teke ari ka ghotilo ia, iara neke toutonuni chekegna God teke theome laseni naiknore tifa ia. Iara jaola theome toutonu ka ghotilo jateula kaisei mae te lase cheke fara ba mae te lalalase fara.

Ululahu Korin 2:1 ပူးပေါင်းရင်းမြစ်များ

Ululahu Korin 1:17

Kraes neke theome kuru ghau iara mala faꞌapublahi naikno kolho. Theo. Mana neke kuru ghau iara mala toutonu eigna u Nonomho te Keli na. Iara theome tangomana te toutonuni u Nonomho te Keli na ka nafnata puhi te eni mae ihei te lalase fara na, na eghunu glehe teke eni Kraes ka gaju fafatha na igne theo nafugna kolho eghu.

Ululahu Korin 2:13

Eghume, kate chekedi tahati glepo igre, tahati theome cheke leghuni gaoghathogna naikno na, nu tahati cheke leghuni kolho unha Tharunga te Blahi teke farirhiu ghita na. Tahati toutonu glepo tutuani leghuni gaoghathogna mae Tharunga te Blahi ranghidi naikno tela hatahi mana.

Ululahu Korin 2:4

Nogu farirhiu nei nogu thoutonu teu iara ka ghotilo igre theome jateula puhidi mae te lalase fara nei mae te lase cheke ra eghu. Nu iara toutonuni u Nonomho te Keli igne ka nafnata puhi te mala lase fakelini nogna nolaghi Tharunga gna God na.

Fapea Timoti 1:8

Eghume iagho thosei mamaja te toutonu ka naiknore eigna noda Lord Jisas Kraes. Eghuteuna iagho jaola thosei mamaja ghau iara te au ka suga sosolo malagna Lord, eigna iara ne loku ranghini mana. Iagho thosei mhaghudi iheire nate para nigho eigna iagho te toutonuni u Nonomho te Keli. God ginauna tusu ranghi nigho nolaghi te mala eni iagho gloku tuana.

Letas Teke Riso Tei Mae Pol Ka Khiloau Rom 16:18

Nafnata naikno igre theome loku ranghini Kraes noda Lord, nu mare leghudi kolho unha te magnahaghei thedire. Mare lase cheke famaemahe nei lase chaichaghidi iheire te theome raꞌe filo glanidi puhi te diꞌare.

Eksodas 4:10

Nu Moses ne cheke eghu ka Lord, “Lord, iagho thosei kuru ghau iara, naugna funu tifa te mei na, iara theome raꞌe cheke fakeli. Eghuteuna neuba iara ne chekehi balumu iagho, nogu cheke iara gre theome keli kolho. Iara cheke ghu na thoghei fara, eghuteuna iara theome laseni te cheke fakelidi chekere.”

Fapea Korin 11:6

Neuba iara ne theome raꞌe lase cheke fara, nu kau Nonomho te Keli gne glalase na au ka iara. Eghuteuna leuleghu fata na ghehati la falalasehi igne ka ghotilo.

Thakle 1:2

Aonu iara mae Jone neke rioriso glepo teke filodi thegu igre. Chekegna God na thofno tutuani fara teke cheke mei mae Jisas Kraes igre.

Ululahu Jone 4:14

Tahati filonihi mana nei toutonuni ka naikno eigna Mama te kuru meini Thugna mala fakarhidi naikno te gnafa ka glehe.

Fapea Tesalonika 1:10

Kate mei ka narane biꞌo tuana, mana ginauna hata nafnakno ka nogna naikno blahire. Eghuteuna naikno teke fatutuani ni mana tuare ginauna kilo fnaknoni mana. Ghotilo ginauna au ke lamnagna tothoghei naikno fatutuani tuana, naugna ghotilo ne fatutuanidi unha te chekedi ghehati ra.

Ululahu Korin 1:6

Jaola, Nonomho te Keli eigna Kraes igne heta fara ka nakarhamire.

Mae Khuru 22:18

Iara filoni Lord ne cheke eghu ka iara, ‘Faghose! Iagho gognarola jifla agne Jerusalem, naugna naiknore ginauna tirodi fanomho ka unha te chekedi iagho eigu iara na.’

Mae Khuru 20:21

Iara neke orio cheke faheta ranghidi mae Jiu ba mae Griki mala lilisei mare puhidi te diꞌare mala figri ka God nei mala fatutuani ni noda Lord Jisas.

Profet Isaia 8:20

Ghotilo fanomho fakeli ka nogna cheke Lord teke farirhiu ghami ghotilo ra. Iheire te theome leghudi farirhiu igre na, mare jateula ihei te au ke lamna gromnora eghu kolho.

Thakle 19:10

Iara ne tuturupuku soru ke ulugna engel na mala pogho soru ka mana, nu mana ne cheke eghu ka iara, “Thosei pogho soru ka iara! Iagho pogho soruni God kolho! Naugna iara kaisei nogna mae gloku God kolho jateula iagho nei hatimare mae thabusida ka khiloau gne teke fatutuanidi thofno cheke teke toutonudi mae Jisas ra.” Mana ne chekeni igne naugna thofno cheke teke toutonudi mae Jisas igre ngala teke thofno toutonudi la hatimare mae profet ra.

Thakle 1:9

Iara mae Jone, kaisei mae kherami ghotilo ka khiloau eigna tahati te gnafa na kafe fatutuani ni mae Jisas. Kraes na noda King eghuteuna tahati mala kegra heta fodu, neubane para ghita naiknore. Tutuani, mare lilisei ghau iara ka suga sosolo ka moumolu ikoi Patmos, eigna iara ne toutonuni chekegna God na nei cheke ka tutuani eigna mae Jisas.

Ululahu Timoti 1:11

Tuana farirhiu leghuni u Nonomho te Keli God teke tusu mei ka iara mala toutonu iara. Nonomho te Keli igne siasigla balu nolaghi biꞌo neke mei funu ka God mae ihei te blahi fara.

Fapea Korin 10:10

Kaisei naikno jame cheke eghu, “Mae Pol gne nogna letas re nolaghi fara. Nu kate au baluda tahati na mana theome nheta, eghuteuna nogna cheke mana re theo nafudi kolho!”

Ululahu Korin 2:7

Cheke glalase te toutonuni ghehati igne nogna cheke glalase God. Tutuani, kani teke theome vuavuha teku God u nauthoglu igne, mana neke kulu enihi kaisei nabrou ka nogna glalase te mala tei thoke tahati ka mana kligna na. Mana neke theome falalase cheke igne ghilei thoke gognaro.