Ululahu Korin 16:6 - Buka Blahi Ka Cheke Holo

⁶ Jau iara ginauna ari au raugha balumi ghotilo jare. Jame ka vido te khoburu na iara ginauna au balumi ghotilo, mala tangomana ghotilo te togho ghau iara ka vido aheva te tei iara na.

Ululahu Korin 16:6 ပူးပေါင်းရင်းမြစ်များ

Mae Khuru 15:3

Mae ka khiloau re ne toghodi kate jifladi ka nabrou na. Mare tei ne sala'u ka phei Provins Fonisia nei Samaria, ne toutonu jare eidi iheire te theome Jiu tela fatutuani nihi mae Jisas. Naikno khiloau ka phei provins igre ne gleale'a fara kate nomhini igne.

Taetus 3:12

Iara ginauna na kuru aridi mae Atimas ghe mae Tikikas jare ka iagho. Nu kate posa ari phiamare jare na ghosei me mei iagho eghu mala filo ghau iara jare Nikapolis, naugna iara magnahaghei te ari au teu jare ka vido te khoburu na.

Fapea Korin 1:16

Uve, kate ghathoni iara te mala ari ka Provins Masidonia na, iara neke magnahaghei te filo ghami ghotilo ka nogu thei na. Eghuteuna iara neke ghaoghatho mala fapea filo ghami ka teke pulo meigu na. Ka narane tuana iara neke ghatho ghami ghotilo te togho ghau mala tei thoke iara Judia.

Ululahu Korin 16:11

Eghume theo kaisei ka ghotilo te mala filo faparini mae Timoti na. Nu ghotilo mala toghoni mana ka vido aheva te tei mana, mala gleale'a ke pulo mei mana ka iara thogheiro na. Naugna iara ofoni mana mala ke pulo mei baludi keha naikno khiloaure.

Mae Khuru 28:11

Ke leghugna te au thilo nhigra ka moumolu tuana ghehati ne jifla jare ka vaka gna Aleksadria. Nanghagna vaka na, “Phei god phakri.” Vaka igne neke poru jare Molta ka nhigra khoburu.

Mae Khuru 27:12

Jaola naprona te poru mare igne theome raꞌe keli ka nhigra khoburu na. Aonu mae te kmana re magnahaghei te jifla mala fariuriu tei thoke ka namono Finiks mala poru jare. Vido igne kaisei naprona keli fara mala poru te au ka moumolu Krit, au fei te mala plulu naprai.

Mae Khuru 21:5

Nu kate gnafa nomi narane te mala au baludi re, ghehati jifla jare neke tei. Eghuteuna naikno khiloau gna namono tuana ne kafe jifla baludi khetodi thudi teure ne soru balumi ghehati ka gratha na. Aonu ghehati kafe tuturupuku soru ka nusu na ne tarai.

Mae Khuru 17:15

Mae iheire teke hatani mae Pol re ne tei thoke Atens. Mae teke tei balugna mae Pol Atens gre neke pulo Berea baludi nonomho funugna ka mae Pol maladi mae Silas ghe mae Timoti mala ghosei tei thoke phiamare ka mae Pol.