Eghume iara thofno gleale'a fara te tusu ari ranghi ghami gobigna lepo te au ka iara igre nei jaola snakreni thinigu na mala togho ghami ghotilo. Ba, ghotilo ginauna namha faꞌikoi ghau iara kolho, naugna te namha ghami fabiꞌo fara iara gne?
Naikno te namhadi fara iara gre, iara tangomana te cheke faheta ranghidi mala lilisei nodi puhi te diꞌare, nei jaola tangomana te farirhiudi mala leghuni nabrou te doglo na. Eghume, ghotilo mala hati nhetami na mala koko puhi te diꞌare.
Iara chekeni igne ka ghotilo naugna te theome naba iara te hata nomi tothogho ghotilo na, ba iara ne theome namha ghami ghotilo? Theo! God lase ghau iara te namha ghami fara ghotilo na.
Nu jame te kilo fnaknoni God ghotilo ka tharungami kolho na, kaisei naikno te majaghani ka khiloau te au balumi ka tharai na ginauna theome laseni unha te chekeni ghotilo na. Mana ginauna theome kaisei gaoghatho ka nomi tharai nei theome tangomana te chekeni “Amen” teu balumi ghotilo na.
Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”
Iara mae Pol. God neke vahi ghau iara mala nogna khuru mae Jisas Kraes. Ghepa mae kherada Timoti te riso ari letas igne ka ghotilo naikno khiloau te au Korin nei ka keha namono ke lamnagna Provins Akaia.