Ululahu Korin 16:2 - Buka Blahi Ka Cheke Holo

² Leuleghu narane Sade na ghotilo te gnafa na mala lilisei fadelei keha sileni nihai teke thokeni ghotilo ka nomi gloku na mala theome ke salo ghotilo ke leghugna te posa ari iara ka ghotilo na eghu.

Ululahu Korin 16:2 ပူးပေါင်းရင်းမြစ်များ

Mae Khuru 20:7

Ka grafi Sarere ghehati salo fodu mala tarai nei ima fodu. Mae Pol ne cheke fabrahu ranghidi naikno khiloau re ne ghilei farihotei bongi, naugna mana magnahaghei teke jifla keha narane. Eghume igne nogna toutonu leghu lahu mana ranghidi naikno khiloau igre.

Luku 16:10

“Mae ihei te loku fakeli ka glepo te ikoi na, mana jaola na loku fakeli ka glepo te biꞌo na. Eghuteuna mae ihei te theome loku fakeli ka glepo te ikoi na, mana eghu la na theome loku fakeli ka glepo te biꞌo na.

Diutronomi 8:18

Ghathoni Lord nomi God. Mana ngala mae ihei teke tusu ari nolaghi ka ghotilo na mala au nomi kmana glepo te keli. Mana eni igne gognarona naugna mana tajini nhaꞌa cheke teke eni mana baludi kuꞌemi ghotilo tifara.

Thakle 1:10

Ka kaisei narane Sade, nogna nolaghi Tharunga te Blahi na neke mei ka iara mala batuni gaoghathogu iara na. Ka narane tuana iara neke nomhini naoglagna God te cheke fabiꞌo ke leghugu iara jateula kaisei khufli neu.

Jone 20:19

Kau grafi Sade, mae fanomhore kafe au neu ka suga na. Mare ne kafe bibilakhi famaku grengathare, naugna mare ne mhaghudi mae biꞌodi hatimare mae Jiu. Eghuteuna, kau vido tuana mae Jisas mei ne kegra farihoteidi mare. Mana ne cheke eghu ka mare, “Pharikeli na au ka ghotilo!”

Luku 24:1

Hamerane Sade ghagra pasa, gaꞌasere hata meresin teke tarabana thedire ne tei ka gluma te au thinigna mae Jisas na.

Fapea Kronikols 31:10

Pris biꞌo Asaraea ka tharaknagna mae Sadok igne ne cheke eghu, “Funu ka narane teke hata teke mei naiknore gano igre ka nogna Sugablahi Lord te ghilei thoke gognarogne, ghehati au kmana gano. Eghuteuna gano igre theome tangomana nate gnafa na. Ghehati au gobigna lepo igre naugna Lord neke fablahidi nogna naiknore. Eghuteuna kmana glepo au ngau.”

Jenesis 26:12

Mae Isak tobi ne joꞌu sisi ka glose tuana. Eghuteuna ka finogha tuana mana ne au ghegna gano kmana fara, naugna Lord neke fablahini mana.

Jone 20:26

Kaisei wik ke leghugna igne, mae fanomhore kafe au neu ka suga na, eghuteuna mae Tomas au neu baludi mare. Mare ne famane bibilakhi neu grengatha na, eghuteuna mae Jisas mei ne kegra farihoteidi mare ne cheke eghu, “Pharikeli na au ka ghotilo!”

Nonomho Te Keli Teke Risoi Mae Mak 14:8

Naikno biꞌo igne eni glepo te keli igne ranghi ghau iara, naꞌa kulu toatofa sedi te siri keli gna na ka thinigu iara na, tarabana gna te mala giugilu mare thinigu iara na.

Jenesis 33:11

Eghume iara gognaro na thofno tore nigho iagho te mala hata nogu namha iara te tusu ari ka iagho igre. Eigna God na neke fablahi ghau iara neke tusu ranghi ghau iara glepo kmana fara.” Eghuteuna naugna ka te cheke heta fara mae Jekop igne mae Iso ne hata u namha tuana.

Jenesis 32:10

God, iara nou mae gloku iagho. Iara theome mae keli ka tathamu iagho na, nu iagho neke namha ghau iara nei keli ranghi ghau iara. Kani teke tei kasa iara ka khoꞌu Jordan ia teke tei au balugna mae Laban ia, iara neke theome hata kaisei glepo balugu. Theo. Iara neke louloku kaisei khodo kolho. Eghume iara gognaro na kela pulo mei baludi phei tothoghei igre.

Jenesis 30:30

Tifa na iagho neke theome kmana nou sipu jateula tuana neku. Neke theo fara ngala. Nu neke theome kmana kolho. Eghume kate mei te au iara agne balumu iagho gognaro gne, iagho aola au nou kmana sipu nga eghu, naugna Lord ne toghodi nogu gloku iara te edi ranghi nigho iagho gre. Nu gognaro na iara magnahaghei te mala loku ranghidi kolho tharaknagu thegu gne.”

Jenesis 30:27

Mae Laban ne cheke eghu ka mana, “Uve, igne unha nate chekeni iara ka iagho na. Iara neke magnahaghei laseni gaoghathogna Lord na, nu igne unha teke laseni iara na eghu, Lord neke fablahi ghau iara, naugna iagho neke loku ranghi ghau iara.”

Fapea Korin 8:10

Igne unha te ghathoni iara jame te mala eni ghotilo na. Te keli na ghotilo jame edi fahui unha teke kulu ghathoni ghotilo ka finogha te aria. Naugna ghotilo naikno ulu lahu te sasaꞌa tufa sileni te mala toghodi iheire te kuma nei ghotilo jaola naikno ulu lahu teke tufa na.