Ululahu Korin 16:13 - Buka Blahi Ka Cheke Holo

¹³ Reireghi fakeli ghami themi, brana ka nomi fatutuani na, thosei mhaghu, nei au heta fabrahu ka gaoghathomire.

Ululahu Korin 16:13 ပူးပေါင်းရင်းမြစ်များ

Josua 1:9

Iara la chekehi ka iagho. Eghume iagho kegra heta, thosei mhaghu, ba suaraghi. Naugna aheva te tei iagho na, iara Lord nou God ginauna au balumu iagho fabrahu.”

Efesus 6:10

Nogu cheke leghu lahu iara ka ghotilo na igne. Kegra heta ka nogna nolaghi biꞌo Lord, eigna ghotilo kaisei balugna mana.

Ululahu Korin 15:58

Eghume kheraguro, naugna igne ghotilo kegra heta ka nomi fatutuani na nei thosei snakreni kaisei glepo mala ngali tafri ghami. Ghotilo mala rugusi fabrahu ka nogna gloku Lord na. Naugna ghotilo lasenihi nomi gloku ranghini Lord na theome tangomana te fiti luvu kolho.

Galesia 5:1

Mae Kraes neke fasnagla ghita mala au snagla fabrahu tahati. Eghume ghotilo kegra heta. Thosei snakreni kaisei naikno me mala hata fapulo ghami jateula naikno sneka eghu.

Nodi Khoje Hatimare Mae Jiu 27:14

Tahati mala fatutuani ni Lord, nei thosei ghatho peapea eghu. Tahati mala fatutuani nei ofoni eghu Lord nate mei togho ghita na.

Filipae 4:13

Iara tangomana te edi glepo igre, naugna mae Kraes mae ihei te au nolaghi na te togho ghau iara na.

Fapea Tesalonika 2:15

Eghume, kheraguro, kegra heta ka nomi fatutuani nei loku famaku ka farirhiu teke tusu ari ghehati igne. Ghehati neke farirhiu ghami ghotilo ka chekemi nei ka letas.

Filipae 1:27

Uve, glepo te ulu na puhimi ghotilo re mala leghuni nogna Nonomho te Keli mae Jisas Kraes. Eghume neubane mei iara ne sigho ghami ba ne tei koko ghami, iara ginauna nomhidi thoutonu te keli eimi ghotilo re. Iara magnahaghei te nomhi ghami ghotilo te kaisei nomi gaoghatho ngala nei kegra maku ka nomi fatutuani na ka mae Jisas Kraes.

Ululahu Pita 5:8

Tarabana koba nei doadofra fakeli eghu! Naugna nomi naoka ghotilo mae Satan, mana tei tafri jateula kaisei lion te rofo eghu nguru tafri hironi ihei mala roꞌeni mana.

Filipae 4:1

Eghume, kheraguro, iara magnahaghei ghami ghotilo jateula teke chekeni iara ka ghotilo ia eghu kegra heta ka nomi fatutuani na ka Lord. Iara thono namha ghami ghotilo nei magnahaghei te filo ghami ghotilo. Uve kheraguro, iara gleale'a fara nei thono fahaehaghe ghau fara eigna nakarhami ghotilo na. Naugna ghotilo jateula kaisei taba eghu ka gloku biꞌo te eni iara gne.

Profet Isaia 35:4

Ghotilo loku famaku nagnafadi iheire te mhaghu nei nanga nodi. Ghotilo cheke eghu, “Ghotilo thosei mhaghu ba nigra, naugna Lord ginauna fakarhi ghita, eghuteuna mana ginauna paradi noda naoka tahati re. Mana ginauna nake tughu fapulo glepo te diꞌa teke edi mare ka tahati ra.”

Ululahu Tesalonika 3:8

Gognaro na ghehati kela phanga fapulo naugna ghotilo te kegra maku ka Lord.

Fapea Timoti 4:7

Ka nogna gloku blahi God na, iara neke hati nhetagu na jateula kaisei mae te mala chari ka fangenghele te biꞌo na ia eghu. Eghuteuna iara gognaro na thokehi ka narane mala gnafagna u fangenghele na te loku famaku teu iara nogu fatutuani gne.

Fapea Samuel 10:12

Iagho thosei mhaghu! Iagho magra heta mala fakarhidi noda naiknora, nei nogna namono God ra. Lord ginauna eni unha te magnahagheni mana na.”

Fapea Korin 1:24

Ghehati theome magnahagheni te sagheleghudi nomi fatutuani ghotilo re, naugna ghehati lase ghami ghotilo tela kegra hetahi ka nomi fatutuani na ka God. Nu ghehati magnahagheni te loku balumi ghotilo mala tangomana ghotilo te gleale'a na.

Matiu 26:41

Dofrau nei tarai eghu, mala theome khale ghami fariuriu. Naugna gaoghathomu iagho na magnahaghei eni unha te doglo na, nu thinimu iagho na nigra fara.”

Kolose 4:2

Sasaꞌa mala tarai fabrahu nei ghaoghatho fakeli. Kate tarai na, ghotilo cheke fakelini God fabrahu.

Ululahu Kronikols 28:10

Fanomho fakeli iagho ia, naugna Lord neke vahi nigho iaghohi te mala horo nogna Sugablahi mana na. Eghume, iagho mala kegra heta, iagho mala loku ghilei gnafa gloku igne.”

Ululahu Pita 4:7

Nu tahati la mei namohi ka narane gobigna lepo ka nauthoglu igne ginauna hui. Eghume te keli na ghotilo ghaoghatho fakeli, nei filo fakeli eghu mala tangomana ghotilo te tarai na.

Ululahu Timoti 6:12

Fariuriu fara nakarhamu ka khiloau gne mala au fakeli, jateula mae ihei te fariuriu chari te mala ulu ka fangenghele ia eghu. Ghaoghatho heta eigna iagho la hatahi nou taba u karha fei tifa na. God neke kilo nigho mala hata karha tuana. Eghuteuna iagho neke cheke thakleni nou fatutuani biꞌo eigna mae Kraes ke uludi kmana naikno te nomhini.

Ululahu Korin 14:20

Kheraguro, puhimi ghotilo re mala klino jateula sua eghu. Thosei edi glepo te diꞌare. Nu ghotilo mala au jateula mae tela biꞌohi eghu ka puhimire ka khiloau gne, thosei ghaoghatho jateula mae sua eghu.

Kolose 4:12

Kaisei mae kherami keli ghotilo, mae Epafra nogna mae gloku Jisas Kraes, mana jaola kubae ghami ghotilo. Leuleghu fata na, mana tarai heta koba eimi ghotilo. Mana toreni God mala togho ghami ghotilo mala kegra heta ka nomi fatutuani na, nei mala thofno lasedi gobigna lepo God te magnahaghei edi ghotilo re.

Fapea Timoti 2:1

Ghema thuguo Timoti, iara magnahaghe nigho te au famaku ka nogna khokofakasai God teke tusu ranghi ghita, naugna tahati nogna mae Jisas Kraes.

Kolose 1:23

Mae Kraes tangomana te eni igne mala te kegra heta fabrahu ghotilo ka nomi fatutuani na. Thosei snakreni kaisei glepo ka nauthoglu igne mala hata fadelei ghami ka puhi fatutuani teke nomhinihi ghotilo ka Nonomho te Keli gne. Hatimare mae fatutuani ra neke toutonunihi u Nonomho te Keli gne ka naikno te gnafa ka nauthoglu gne. Eghuteuna iara mae Pol, kaisei mae gloku mala toutonu nila u Nonomho te Keli gne.

Profet Daniel 10:19

Eghuteuna mana ne cheke eghu ka iara, “Iagho thosei nanga nou, ba mhaghu, naugna God na namha nigho iagho fara. Iagho kegra heta!” Kate cheke eghu mana igne, iara thofno haimini neke rheta fapulo thinigu na, ne cheke eghu, “Mae biꞌo, cheke mei ka iara unha te magnahaghei chekeni iagho ka iara na naugna iara gognaro na kela nheta fapulo.”

Profet Daniel 11:32

King ginauna famaemahedi iheire te theome thofno fatutuani mala figri tagruni God. Nu naikno te leghuni puhigna God te doglo na ginauna kegra heta na theome leghuni nogna cheke mana na.

Ululahu Tesalonika 5:6

Eghume tahati thosei jateula keha naikno te thuru te theome lasedi glepo igre, nu tahati dofra nei reireghi fakeli ghita theda.

Efesus 3:16

Iara toreni God ka nogna nafnakno biꞌo kligna mala snakre meini nogna Tharunga te Blahi na ka ghotilo, mala tangomana ghotilo te heta ka nagnafamire.

Ululahu Samuel 4:9

Tahati mala kegra heta! Jame te theo na, tahati ginauna mala nodi naikno sneka mae Hibru kolho, jateula mare teke noda naikno sneka tahati tifa ra eghu. Uve, tahati nalhaꞌu sia! Gognarona tahati mala magra heta!”

Profet Sekaraea 8:9

Lord ne cheke eghu, “Naiknodi Israel! Ghotilo iheire te nomhidi cheke teke cheke mae profet ka narane teke eni mare thina famamhaku gna nogu Sugablahi iara Lord mae ihei te au nolaghi fateote'o. Ghotilo mala famamhaku nagnafami re, mala tangomana ghotilo te loku fagnafa suga igne.

Profet Hagae 2:4

Nu iagho Serababel, iagho mae Josua, naikno te gnafa ka namono igne, heta gaoghathomi are. Iara Lord mae ihei te nolaghi fara, iara cheke fadoglo ka ghotilo: Iara magnahaghe ghami ghotilo te gnafa mala loku, naugna iara au balumi ghotilo.

Ululahu Kronikols 19:13

Iagho thosei mhaghu! Iagho magra heta mala fakarhidi noda naiknora, nei nogna namono God teke tusu mei ka tahati igne. Iara laseni, Lord ginauna eni unha mana te magnahagheni.”

Thakle 16:15

Aonu mae Jisas ne cheke eghu, “Fanomho fakeli! Tutuani, iara ginauna nake pulo mei ka ghotilo ka narane te theome ghathoni ghotilo na jateula kaisei mae te blau te mei ka narane te theome ghathoni naiknore. Mae ihei te tarabana teu teke pulo mei iara na, mana ginauna gleale'a fara kate filo ghau iara na. Mana jateula kaisei mae te ofoni teu ke pulo meigna mae kheragna na. Mana ginauna pipichi, dofrau nei gleale'a eghu kate filoni mana na. Jame te tarabana teu iagho teke pulo mei iara na, iagho na theome mamaja nou kate filo ghau iara na. Tutuani, iagho theome mamaja nou jateula iheire te soesole teu ka glalaba na ia eghu.”

Fapea Timoti 4:5

Nu iagho ghaoghatho fakeli leuleghu fata na, nei kegra maku ka narane nate thoke mei tamu naꞌau papara na. Eghuteuna iagho heta ka gloku igne mala toutonu eigna u Nonomho te Keli na nei loku fahui nou gloku blahi teke tusu ranghi nigho God na.

Luku 21:36

Eghuteuna ghotilo mala tarabana fabrahu. Tarai fabrahu eghu mala tangomana ghotilo te nheta teu te mala nabami te kafe rikhadi glepo te diꞌa fara nate mei ginau igre. Jaola ghotilo tarai fabrahu mala tangomana te mei kegra ke ulugu iara mae teke mei funu ka God.”

Profet Sekaraea 8:13

Ghotilo naiknomi Juda nei Israel teura, tifa na naiknodi keha kantri igre neke tibri ghami ghotilo mala thoke mei puhi biꞌo ka naiknore. Nu iara ginauna fakarhi ghami ghotilo, eghuteuna ghotilo ginauna jateula kaisei fablahi keli eghu ka keha naiknore. Eghume ghotilo thosei mhaghu, ghotilo famamhaku gaoghathomi re.

Matiu 25:13

Aonu, gnafa thonu tuana mae Jisas ne cheke eghu ka mare, “Eghume, ghotilo tarabana nomi koba. Naugna ghotilo theome laseni narane mala ke pulo meigu iara na.”

Josua 1:18

Eghuteuna ihei te huhughu nigho ba te theome leghuni nou cheke iagho na, naikno tuana ginauna lehe. Nu iagho kegra heta fabrahu, thosei mhaghu ba suaraghi.”

Ululahu Kings 2:2

“Nogu narane iara te mala lehe na la namohi, iagho kegra heta jateula nalhaꞌu eghu.

Nodi Khoje Hatimare Mae Jiu 31:24

Ghotilo naikno te fatutuani, ghotilo kegra heta, nei au nomi grouronu ka Lord.