Ululahu Korin 16:11 - Buka Blahi Ka Cheke Holo

¹¹ Eghume theo kaisei ka ghotilo te mala filo faparini mae Timoti na. Nu ghotilo mala toghoni mana ka vido aheva te tei mana, mala gleale'a ke pulo mei mana ka iara thogheiro na. Naugna iara ofoni mana mala ke pulo mei baludi keha naikno khiloaure.

Ululahu Korin 16:11 ပူးပေါင်းရင်းမြစ်များ

Ululahu Timoti 4:12

Theome keli kaisei naikno jateula kaisei fiti mae kolho iagho teu te theome leghudi nou cheke iagho re naugna iagho kaisei mae majaghani. Iagho mala baubatuni puhi te keli na ka naiknore, ka chekemu ba ka nakarhamu, ba ka nou namha, ba ka nou fatutuani ba ka nou puhi te doglo mala tangomana naikno khiloaure te leghu nigho na.

Mae Khuru 15:33

Ke leghugna te au jare Antiok keha narane, naikno khiloau re ne kubaedi ka pharikeli mae Judas ghe mae Silas. Eghuteuna phiamare neke pulo Jerusalem ka naikno teke kuru teidi re.

Taetus 2:15

Uve, iara magnahaghe nigho te farirhiudi naikno khiloaure u glepo te chekedi iara ka iagho igre. Iagho au nou nolaghi te mala toghodi mare te mala leghudi u farirhiu igre, nu ne theome leghudi nga mare u farirhiu igre nu chekedi iagho ka mare unha glepo te keli te mala edi mare re eghu. Iagho eni igne ka puhi te mala theome tangomana kaisei naikno te filo fapari nigho na.

Ululahu Korin 16:10

Jame te ari mae Timoti ka ghotilo na, ghotilo mala reireghi fakelini mana naugna mana jateula iara eghu loku ranghini Lord.

Ululahu Korin 16:6

Jau iara ginauna ari au raugha balumi ghotilo jare. Jame ka vido te khoburu na iara ginauna au balumi ghotilo, mala tangomana ghotilo te togho ghau iara ka vido aheva te tei iara na.

Fatilo Jone 1:6

Mare ne mei toutonuni nou namha iagho na ka khiloau igne. Thofno keli fara iagho te toghodi mare ka unha te nabagna nodi thei na, mala tudu fabrahu mare nodi gloku na. Te eni iagho igne, God ginauna keli tagna fara.

Ululahu Tesalonika 4:8

Eghume ihei te tirogna leghuni farirhiu igne, mana theome tirogna leghuni naikno nu mana tirogna leghuni God, mae ihei teke tusu ranghi ghau nogna Tharunga te Blahi.

Luku 10:16

“Mae ihei te nomhidi nomi cheke ghotilo re, mana ginauna na nomhidi la nogu cheke iara re. Eghuteuna mae ihei te tirogna ghami ghotilo na, mana tirogna ghau la iara. Eghuteuna mae ihei te tirogna ghau iara na, mana ginauna na tirogna nila mae ihei teke kuru mei ghau iara na.”

Mae Khuru 15:3

Mae ka khiloau re ne toghodi kate jifladi ka nabrou na. Mare tei ne sala'u ka phei Provins Fonisia nei Samaria, ne toutonu jare eidi iheire te theome Jiu tela fatutuani nihi mae Jisas. Naikno khiloau ka phei provins igre ne gleale'a fara kate nomhini igne.

Fapea Korin 1:16

Uve, kate ghathoni iara te mala ari ka Provins Masidonia na, iara neke magnahaghei te filo ghami ghotilo ka nogu thei na. Eghuteuna iara neke ghaoghatho mala fapea filo ghami ka teke pulo meigu na. Ka narane tuana iara neke ghatho ghami ghotilo te togho ghau mala tei thoke iara Judia.