Ululahu Korin 15:6 - Buka Blahi Ka Cheke Holo

⁶ Ke leghugna tuana, mae Jisas neke fatakleni thegna ka hatimare sala'uni glima gobi naikno khiloau teke khapru fodu teku kaisei vido ngala. Tutuani, kmana ka naikno igre mare karhau ngala gognaro na. Nu kehare la lehehi.

Ululahu Korin 15:6 ပူးပေါင်းရင်းမြစ်များ

Matiu 28:10

Mae Jisas ne cheke eghu ka repa, “Thosei mhaghu! Tei cheke ka nogu mae fanomho iara ra mala tei Galili, eghuteuna mare ginauna filo ghau iara jare.”

Nonomho Te Keli Teke Risoi Mae Mak 16:7

Gognarona ghotilo ke pulo ka mae fanomho ra mala cheke eghu ka mare nei ka mae Pita, ‘Mae Jisas na tei ke ulumi ghotilo Galili. Ghotilo ginauna na filoni mana jare, jateula teke chekenihi mana ka ghotilo tifa ia eghu.’ ”

Mae Khuru 13:36

“Uve, kate karhagna tekeu mae Devet na, mana neke eni unha teke magnahagheni God na. Nu kate lao te lehe na, mare ne giugiluni mana baludi mae ku'egna re, eghuteuna thinigna mana na neke boto ngala ka gluma na.

Fapea Pita 3:4

Eghuteuna mare ginauna cheke eghu ka ghotilo, “Tore, aheva si mae Jisas na ia? Mana neke nhaꞌa cheke mala ke pulo mei, nu au meu aheva eghu si mana gnea? Mae ku'edara lehe la gnafahi, nu gobigna lepo igre theome ke tughu funu ka narane teke vuavuhagna nauthoglu gne.”

Ululahu Korin 15:18

Eghume naikno khiloau tela lehehira jaola luvu kolho hi.

Mae Khuru 7:60

Mana ne tuturupuku soru ne eha eghu fabiꞌo, “Lord, thosei ke tughu fapulo ranghidi u nakhibo igne!” Ke leghugna te chekeni igne, mae Stivin na ne lehe.

Ululahu Tesalonika 4:15

Unha te chekedi ghehati gognaro igre nogna farirhiu thegna Lord. Tahati karha teu ka narane ke pulo meigna Lord na ginauna au balugna mana, nu theome thofno tei mala au balugna mana ke uludi iheire tela lehehi ra.

Ululahu Tesalonika 4:13

Kheraguro, ghehati magnahaghei ghami ghotilo te thofno lasedi iheire tela lehehi ra. Ghehati theome magnahaghei ghami ghotilo te diꞌanagnafa eidi iheire tela lehehi jateula naikno te diꞌanagnafa te theome fatutuani ni mae Jisas.

Ululahu Korin 15:20

Nu tutuani fara God neke fakarha fapuloni Kraes kau glehe. Eghuteuna igne kaisei fagaglana eigna God nate fakarha fapulodi naikno te gnafa teke fatutuani ni mana tela lehehira ginauna.