Ululahu Korin 15:43 - Buka Blahi Ka Cheke Holo

⁴³ Thini te giugilui tahati na diꞌa fara filogna na, nu thini te karha fapulo na famane fara filogna na. Thini te giugilui tahati na glaꞌe fara, nu thini te karha fapulo na nheta fara.

Ululahu Korin 15:43 ပူးပေါင်းရင်းမြစ်များ

Kolose 3:4

Thofno nakarhada na jifla mei ka mae Kraes. Eghuteuna kate ke pulo meigna na, mana ginauna hata ghami ghotilo mala au balugna kligna, eghuteuna mana na fafnakno ghami ghotilo jare.

Filipae 3:10

Eghume unha te magnahagheni iara gognaro na, iara magnahaghei te lase fakelini mae Kraes nei u nolaghi teke karha fapulo mana kau glehe ia. Iara magnahaghei jateula mana eghu narane teke au papara nei lehe teku mana.

Fapea Korin 13:4

Tutuani mana neke nigra ka teke tupijuruni mare ke kligna gaju fafatha na, nu gognaro na mana karha ka nogna nolaghi God. Tutuani ghehati nogna mae gloku Kraes gre jaola nigra. Nu ghehati karha balugna mana ka nogna nolaghi God. Eghuteuna ghehati ginauna ari jare mala fadogli ghami ghotilo ka nolaghi igne.

Profet Daniel 12:1

Mae tuna ne cheke eghu ka iara, “Ka narane igne, engel Maekol mae funeidi hatimare mae engel te mala reireghidi nou naikno iagho igre ginauna thakle mei. Ka narane igne puhi biꞌo ginauna thoke mei. Tifa na nafnata puhi biꞌo igne neke theome thokeni kaisei kantri ka nauthoglu igne. Kate thoke mei narane igne, God ginauna nake hata fapulo nogna naiknore, naugna nanghadire la auhi ka nogna buka na.

Fapea Korin 13:14

Iara toreni ka God nogna khokofakasai noda Lord Jisas Kraes, nei nogna namha God, nei nogna loku fodu mae Tharunga te Blahi mala au balumi ghotilo hui. Me gnafa. Iara, mae Pol.

Ululahu Korin 6:14

Tutuani, ka nogna nolaghi God neke fakarha fapuloni Lord Jisas kau glehe, eghuteuna God ginauna jaola fakarha fapulo ghita ka nogna nolaghi na.

Matiu 13:43

Aonu naikno te kelire ginauna siasigla jateula naprai eghu kate au mare ke lamnagna nogna nauthoglu majaghani Kmadi God. Uve, ghotilo naikno te fanomho ka iara igre, hiro fakeli gaoghathodi cheke igre.”

Nodi Khoje Hatimare Mae Jiu 102:23

Kani kate mae majaghanigu iara na, God na la kulu lilisei fakmoꞌeihi nakarhagu iara na, nei mana la faglaꞌe ghauhi iara eghu.

Thoutonu Eigna Mae Job 14:10

Nu kate glaꞌe soru te lehe naikno na, igne ngala leghu lahugna mana na.

Jone 8:49

Mae Jisas ne cheke eghu ka mare, “Theo, theo kaisei naitu te au ke lamnagu iara na. Iara ghatho tahuni mae Kmagu na, nu ghotilo cheke fadiꞌa ghau iara.