Ululahu Korin 15:4 - Buka Blahi Ka Cheke Holo

⁴ Eghuteuna mare neke giugiluni mana, eghuteuna God neke fakarha fapuloni mana ka fatilo narane na, jateula te chekeni teu ka grioriso te blahi ia.

Ululahu Korin 15:4 ပူးပေါင်းရင်းမြစ်များ

Profet Hosia 6:2

Katha vido kmoꞌei kolho mana ginauna tangomana na teke fakeli fapulo ghita na. Eghuteuna tahati ginauna nake au balugna mana fabrahu.

Matiu 12:40

Mae Jona neke au ka thi'agna sasa te biꞌo fara na thilo narane nei thilo bongi. Eghuteuna ginauna na jateula tuana eghu iara mae teke mei funu ka God na ginauna au ke lamna glose thilo narane nei thilo bongi eghu.

Profet Jona 1:17

Lord kuruni kaisei sasa biꞌo ne mei tomno soruni mae Jona, eghuteuna mana au lamna ka thiꞌagna sasa igne thilo narane nei thilo bongi.

Nodi Khoje Hatimare Mae Jiu 2:7

King na ne cheke eghu, “Gognarona iara na chekeni unha teke chekeni Lord ia. Mana neke cheke eghu ka iara, ‘Iagho mae thugu iara. Funu gognaro gne, iara mae kmamu iagho.

Hibru 13:20

Dadaragna noda Lord Jisas fufunu gna nhaꞌa cheke te theo ka huigna teke eni God ka nogna naiknore. God mae ihei te tusu mei ranghi ghita u nogna pharikeli na neke fakarha fapuloni mae Jisas, mae biꞌo mala reireghi sipu.

Letas Teke Riso Tei Mae Pol Ka Khiloau Rom 6:4

Ka apublahida na, tahati jateula te lehe eghu balugna mana nei giugilu ghitahi balugna mana. Eghuteuna ka igne tahati jaola tangomana teke karha fapulo jateula Kraes eghu e mala au ka nakarha majaghani, eigna God Kmada neke fakarha fapuloni mana ka nogna nolaghi te biꞌo na.

Luku 24:46

Mana ne cheke eghu ka mare, “Igne unha teke chekeni ka grioriso te blahi na, ‘Mae Kraes na mala lehe eghuteuna ka fatilo narane na mana nake kegra fapulo.’

Luku 24:26

Unha te chekeni mare na mae Kraes gne mala kulu au papara ka gobigna lepo igre ame hata nga nolaghi biꞌo te siasigla na eghu.”

Luku 9:22

Eghuteuna mana jaola ne cheke eghu ka mare, “Iara mae teke mei funu ka God na, mare ginauna para ghau fara iara. Ginauna hatimare mae pris ulu, nei hatimare mae velepuhigna vetula nogna mae Moses, nei mae biꞌodi hatimare mae Jiu langau eghu na tirodi ghau iara. Mare ginauna na eꞌei puhi mala falehe ghau iara. Nu ka fatilo narane na God nake fakarha fapulo ghau iara kau glehe.”

Kolose 2:12

Kate apublahi na ghotilo kaisei ka mae Kraes, jateula mare te giugilu ghami nei ke karha fapulo ka glehe balugna mana. Igne tutuani fara ka ghotilo naugna nomi fatutuani ka nogna nolaghi biꞌo God teke fakarha fapuloni mana ka glehe.

Mae Khuru 17:31

Naugna God la kulu vahinihi kaisei narane te mala fatedi naikno te gnafa ka nauthoglu igne. Mana ginauna fatedi ka puhi te doglo fara. Eghuteuna God jaola neke kulu vavahi kaisei mae te mala fatedi naikno te gnafare. Tahati te gnafa na kafe laseni igne naugna God neke fakarha fapuloni mae igne kau glehe.”

Mae Khuru 1:3

Ke leghugna teke lehe nei ke karha fapulo teku na, mae Jisas neke fatakleni thegna ranghidi mare ka kmana fagaglana tutuani leuleghu fata ke lamnadi phiatutu narane igre. Mare neke filo tathadi mae Jisas na, eghuteuna mana neke toutonu ka mare eigna nakarha te funei frunini God na.

Nonomho Te Keli Teke Risoi Mae Mak 9:31

Naugna mana neke farirhiudi nogna mae fanomhore ne cheke eghu ka mare, “Iara mae teke mei funu ka God gne ginauna mare na snakre lao ghau iara ka khamedi naiknore mala falehe ghau iara. Nu ka fatilo narane na iara ginauna nake kegra fapulo kau karha.”

Matiu 20:19

Mare ginauna snakre lao ghau iara ka khamedi hatimare mae te theome Jiu. Eghuteuna mae igre ginauna maꞌe ghau nei puri ghau ka phukri nei tupi juru ghau eghu iara kau gaju fafatha. Nu ka fatilo narane na, God nake fakarha fapulo ghau iara kau glehe.”

Matiu 16:21

Funu ka narane tuana te haghe na mae Jisas ne funu cheke eghu ka nogna mae fanomhore, “Iara na tei Jerusalem. Hatimare mae biꞌodi mae Jiu nei hatimare mae pris ulu nei hatimare mae velepuhigna vetula nogna mae Moses mare ginauna na para ghau nei eꞌei puhi mala falehe ghau iara. Eghuteuna ka fatilo narane na God nake fakarha fapulo ghau iara kau glehe.”

Ululahu Pita 1:11

Tharunga gna mae Kraes na neke au baludi mare. Eghuteuna mae Tharunga na neke chekeni eigna mae Kraes nate kulu au papara, eghuteuna ke leghugna igne God ginauna tusu ranghini mana siasigla balu nolaghi biꞌo. Hatimare mae profet neke fariuriu hironi faneha ba niha nau nate thokei mei glepo igne ginauna.

Jone 19:38

Ke leghugna igne, kaisei mae nanghagna na mae Josep, maegna Arimatea. Mana toreni mae Paelat mala atha thinigna mae Jisas na mala giugilu. Mae Josep gne kaisei mae leghuni mae Jisas, eghuteuna mana pophoruni thegna, naugna mana mhaghudi mae biꞌodi mae Jiu. Mae Paelat ne snakreni ka mana thinigna mae Jisas na mala atha fadelei.

Nodi Khoje Hatimare Mae Jiu 16:8

Leuleghu fata na iara laseni te au teu God balugu na. Mana au rhegui iara, eghume theome tangomana kaisei glepo nate mei goigoni ghau iara na.