Ululahu Korin 15:35 - Buka Blahi Ka Cheke Holo

³⁵ Nu keha naikno jame ghusna eghu, “Faꞌunha eghu ke karha fapulo si naikno tela lehehi grea? Unha nafnata thini si nate hata mare na ia?”

Ululahu Korin 15:35 ပူးပေါင်းရင်းမြစ်များ

Profet Esikiel 37:3

Eghuteuna mana ne ghusna eghu ka iara, “Maegna ka nauthoglu. Ba, nhubra igre tangomana na teke karha fapulo na ba theo?” Iara ne cheke eghu ka mana, “Lord God, iagho themu kolho te lasedire.”

Letas Teke Riso Tei Mae Pol Ka Khiloau Rom 9:19

Glahula ghusna eghu ghotilo ka iara, “Jame te eghu na, ne faꞌunha si God te fate falehedi naikno eidi nakhibodi grea? Naugna kate tapla jafra ka nakhibodi gre, mare neke eni kolho unha God te magnahagheni na.”

Filipae 3:21

Eghuteuna mana ginauna tughu thinida tahati te diꞌa gre mala jateula thinigna thegna te au kligna na eghu. Mana tangomana te eni igne naugna mana au nolaghi te biꞌo. Eghuteuna ka nolaghi te biꞌo tuana mana ginauna funei frunidi gobigna lepo te au ka nauthoglu igne.

Jone 9:10

Hatimare ne ghusna eghu ka mana, “Ne faꞌunha neke keli fapulo sagho phei tathamu teke dofu ra?”

Jone 3:9

Mae Nikodimas ne ghusna eghu ka mana, “Faꞌunha eghu tangomana si ignea?”

Jone 3:4

Mae Nikodimas neke ghusna eghu ka mana, “Nu jame kaisei mae tela khomabrohi na, faꞌunha eghu ke karha si mana gnea? Naikno na theome tangomana teke fapea rumai ka thi'a idogna na mala teke karha majaghani na.”

Profet Esikiel 37:11

Lord neke cheke eghu ka iara, “Maegna ka nauthoglu. Naiknodi Israel igre jateula nhubra te thono mojadi ra eghu. Mare cheke eghu, ‘Ghehati gne theome tangomana te au fakeli na naugna ghehati gne jateula tela lehehi ra eghu. Gaoghathomi re glaꞌe fara naugna kantri igne la diꞌa fara.’

Eklesiasti 11:5

Iagho theome laseni faꞌunha ne karha nga neu sua na lamna ka thiꞌagna idogna na teuna. Jateula tuana eghu iagho theome laseni nogna gloku God na, mae ihei teke vuavuhadi gobigna lepore.

Nodi Khoje Hatimare Mae Jiu 73:11

Naikno te diꞌare ne cheke eghu, “God na theome tangomana te lasedi glepo te edi ghehati gre. God na au kligna fara, mana theo kaisei nabrou te mala mei te hirodi puhimi ghehatire.”

Thoutonu Eigna Mae Job 22:13

Nu iagho cheke eghu, ‘God na theome lasedi gobigna lepo igre. Khoveo te romno igre toku tafruni mana, eghume mana theome tangomana te fate ghita na.

Thoutonu Eigna Mae Job 11:12

Naikno te theo kaisei glalase ka phaꞌugna na, mana theome tangomana te leghuni puhi te lalase na. Kaisei nanaba ka puhigna dongki te theome tangomana te karha thugna naikno!