Ululahu Korin 15:34 - Buka Blahi Ka Cheke Holo

³⁴ Ghotilo mala ke funu ghaoghatho fakeli, eghuteuna ghotilo mala thosei ke edi puhi te diꞌare. Keha ka ghotilo, mare theome laseni God, eghuteuna iara chekeni igne mala mamaja ghotilo.

Ululahu Korin 15:34 ပူးပေါင်းရင်းမြစ်များ

Ululahu Korin 6:5

Tore, ghotilo theome mamaja nomi sia?! Naugna te laseni iara na, jare ke lamnami ghotilo na au keha mae glalase tangomana te fadoglidi magra te edi farihoteimi ghotilo naikno khiloau are.

Letas Teke Riso Tei Mae Pol Ka Khiloau Rom 13:11

Iara chekeni ka ghotilo eigna nabrou te doglo te mala karha na, naugna ghotilo laseni tahati gognaro na au ka narane te ulu tulao. Uve, gognaro na thokeni narane te mala dofra fakeli tahati na jateula iheire te theome thuru. Naugna gognaro na la namo fara te mala mei God te mala fakarhi ghita na, uluni narane teke funu fatutuani tahati ia.

Profet Joel 1:5

Ghotilo mae te koꞌu te thaviru ra, ghotilo dofra mala tanhi. Ghotilo mae te lase koꞌu waen ra, ghotilo mala jaola mala tanhi, naugna grep te mala eꞌei waen majaghani ghotilora la gnafahi.

Ululahu Korin 8:7

Nu neuba ngau, keha naiknore theome kafe lase fakelini mumuju na, eigna mumuju na theome god tutuani. Naugna kate ima gano teke fafara ka mumuju na, mare ghaoghathodi na jateula te fafaradi thedi eghu ka nodi mumuju mae bongihehe tifa ra. Gaoghathodire theome heta kolho, eghuteuna gano teke fafara ka mumuju igne fathonadi kolho mare.

Letas Teke Riso Tei Mae Pol Ka Khiloau Rom 1:28

Naugna mare theome magnahaghei te ghatho tahuni God na, aonu God ne lisa laodi mala leghudi kolho mare gaoghathodi te diꞌare. Eghuteuna ka puhi igne mare ne edi glepo te theome naba te mala edi naiknore.

Jone 8:11

Naꞌa ne cheke eghu ka mana, “Funei, theo kaisei ka reꞌe.” Mae Jisas ne cheke eghu ka naꞌa, “Iara theome tangomana la te fate nigho na. Jifla tei sagho nu thosei ke eni kaisei najafra eghu!”

Jone 5:14

Kaisei fata ke leghugna igne, mae Jisas neke filoni mae igne ka Sugablahi na. Mae Jisas ne cheke eghu ka mana, “Filo sagho, iagho gognaro na kela kelihi. Eghume iagho gognaro na thosei ke eni kaisei glepo te diꞌa, na eghunu ke thoke nigho iagho kaisei glepo ke diꞌagna ignei eghu.”

Profet Jona 1:6

Kate filoni mana na, kapten ne cheke eghu fabiꞌo ka mana, “Sei! Thuru unha sagho ia? Dofra, tarai balu eha fabiꞌo ka nou god na! Glahu kokhoni ghita mana, eghuteuna tahati ginauna theome lehe.”

Ululahu Tesalonika 4:5

Thosei lisa lao thinimi are ka gnognoro jateula naikno te theome laseni God ra eghu.

Nodi Khoje Hatimare Mae Jiu 119:11

Iara gaoghathodi fabrahu nou cheke iagho te tutuani fara ra, mala theome eni iara kaisei najafra ranghi nigho iara.

Nodi Khoje Hatimare Mae Jiu 4:4

Ghotilo mala mhaghuni God, eghuteuna lilisei puhimi te diꞌa re. Kate thuru na, ghotilo mala ghatho fakelini u cheke igne, nei au kmu eghu.

Profet Jeremaea 9:3

Igne chekegna Lord: “Leuleghu fata na naikno igre jateula mae soldia te tarabana phaloho te mala fada falehe naikno ra eghu. Eghuteuna mare snakredi glapidire mala cheke chaichaghi jateula jata eghu. Naiknogna kantri igne theome cheke kate tutuani. Thono theo fara. Mare edi nafnata puhi te thono diꞌa fara igre, eghume mare theome tangomana te fatutuani ghau iara nodi God.

Matiu 22:29

Mae Jisas ne cheke eghu ka mare, “Ghotilo thono jafra fara! Naugna ghotilo theome lasedi gaoghathodi grioriso te blahi igre, nei ghotilo theome laseni la nogna nolaghi God na.

Mae Khuru 26:8

Naugna unha si keha ka ghotilo te theome tangomana ghami te fatutuani ni God te fakarha fapulo naikno ka glehe gnea?

Ululahu Korin 4:14

Iara riso ari ka ghotilo cheke igre theome mala famamaja ghami ghotilo. Theo. Iara namha ghami ghotilo jateula thofno thugu eghu, nu iara magnahaghei te fadoglidi kolho gaoghathomi ghotilo re.