Ululahu Korin 15:23 - Buka Blahi Ka Cheke Holo

²³ Nu naikno te gnafare ginauna karha fapulo kate thoke mei nogna narane na. Kraes na neke kulu karha fapulo ka naikno te gnafare. Eghuteuna kate pulo mei Kraes na, nogna naikno mana re ginauna jaola karha fapulo.

Ululahu Korin 15:23 ပူးပေါင်းရင်းမြစ်များ

Galesia 3:29

Ghotilo nogna Kraes, eghume ghotilo jaola goro thugna mae Ebraham. Eghuteuna ghotilo ginauna na hata unha teke nhaꞌa chekeni God ka mae Ebraham tifa ia.

Profet Isaia 26:19

Ghotilo nogu naikno iara ra! Kherada teke lehehi tifa ra, ginauna nake karha fapulo kau glehe. Ghotilo iheire te thuru lamna beku ra, ghotilo ginauna dofra haghe glealeꞌa. Jateula nakhete bongiro te soru mei teke pila nei majaghani fapulo teu glosera eghu, jateula tuana eghu Lord ginauna nake fakarhidi iheire teke lehehi ra.

Ululahu Korin 15:20

Nu tutuani fara God neke fakarha fapuloni Kraes kau glehe. Eghuteuna igne kaisei fagaglana eigna God nate fakarha fapulodi naikno te gnafa teke fatutuani ni mana tela lehehira ginauna.

Fapea Korin 10:7

Ghotilo mala filoni unha te ulu! Ihei te chekeni ne nogna Kraes teuna, mana mala ke ghaoghathoni, eigna ghehati jateula mana eghu nogna Kraes.

Ululahu Tesalonika 2:19

Eigna ghotilo nomi grouronu, nomi gleale'a, nei nomi nafnakno. Uve, naugna eimi ghotilo, ghehati thofno gleale'a fara kate kegra fodu balugna Lord Jisas Kraes kate pulo mei mana na.

Galesia 5:24

Naikno te leghuni mae Jisas Kraes re mare neke tupijuruni hi puhi te diꞌa fateo te magnahagheni naiknogna nauthoglu gne baludi gaoghatho te diꞌa fateo te magnahaghei eni unha te diꞌa.

Ululahu Korin 3:23

Eghuteuna ghotilo nogna Kraes, eghuteuna Kraes na nogna God.

Matiu 16:27

Tutuani fara, iara mae teke mei funu ka God na ginauna nake pulo mei ka nauthoglu igne balu nogna nolaghi biꞌo mae Mama. Eghuteuna, nogna engel mae Mama re ginauna mei balugu iara. Ka narane tuana iara ginauna tabadi naiknore eidi unha gloku teke edi mare.

Matiu 16:28

“Tutuani fara te chekeni iara ka ghotilo na. Keha mae ka ghotilo au teu balugu iara gognaro igre, mare ginauna na theome leheu ghilei filo ghau iara mae teke mei funu ka God nate mei te mala funei frunidi nogu naiknore.”

Mae Khuru 26:23

Hatimare neke cheke eghu, ‘Mae Kraes gne mare ginauna na faleheni mana, eghuteuna mae igne ngala nate kulu karha fapulo ka glehe na. Ka puhi igne mana ginauna na hata mei naphaegna God ka mae Jiu nei iheire te theome Jiu.’ ”

Ululahu Korin 6:14

Tutuani, ka nogna nolaghi God neke fakarha fapuloni Lord Jisas kau glehe, eghuteuna God ginauna jaola fakarha fapulo ghita ka nogna nolaghi na.

Filipae 3:11

Eghuteuna leghu lahu na iara magnahaghei te karha fapulo ka glehe jateula mana eghu.

Thakle 1:5

Eghuteuna khokofakasai nei pharikeli teu igre jaola mei funu ka mae Jisas Kraes mae ihei teke toutonuni chekegna God na ka thofno puhi te tutuani fabrahu tifa tifa. Mae ihei teke kulu karha fapulo kau glehe, nei au nolaghi ke klignadi hatimare mae king te gnafa ka nauthoglu igne. Mana namha ghita fara, nei lehe jateula kaisei fafara mala foli fajifla ghita gnafa ka nakhibo.