Ululahu Korin 15:19 - Buka Blahi Ka Cheke Holo

¹⁹ Jame noda grouronu ka Kraes na malagna nauthoglu igne kolho meuna, tore kokhoni ghita fara ke uludi naikno te gnafare.

Ululahu Korin 15:19 ပူးပေါင်းရင်းမြစ်များ

Thakle 14:13

Aonu iara ne nomhini kaisei cheke ne cheke eghu funu kligna, “Iagho rioriso soru cheke igre. ‘Funu gognaro, naikno teke falelehe mare eigna nodi fatutuani ka Lord na ginauna gleale'a fara.’ ” Tharunga te Blahi na ne cheke eghu, “Uve, tuana tutuani fara! Mare ginauna gnafa nodi ka gloku te biꞌora naugna tabagna unha teke eni mare na ginauna au fabrahu baludi.”

Ululahu Pita 1:21

Naugna igne, ghotilo fatutuani ni God mae ihei teke fakegra fapuloni mae Kraes ka glehe nei tusu ranghini nafnakno biꞌo. Eghume gognaro na nomi fatutuani nei grouronu teu ghotilo na biꞌo fara ka God.

Fapea Timoti 1:12

Eghuteuna gognaro na iara au papara naugna iara ne toutonu eigna u Nonomho te Keli gne. Nu iara theome mamaja naugna iara laseni mae Jisas, mae ihei iara te fatutuani nihi. Iara laseni fara igne, mana tangomana te taji fakelini nogu gloku iara te mala toutonuni Nonomho te Keli igne ghilei thoke mei narane leghu lahu na.

Mae Khuru 14:22

Phiamare ne toutonu ranghidi naikno khiloaudi thilo namono tuare mala rhetau nodi fatutuani na. Mae Pol ghe mae Banabas ne cheke eghu, “Ghotilo hetau ngala nomi fatutuani na ka mae Jisas. Naugna tahati naikno te leghuni mae Jisas gre mala ruma ke lamnadi thuagna naꞌau papara gre ame tangomana nga tahati te hatini u thofno karha te funei frunini God na eghu.”

Fapea Timoti 3:12

Uve, mae ihei te magnahaghei thofno leghuni mae Jisas Kraes te mala nogna mae gloku keli mana na, naiknore ginauna parani mana.

Jone 16:33

“Iara chekedi glepo igre ka ghotilo mala au ghotilo ka pharikeli balugu iara. Tutuani fara, kate au teu ghotilo ka nauthoglu igne naiknore ginauna para ghami fara ghotilo. Nu thosei mhaghu ghotilo eghu, naugna iara la tapla sorunihi mae funei te batu fadiꞌadi naiknore te edi fabrahu puhi te diꞌa igre.”

Luku 21:34

“Fiofilo ghami ghotilo ia! Na eghunu ima ghemi kolho, koꞌu ghemi kolho, ba nangani kolho eghu ghotilo glepo gna nauthoglu igne. Naugna jame te eghu ghotilo na, ghotilo ginauna theome tangomana te ghaoghatho fadoglo eigna thofno nakarha na. Eghuteuna narane leghu lahu na ginauna megei nga mei kate theome tarabana teu ghotilo na.

Ululahu Tesalonika 1:3

Ghehati cheke fakelini God Kmada eidi gloku te keli teke edi ghotilo naugna nomi fatutuani nei namha. Ghehati jaola cheke fakelini God eigna ghotilo te kegra maku fabrahu ka nomi grouronu ka noda Lord Jisas Kraes.

Luku 8:14

Eghuteuna sisi te soru farihoteidi glathi gnarho te fachuchuru igre, eidi iheire te nomhini cheke na nu nanga nodi fara eidi kmana nafnata glepo. Mare namha dila dedei gna nauthoglu igne ba glepo te keli kau nakarha igne kolho. Aonu cheke igne ginauna theome kotu fakeli nei au kaisei sisi ikoi eghu kolho.

Matiu 24:9

“Aonu naiknore ginauna loki ghami ghotilo mala hata tei ghami ka fate. Mare ginauna para ghami nei falehe ghami eghu ghotilo. Eghuteuna naikno ka namono te kmana ke lamnagna nauthoglu igne ginauna tirodi ghami ghotilo naugna ghotilo ne fatutuani ghau iara.

Eklesiasti 6:11

Fapholai te edi tahati igre theo nafudi kolho, eghuteuna theo kaisei glepo te keli nate jifla mei ka faripholai te edi tahati igre.

Fapea Timoti 2:4

Jame kaisei mae soldia magnahagheni nogna mae funei te gleale'a ka nogna gloku na, mana theome tangomana te leghudi nogna puhi thegna re.

Jone 16:2

Naiknore ginauna faꞌau kosi ghami ghotilo ka nodi suga tharai are. Uve, narane na mei, mare ginauna falehe ghami ghotilo. Eghuteuna mare gaoghathodire ne enihi unha te magnahagheni God na eghu.

Nodi Khoje Hatimare Mae Jiu 17:14

God, fakarhi ghau ka khamedi mae iheire te ghathodi kolho nakarhagna nauthoglu igne. Paradi fara sagho eidi unha glepo te diꞌa teke edi mare ra. Fapuhidi thudi mare gognaro gre nei gradi mare nate karha mei thogheiro.

Eklesiasti 9:9

Neuba nakarha igne ne theo nafugna ka gaoghathomu iagho na, God neke tusu ari ka iagho. Eghume leuleghu narane na, iagho mala gleꞌani nakarha igne balugna khetomu te namhani fara iagho na. Fablahi igne te mala eni iagho ka nakarha te theo nafugna ka gaoghathomu iagho na, nei ka gloku biꞌo te edi iagho ka nauthoglu igne.