Ululahu Korin 15:17 - Buka Blahi Ka Cheke Holo

¹⁷ Jame te theome karha fapulo Kraes kau glehe na, nomi fatutuani ghotilo ka Kraes na theome tutuani. Eghuteuna God na jaola theome hata fadeleidi kolho nakhibomi ghotilo re.

Ululahu Korin 15:17 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 4:25

God neke snakreni noda Lord Jisas mala lehe eidi nakhiboda. Eghuteuna God fakarha fapuloni mana kau glehe mala tangomana tahati te au doglo ka tathagna God na.

Ululahu Pita 1:3

Cheke fakelini God Kmagna noda Lord Jisas Kraes! Eigna ka nogna kokhoni ghita te biꞌo fara, mana neke tusu ranghi ghita u nolaghi te mala teke karha majaghani na. Eghume gognaro na tahati au noda grouronu eigna thofno nakarha na, naugna mae Kraes neke karha fapulo kau glehe.

Ululahu Korin 15:14

Eghuteuna jame teke theome karha fapulo Kraes kau glehe na, unha te toutonuni ghehati ka ghotilo na theo nafugna kolho, eghuteuna ghotilo theome tangomana te fatutuani ni na.

Ululahu Pita 1:21

Naugna igne, ghotilo fatutuani ni God mae ihei teke fakegra fapuloni mae Kraes ka glehe nei tusu ranghini nafnakno biꞌo. Eghume gognaro na nomi fatutuani nei grouronu teu ghotilo na biꞌo fara ka God.

Letas Teke Riso Tei Mae Pol Ka Khiloau Rom 5:10

Ulu lahu na tahati neke jateula nogna naoka God neku. Nu ka glehegna Thugna na, God neke togho ghita mala kheragna thegna. Eghume, naugna gognaro na tahati la kheragnahi God, tahati thofno laseni God na ginauna fakarha ghita, naugna Kraes te karha gognaro gne.

Ululahu Korin 15:2

Eghuteuna God ginauna fakarhi ghami ghotilo ka Nonomho te Keli igne. Nu ghotilo mala loku famaku ka cheke teke toutonu ranghi ghami iara igne, na eghunu fiti fatutuani kolho ghotilo eghu.

Mae Khuru 5:31

Eghuteuna God neke hata hagheni mana mala gnokro fei nhetagna kau sape nafnakno mala funei fruni ghita nei mala fakarhi ghita. Mana neke eni igne mala tangomana naikno Israel gre te tughu nagnafa nei nakarha nei koko nakhibo.

Profet Esikiel 33:10

Lord ne cheke eghu ka iara, “Maegna ka nauthoglu. Iagho mala cheke eghu ka naiknodi Israel, ‘Iagho cheke eghu: Faꞌunha eghu ginauna ame karha nga ghehati? Puhimi ghehati te diꞌa gre jateula kaisei glepo tahu te pala teu ghehati ra eghu. Ghehati thofno glaꞌe soru ka nakhibomi gre.’