Ululahu Korin 15:15 - Buka Blahi Ka Cheke Holo

^15-16 Eghuteuna keha glepo na teuna ghehati jame jaola chaghi kolho eigna God, kate chekeni ghehati God neke fakarha fapuloni Kraes ka glehe teuna. Naugna ghehati thofno toutonu eigna mana teke fakarha fapuloni kau glehe na. Eghume jame te theome karha fapulo naiknore ka glehe na, faꞌunha eghu tangomana God teke fakarha fapuloni Kraes kau glehe?!

Ululahu Korin 15:15 ပူးပေါင်းရင်းမြစ်များ

Mae Khuru 2:24

Nu God ne hata fajiflani mana ka nolaghi te mala lehe na, eghuteuna ke fakarha fapuloni kau glehe. Naugna glehe na theo kaisei nogna nolaghi te mala loku famakuni mana na.

Ululahu Korin 15:13

Jame te theome tangomana teke karha fapulo naikno teke lehehira na, God na jaola neke theome fakarha fapuloni kolho Kraes kau glehe.

Ululahu Korin 15:20

Nu tutuani fara God neke fakarha fapuloni Kraes kau glehe. Eghuteuna igne kaisei fagaglana eigna God nate fakarha fapulodi naikno te gnafa teke fatutuani ni mana tela lehehira ginauna.

Mae Khuru 4:33

Balu nolaghi te biꞌo mae khurure ne toutonuni ka naiknore karha fapulogna mae Jisas Kraes. Eghuteuna God ne kafe fablahidi fara mare ne hui.

Mae Khuru 4:10

Uve, iara magnahaghei te cheke ka ghotilo goro mae biꞌo ra, nei ka ghotilo naikno te gnafa agne Israel. Mae te kegra ke ulumi ghotilo igne mana neke keli fapulo ka nanghagna mae Jisas Kraes, mae gna Nasaret. Mae ihei teke tupijuruni ghotilo kau gaju fafatha, nu God neke fakarha fapuloni mana.

Mae Khuru 2:32

Tutuani, God neke fakarha fapuloni mae Jisas kau glehe, eghuteuna ghehati te hui na la thofno filonihi ka tathamire.

Eksodas 23:3

Kate kilo ghami mare te mala toutonu eigna kaisei mae te kuma ka fate na, ghotilo thosei ne mae kuma mana eghu toghoni mae te kuma igne.

Mae Khuru 20:21

Iara neke orio cheke faheta ranghidi mae Jiu ba mae Griki mala lilisei mare puhidi te diꞌare mala figri ka God nei mala fatutuani ni noda Lord Jisas.