Ululahu Korin 15:13 - Buka Blahi Ka Cheke Holo

¹³ Jame te theome tangomana teke karha fapulo naikno teke lehehira na, God na jaola neke theome fakarha fapuloni kolho Kraes kau glehe.

Ululahu Korin 15:13 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 8:11

God neke fakarha fapuloni mae Jisas Kraes kau glehe. Eghuteuna naugna te au Tharunga gna God na ke lamnami ghotilo, God ginauna jaola tusu ari karha na ka thinimi te lehere. Eghuteuna mae ihei teke fakarhini mae Kraes igne, mana ginauna tusu ari karha igne ka Tharunga te Blahi te au ke lamnami ghotilo re.

Ululahu Tesalonika 4:14

Tahati fatutuani ni mae Jisas neke lehe eghuteuna ke karha fapulo. Eghume, tahati jaola fatutuani narane ke pulo meigna mae Jisas, God ginauna hata fodu balugna mae Jisas naikno khiloau teke lehe ra.

Thakle 1:18

Iara mae ihei te karha tifa te tifa. Tutuani! Tifa na iara neke lehehi, nu gognaro na iara kela karha fapulo mala au fabrahu tifa tifa. Iara au nolaghi te mala cheke ranghini ihei te mala au ka glehe nei ihei te mala au ka karha na. Iara jaola au nolaghi te mala cheke ranghini ihei nate tei Hades ka namonodi naikno tela lehehira.

Ululahu Pita 1:3

Cheke fakelini God Kmagna noda Lord Jisas Kraes! Eigna ka nogna kokhoni ghita te biꞌo fara, mana neke tusu ranghi ghita u nolaghi te mala teke karha majaghani na. Eghume gognaro na tahati au noda grouronu eigna thofno nakarha na, naugna mae Kraes neke karha fapulo kau glehe.

Hibru 13:20

Dadaragna noda Lord Jisas fufunu gna nhaꞌa cheke te theo ka huigna teke eni God ka nogna naiknore. God mae ihei te tusu mei ranghi ghita u nogna pharikeli na neke fakarha fapuloni mae Jisas, mae biꞌo mala reireghi sipu.

Hibru 2:14

Naugna tahati naikno kolho, mae Jisas karha mei neke hata thinida mala jateula tahati. Mana neke eni igne, mala ka glehegna na mana tangomana te tapla soruni mae Satan, mae ihei te au nogna nolaghi te mala faleheni naikno na.

Fapea Timoti 4:8

Eghuteuna gognaro na u taba te mala uluni iara na la kulu auhi. Uve, ka narane leghu lahu na Lord mae ihei te tangomana te mala fatedi naiknore ka puhi te doglo na, mana ginauna cheke eghu ka iara, “Iagho kaisei mae te doglo ke ulugu iara. Igne nou taba iagho na.” Eghuteuna mana ginauna na theome eni igne ka iara kolho, nu jaola ranghidi naikno te gnafa te ofoni teu ke pulo meigna mana na.

Ululahu Korin 15:20

Nu tutuani fara God neke fakarha fapuloni Kraes kau glehe. Eghuteuna igne kaisei fagaglana eigna God nate fakarha fapulodi naikno te gnafa teke fatutuani ni mana tela lehehira ginauna.

Letas Teke Riso Tei Mae Pol Ka Khiloau Rom 8:23

Nu theome glepo tuare kolho te tanhi eghu na. Tahati theda, eigna God neke tusu mei Tharunga te Blahi na ka tahati jateula kaisei nhaꞌa cheke glepo keli na mei ke leghu. Tutuani, tahati jaola eha ke lamnada balu kabru. Naugna tahati ofoni God fabrahu mala fasnagladi thinidare nei tusu ranghi ghita u thini majaghani, mala tangomana tahati te thofno thugna mana na.

Mae Khuru 23:8

Mae Sadiusi gre te fatutuani ni na, ke leghugna glehe na naiknore theome tangomana teke karha fapulo na, nei jare na theo la kaisei engel ba kaisei tharunga. Nu mae Farasi gre mare kafe fatutuanidi thilo glepo igre.

Ululahu Korin 15:12

Leuleghu fata na ghehati toutonuni eigna God te fakarha fapuloni Kraes kau glehe. Eghume, naugna unha si keha naikno ka ghotilo te cheke eghu, “Naikno tela lelehira theome tangomana te karha fapulo na” teu gnea?

Ululahu Korin 15:14

Eghuteuna jame teke theome karha fapulo Kraes kau glehe na, unha te toutonuni ghehati ka ghotilo na theo nafugna kolho, eghuteuna ghotilo theome tangomana te fatutuani ni na.