Ululahu Korin 15:10 - Buka Blahi Ka Cheke Holo

¹⁰ Nu ka nogna khokofakasai God iara theome fiti au gognaro na. Theo. Nogna khokofakasai na togho ghau iara te mala nogna mae gloku God. Naugna iara loku heta fara ke uludi keha mae khurure, nu theome nogu gloku iara thegu. Nogna khokofakasai God te au balugu iara na mala togho ghau iara.

Ululahu Korin 15:10 ပူးပေါင်းရင်းမြစ်များ

Filipae 4:13

Iara tangomana te edi glepo igre, naugna mae Kraes mae ihei te au nolaghi na te togho ghau iara na.

Fapea Korin 3:5

Tutuani, ghehati theo kaisei nomi nolaghi themi te mala chekeni ghehati nabami si te mala eni gloku igne teuna. Nu God ngala te fatangomana ghami ghehati te mala eni gloku igne na.

Filipae 2:13

God na loku balumi ghotilo nei togho ghami ghotilo eghu naugna mana magnahaghei te edi ghotilo unha te magnahaghedi thegna re.

Galesia 2:8

Naugna God neke vahini mae Pita mala mae khuru mala loku ka mae Jiu. Eghuteuna mana vahi ghau iara mala mae khuru mala loku ka iheire te theome Jiu.

Letas Teke Riso Tei Mae Pol Ka Khiloau Rom 12:3

Naugna khokofakasai teke tusu mei God ka iara na nate chekeni iara ka ghotilo te gnafa na, thosei ghatho tahu ghami themi fara. Nu ghatho ghami themi ka puhi te nabami ghotilo leghuni nomi fatutuani teke tusu ranghi ghami God.

Fapea Korin 12:11

Iara cheke jateula kaisei mae te fameomekro eghu, nu ghotilo huhuru ghau iara mala eni igne. Nabami ghotilo te mala chekedi nogu gloku te keli te edi iara gre. Iara laseni te fiti mae kolho iara na, neuba, iara theome au ke paridi mae iheire te kilodi ghotilo “Hatimare mae khuru keli fara.”

Fapea Korin 6:1

Ghehati kafe orio loku balugna God, eghume ghehati thofno tore ghami ghotilo mala ghatho tahuni u khokofakasai teke hata ghotilo ka God igne. Thosei lisa lao khokofakasai igne mala theo nafugna.

Ululahu Korin 4:7

Ba ihei te chekeni te doglo ghotilo ke uludi keha naiknore? Tutuani, glepo te khotodi ghotilo gre God ngala teke tusu ari ka ghotilo na! Eghume, ghotilo theo nafumi te mala cheke fahaehaghe fara eidi glepo igre.

Ululahu Korin 15:2

Eghuteuna God ginauna fakarhi ghami ghotilo ka Nonomho te Keli igne. Nu ghotilo mala loku famaku ka cheke teke toutonu ranghi ghami iara igne, na eghunu fiti fatutuani kolho ghotilo eghu.

Letas Teke Riso Tei Mae Pol Ka Khiloau Rom 11:1

Eghume iara nake fapea ghusnai. Ba, God na susukudi nogna naikno thegna re sia? Theo! Iara gne kaisei maegu Israel, eigna iara neke karha mei ka vikegna mae Ebraham nei ka vikegna mae Benjamin.

Matiu 10:20

Cheke te mala chekedi ghotilo re theome nomi ghotilo themi, nu nogna Tharunga te Blahi teke mei funu ka Kmami te au kligna na nate cheke ka nagnafami ghotilo re. Nu cheke tuare ngala te mala chekedi ghotilo re.

Ululahu Korin 3:6

Kate farirhiu ghami ghotilo na, iara jateula kaisei mae mala joꞌu sisi ka nagare eghu kolho, eghuteuna mae Apolosi na jateula kaisei mae mala toatofa khoꞌu eghu kolho, nu God thegna kolho te mala fakotu haghedire.

Ululahu Korin 3:10

God neke tusu ranghi ghau iara khokofakasai te mala babana suga na. Iara lilisei kmana thina mala famamhakugna suga tuana jateula kaisei mae te lase horo suga fara eghu. Keha mae re gognaro na mala babana ke klignadi thina tuare. Nu te chekeni iara ka ghotilo na, mae te gnafare filo fakelini babana gna na!

Ululahu Korin 15:11

Eghume, neuba iara ba keha mae khurure ne toutonu ka ghotilo, ghehati te gnafa na toutonuni kaisei glepo ngala. Tutuani, u Nonomho te Keli te toutonuni ghehati igne unha te fatutuani ghotilo na.

Ululahu Tesalonika 5:12

Uve kheraguro, ghehati gognaro na tore ghami ghotilo mala ghatho tahudi naikno te loku heta balumi ghotilo, iheire God teke vahidi mala reireghi ghami nei farirhiu ghami eigna nakarhagna khiloau na.

Ululahu Timoti 4:10

Eigna igne tahati loku heta, naugna tahati thofno fatutuani ni God mae ihei tangomana te fakarhadi naikno fateote'o. Eghuteuna mana ginauna kafe fakarha ghita gnafa, tulao iheire te fatutuani ni mana.

Matiu 25:16

Aonu mae gloku teke hata glima duku sileni igne ghosei ne tei loku ne tangomana teke horo haghe keha glimai.