Ululahu Korin 14:4 - Buka Blahi Ka Cheke Holo

⁴ Ihei te chekeni chekegna God ka soasopai nafnata chekei na, mana tangomana te mala toghoni kolho nogna fatutuani thegna na, nu ihei te toutonuni chekegna God na, mana tangomana te toghodi nodi fatutuani naikno te gnafa ka khiloau na.

Ululahu Korin 14:4 ပူးပေါင်းရင်းမြစ်များ

Ululahu Korin 14:22

Eghume nafnata nolaghi te mala chekeni chekegna God ka keha nafnata chekei igne, kaisei fagaglana gna nogna nolaghi God maladi iheire te theome fatutuani nga teu, theome maladi iheire te fatutuanihi. Nu nafnata nolaghi te mala toutonuni chekegna God igne, kaisei fagaglana gna nogna nolaghi God maladi iheire te fatutuani, theome maladi iheire te theome fatutuani nga teu.

Ululahu Korin 14:26

Kheraguro, igne unha te ghathoni iara na. Kate khapru ghotilo te mala tarai na, ghotilo te gnafa na mala kafe totogho. Kaisei naikno mala koje, eghuteuna keha na mala farirhiu, eghuteuna keha na mala chekeni unha teke falalase God tagna na, eghuteuna keha na mala chekeni chekegna God ka soasopai nafnata chekei, eghuteuna keha na mala rurutha gaoghathogna cheke tuana. Gloku te gnafa igre mala toghoni nodi fatutuani naikno te gnafare.

Nonomho Te Keli Teke Risoi Mae Mak 16:17

Eghuteuna iheire te fatutuanire, God ginauna tusu ranghidi nolaghi, mala tangomana mare ei kofubobhoi. Mare ginauna tangomana te brue naitu ka nanghagu iara. Eghuteuna mare ginauna cheke ka keha nafnata cheke majaghani teke theome laseni mare tifa na.

Ululahu Korin 14:12

Ghotilo jateula tuana eghu, eigna ghotilo magnahaghedi fara keha nogna nafnata khokofakasai Tharunga te Blahi na. Eghume hati nhetami na mala hata nolaghi te mala toghoni nodi fatutuani naikno te gnafa ka khiloau gne.

Ululahu Korin 14:5

Tutuani, iara magnahaghe ghami ghotilo hui te hata nolaghi te mala cheke ka soasopai nafnata cheke, ke tulaoi, nolaghi te mala toutonuni chekegna God na. Nu jame kaisei mae ka khiloau na au jare mala rurutha gaoghathodi cheke igre ka soasopai nafnata cheke, mana toghoni naikno khiloau na jateula mae mala toutonuni eghu chekegna God na.

Ululahu Korin 14:3

Nu ihei te toutonuni chekegna God na, mana ne cheke ka naiknore. Mana toghodi naiknore mala nheta nodi fatutuani na ka Lord balu fabrabrana nei fameomego.

Ululahu Korin 13:2

Eghuteuna, neuba iara ne tangomana te toutonuni chekegna God na jateula mae profet, ba lasedi fara gobigna lepo ka nauthoglu gne ba gobigna lepo te poru, ba au nogu fatutuani biꞌo te mala fathughadi thogelere, nu jame te theome namhadi iara keha naiknore, iara theo nafugu kolho.

Letas Teke Riso Tei Mae Pol Ka Khiloau Rom 14:19

Eghume tahati mala thofno fariuriu edi unha te tangomana te mala togho ghita te gnafare mala au ka pharikeli nei mala heta ka fatutuani.

Ululahu Korin 12:10

Eghuteuna ka keha naikno na Tharunga te Blahi tusu ranghini nolaghi te mala eꞌei kofubobhoi. Ka keha naikno na nolaghi mala toutonuni chekegna God na jateula mae profet eghu. Eghuteuna ka keha naikno na nolaghi mala filo glanini nogna nafnata nolaghi naikno, jame te nogna God ba theo. Ka keha naikno na Tharunga te Blahi na tusu ranghini nolaghi te mala cheke ka keha nafnata cheke. Eghuteuna ka keha naikno na tusu ranghini nolaghi te mala rurutha gaoghathodi nafnata cheke tuare.

Ululahu Korin 12:28

God neke lilisei soasopai naikno te mala edi soasopai gna gloku ka khiloau gne. Ulu lahu na, mana neu lilisei hatimare mae khuru, fapea na, hatimare mae profet. Fatilo na, hatimare mae velepuhi. Eghuteuna kehare mala eꞌei kofubobhoi, nei kehare mala fakelidi iheire te fogra, nei kehare mala totogho, nei kehare mala baubatu ka khiloau, nei kehare mala cheke ka keha nafnata cheke.

Ululahu Korin 13:1

Neuba iara ne tangomana te chekeni chekegna God na ka soasopai cheke ka nauthoglu igne ba chekegna kligna, nu jame te theome namhadi iara keha naiknore, iara jateula kaisei belo ba vido aean eghu te fiti taitanhia eghu kolho.