Ululahu Korin 14:29 - Buka Blahi Ka Cheke Holo

²⁹ Eghuteuna te mala toutonuni chekegna God na, theome kmana, nu phei ba thiloi ngala te mala cheke na. Eghuteuna keha naiknore mala vahi fakelini unha te toutonuni mare na.

Ululahu Korin 14:29 ပူးပေါင်းရင်းမြစ်များ

Ululahu Korin 12:10

Eghuteuna ka keha naikno na Tharunga te Blahi tusu ranghini nolaghi te mala eꞌei kofubobhoi. Ka keha naikno na nolaghi mala toutonuni chekegna God na jateula mae profet eghu. Eghuteuna ka keha naikno na nolaghi mala filo glanini nogna nafnata nolaghi naikno, jame te nogna God ba theo. Ka keha naikno na Tharunga te Blahi na tusu ranghini nolaghi te mala cheke ka keha nafnata cheke. Eghuteuna ka keha naikno na tusu ranghini nolaghi te mala rurutha gaoghathodi nafnata cheke tuare.

Ululahu Korin 14:39

Eghume kheraguro, ghotilo fariuriu fara te mala hata nolaghi te mala toutonuni chekegna God na. Nu ghotilo mala thosei fanograni ihei te au nolaghi te mala chekeni chekegna God ka keha nafnata chekei na.

Mae Khuru 13:1

Igre mae profet nei mae velepuhi eghu te au ka khiloau Antiok re: mae Banabas; nei mae Simion mae te kiloni mae Pipito; nei mae Lusias mae gna Saerini; nei mae Manaen mae ihei teke biꞌo haghe balugna mae funei Herod Antipas; nei mae Sol.

Ululahu Korin 13:2

Eghuteuna, neuba iara ne tangomana te toutonuni chekegna God na jateula mae profet, ba lasedi fara gobigna lepo ka nauthoglu gne ba gobigna lepo te poru, ba au nogu fatutuani biꞌo te mala fathughadi thogelere, nu jame te theome namhadi iara keha naiknore, iara theo nafugu kolho.

Ululahu Korin 14:28

Nu jame te theo kaisei naikno jare te mala rurutha gaoghathogna nafnata cheke tuana na, ihei te magnahaghei cheke ka keha nafnata chekei igne na nabagna na mana mala au kmu kolho. Mana nabagna na mala cheke kolho ka thegna mala nomhini God.

Ululahu Korin 14:30

Nu jame chekegna God na ghosei mei ka keha naikno te au balumi ghotilo re, mae ihei teke kulu cheke na nabagna na au kmu.

Ululahu Korin 14:32

Mae iheire te toutonuni chekegna God na, mana tangomana te funei fruni ni nogna nolaghi thegna te mala toutonu na.

Ululahu Korin 14:37

Jame kaisei mae ghathoni ka gaoghathogna na mana kaisei mae profet, ba nogna nolaghi Tharunga te Blahi na au ka mana, mana mala laseni eigna unha te riso ari iara ka ghotilo igne te mei funu ka Lord.