Ululahu Korin 14:20 - Buka Blahi Ka Cheke Holo

²⁰ Kheraguro, puhimi ghotilo re mala klino jateula sua eghu. Thosei edi glepo te diꞌare. Nu ghotilo mala au jateula mae tela biꞌohi eghu ka puhimire ka khiloau gne, thosei ghaoghatho jateula mae sua eghu.

Ululahu Korin 14:20 ပူးပေါင်းရင်းမြစ်များ

Ululahu Pita 2:2

Nu ghotilo mala jateula sua gegeꞌe te karha majaghani te magnahaghei chuꞌu ia eghu kolho. Naugna ghotilo nabami na magnahaghei farirhiu te famane klino nei bligi eghu kolho. Eghuteuna ghotilo ginauna tangomana te kotu haghe ka farirhiu igne nei ginauna hata u thofno nakarha eghu.

Letas Teke Riso Tei Mae Pol Ka Khiloau Rom 16:19

Naikno te gnafare nomhinihi eigna te kegra heta ghotilo ka nomi fatutuani na. Iara gleale'a fara ka ghotilo eigna igne. Nu iara magnahaghe ghami ghotilo te mala thofno lase fakelidi mala edi glepo te kelire, nei iara magnahaghe ghami ghotilo te mala thosei ghathodi mala edi kolho glepo te diꞌare.

Ululahu Korin 13:11

Tifa, kani suai gu na, nogu cheke nei nogu glalase nei nogu gaoghatho teure jateula sua eghu kolho. Nu gognaro na iara mae biꞌohi, iara theome jateula sua eghu.

Matiu 18:3

Mana ne cheke eghu, “Tutuani fara, te chekeni iara ka ghotilo na. Te theome tughu ghotilo puhimire nei nhaꞌa fapari ghami themi jateula sua teuna, ghotilo ginauna thono theome nabami te au ke lamnadi naikno te funei frunidi God igre.

Ululahu Korin 2:6

Tutuani, u cheke glalase te farirhiu iara ranghidi iheire te kotu haghe tela biꞌohi nakarhadire ka khiloau na igne theome nodi glalase iheire te lalase fara kau nauthoglu igne nei nodi iheire mae te nolaghi te funei frunini nauthoglu igne. Eghuteuna mare ginauna na ari luvu kolho.

Fapea Pita 3:18

Nu ghotilo mala au fabrahu ka nogna khokofakasai nei glalase noda Lord Jisas Kraes. Tahati kilo fnaknoni tifa tifa nanghagna noda Lord mae ihei teke fakarhi ghita. Amen. Me gnafa. Iara, mae Pita.

Filipae 1:9

Iara tarai ghami ghotilo mala kotu biꞌo ghotilo nomi namha na ranghidi kherami fofodure ka nogna puhi nei nogna glalase eghu God.

Nonomho Te Keli Teke Risoi Mae Mak 10:15

Tutuani fara, te chekeni iara ka ghotilo na. Mae ihei te theome magnahaghei jateula sua igne teu te mei ka God na, mana ginauna na theome nabagna te au farihoteidi naikno God te funei frunidire.”

Filipae 3:15

Uve, te heta tahati ka mae Kraes noda fatutuani na, tahati loku famaku nafnata gaoghatho tuana ka nagnafadare. Nu jame ihei te tirogna fatutuanidi nafnata gaoghatho igre, God ginauna falalase fakelini naikno tuana u nabrou te doglo na.

Matiu 11:25

Aonu mae Jisas ne cheke eghu ka mae Kmagna na, “Mama, iara cheke fakeli nigho, iagho mae te funei frunidi gobigna lepo kligna ba pari. Iara cheke fakeli nigho, naugna iagho ne falalase ka iheire te jateula sua teu te ihoni thofno glalase na, nu iagho pophoru glalase igne ka naikno te lasedi kmana glepo nei fahaehaghe fara teu eigna nodi glalase na.

Profet Isaia 11:3

King igne ginauna kelitagna fara te ghatho tahuni Lord. Mana theome khogla mala fateni naikno na ka unha te nomhini nei filoni teure,

Nodi Khoje Hatimare Mae Jiu 119:99

Tutuani, iara ghathodi fabrahu nou cheke iagho re, eghume iara atha gaoghatho te keli fara uludi nodi gaoghatho mae nogu velepuhi re.

Matiu 19:4

Mae Jisas ne cheke eghu ka mare, “Uve, ghotilo iu'ijunihi kau grioriso te blahi ia, ‘Ka fufunu gna nauthoglu igne, God neke vuavuha nalhaꞌu ghe gaꞌase.

Profet Jeremaea 4:22

Lord ne cheke eghu, “Nogu naikno iara igre theome au tadi kaisei gaoghatho te keli. Mare jateula sua te theome lalase nei fagoigoli tafri teura eghu theome lase ghau iara. Mare laseni kolho te mala eni puhi te diꞌa na, nu mare theome tangomana te eni unha puhi te keli na.”

Matiu 19:14

Nu mae Jisas ne cheke eghu ka mare, “Snakre meidi goro suare ka iara. Thosei lhotidi, naugna naikno te funei frunidi God re jateula sua igre eghu.”

Luku 18:17

Tutuani fara, te chekeni iara ka ghotilo na. Mae ihei te theome magnahaghei jateula sua igne teu te mei ka God na, mana ginauna na theome nabagna te au farihoteidi naikno God te funei frunidire.”

Letas Teke Riso Tei Mae Pol Ka Khiloau Rom 1:13

Uve kheraguro, funu tifa te mei posa gognaro gne iara magnahaghe ghami ghotilo te laseni kmana fata iara au gaoghathogu fara te mala ari posa ka ghotilo na, nu keha glepo te fanogra ghau koba iara. Iara magnahaghei te mei mala toghodi kmana naikno jare ke lamnami ghotilo te leghuni mae Jisas jateula teke edi iara ke lamnadi keha naikno te theome mae Jiu.

Ululahu Korin 14:19

Nu kate au iara baludi ka khiloau na, iara magnahaghei te farirhiudi. Eghume, neuba iara ne cheke kolho kaisei ba phei cheke te naba nomhini mare na, tuana te keli uluni jame te chekedi iara niha thogha cheke ka nafnata cheke igre.

Efesus 4:13

U gloku igne na theome gnafa ghilei kaisei ngala tahati hui ka fatutuani nei ka glalase eigna Thugna God. Eghuteuna tahati ginauna naikno puhi nei kotu haghe jateula Kraes ka nakarhagna eghu.

Nehemaea 4:13

Aonu iara tufa goru nei naflahi nei phaloho eghu ka mae glokure, eghuteuna chekedi naiknore mala au fodu ka vikedi nei kheradi teure. Eghuteuna iara chekedi mare mala tei kegra balu nodi glepo mala magra igre ke leghugna gringni thina te theome gnafa teu igne, mala reireghi fakelini namono igne ka mae naoka.