Ululahu Korin 14:2 - Buka Blahi Ka Cheke Holo

² Tutuani, ihei te chekeni chekegna God ka soasopai nafnata chekei na, mana theome cheke ka naikno, nu mana cheke ka God kolho. Theo kaisei naikno te tangomana te laseni nafnata cheke tuana, naugna Tharunga te Blahi na neke tusu ranghini mana u nolaghi te mala chekedi glepo te poru igre.

Ululahu Korin 14:2 ပူးပေါင်းရင်းမြစ်များ

Nonomho Te Keli Teke Risoi Mae Mak 16:17

Eghuteuna iheire te fatutuanire, God ginauna tusu ranghidi nolaghi, mala tangomana mare ei kofubobhoi. Mare ginauna tangomana te brue naitu ka nanghagu iara. Eghuteuna mare ginauna cheke ka keha nafnata cheke majaghani teke theome laseni mare tifa na.

Mae Khuru 19:6

Aonu mae Pol ne taofidi mala hatini mare u Tharunga te Blahi na. Mare ne funu cheke ka keha chekei nei toutonuni la chekegna God na.

Mae Khuru 10:46

Naikno Jiu te fatutuani gre ne nomhidi te cheke mare ka keha nafnata cheke te nhogri nei cheke fakelini God. Mae Pita ne cheke eghu ka keha naikno khiloau re,

Ululahu Korin 13:2

Eghuteuna, neuba iara ne tangomana te toutonuni chekegna God na jateula mae profet, ba lasedi fara gobigna lepo ka nauthoglu gne ba gobigna lepo te poru, ba au nogu fatutuani biꞌo te mala fathughadi thogelere, nu jame te theome namhadi iara keha naiknore, iara theo nafugu kolho.

Ululahu Korin 2:10

Nu God neke vahini Tharunga na mala falalase ka tahati unha teke poru na. Neubane poru fara ka gaoghathogna God na glepo igre, Tharunga te Blahi na la kulu lasedihi nei fatakledihi.

Ululahu Timoti 3:16

Tutuani fara, nogna thofno farirhiu khiloau na kaisei glepo biꞌo fara. Eghuteuna thofno farirhiu tuana cheke eghu, Mae Kraes neke vuha mei thini jateula naikno. Mae Tharunga te Blahi neke fatakleni puhigna mae Kraes na thono doglo fara. Engel re neke filoni mana. Naiknore neke tei toutonu eigna mana ka namono te kmanare. Naikno heva heva ka nauthoglu igne neke fatutuani ni mana. God neke hata hagheni mana kligna ka siasigla.

Ululahu Timoti 3:9

Mana mala thofno fatutuani ni nogna farirhiu khiloau na, nei theome mala ghatho peapeani u thofno farirhiu tuana.

Kolose 2:2

Iara eni igne mala heta ghotilo nagnafamire nei au fodu ghotilo kau namha. Ka puhi igne, ghotilo thofno lase fakelini mae ihei God teke theome falalaseni tifa, mae igne Jisas Kraes thegna.

Efesus 6:19

Eghuteuna ghotilo jaola tarai ghau iara, mala tangomana God te tusu mei ka iara cheke te mala toutonuni iara na. Tarai ghau iara te mala theome mhaghuni te mala toutonu cheke te tutuani eigna Nonomho te Keli na.

Ululahu Korin 15:51

Iara magnahaghei te chekeni kaisei glepo teke poru tifa ia. Tahati ginauna theome kafe lehe, nu tahati na karhau ngala kate nomhini naogla gna khufli ka narane leghu lahu na, tahati te gnafa na ginauna ghosei tughu ngala jateula nakafli eghu. Uve, kate tanhi gna khufli na, naikno teke lehehira ginauna nake ghosei karha fapulo mala karha fabrahu tifa tifa. Eghuteuna tahati te karha nga teugre mala jaola e tughu.

Ululahu Korin 2:7

Cheke glalase te toutonuni ghehati igne nogna cheke glalase God. Tutuani, kani teke theome vuavuha teku God u nauthoglu igne, mana neke kulu enihi kaisei nabrou ka nogna glalase te mala tei thoke tahati ka mana kligna na. Mana neke theome falalase cheke igne ghilei thoke gognaro.

Mae Khuru 22:9

Mae teke tei balugu iara re, mare ne filoni u naphae na. Nu mare theome nomhi fakelini chekegna mana na.

Nonomho Te Keli Teke Risoi Mae Mak 4:11

Mae Jisas ne cheke eghu ka mare, “God neke tusu ari kolho ka ghotilo glalase te mala lase fakelidi thofno glepo te au poru ka nakarha God te funei frunini. Nu iara cheke ranghidi keha naiknore ka cheke naba kolho.

Matiu 13:11

Mae Jisas ne cheke eghu ka mare, “Te eni iara igne, naugna God neke tusu ari kolho ka ghotilo glalase te mala lase fakelidi thofno glepo te au poru ka nakarha God te funei frunini. Nu iara cheke ranghidi keha naiknore ka cheke naba kolho.

Nodi Khoje Hatimare Mae Jiu 78:2

Kate cheke ka ghotilo na, iara ginauna toutonu ka cheke naba. Iara na toutonudi unha teke edi teke mei tifa tela theo kaisei ka ghotilo te lasedire.

Diutronomi 28:49

“Lord ginauna hata mei kaisei armi gna kaisei kantri te khaba fara mala mei magra ka ghotilo. Nodi namono na au ka keha philegna nauthoglu igne, eghuteuna ghotilo theome laseni nodi cheke mare na. Mare ginauna mei ka ghotilo jateula kaisei gaghata te flalo te sukha ra eghu.

Jenesis 42:23

Mae igre theome laseni mae Josep te nomhidi unha te chekedi mare re, naugna mae Josep gne laseni cheke Hibru na. Neuba mae Josep ne hata kaisei mae mala tuthughu cheke ka cheke Hibru, nu mana theome thofno magnahagheni mae igne na.

Jenesis 11:7

Mei ghopa mala soru goigonini tatilo nodi cheke mare igne, mala fari ihoi mare kate cheke fari thedi na.”

Ululahu Korin 14:16

Nu jame te kilo fnaknoni God ghotilo ka tharungami kolho na, kaisei naikno te majaghani ka khiloau te au balumi ka tharai na ginauna theome laseni unha te chekeni ghotilo na. Mana ginauna theome kaisei gaoghatho ka nomi tharai nei theome tangomana te chekeni “Amen” teu balumi ghotilo na.

Fapea Kings 18:26

Aonu mae Eliakim, mae Sebna nei mae Joa eghu ne cheke eghu ka mana, “Komanda, cheke mei sagho ka ghehati ka cheke Arameik. Ghehati laseni. Thosei cheke ka Hibru, naugna naikno gnokro teu ka gringni na kligna are fanomhou.”

Ululahu Korin 12:10

Eghuteuna ka keha naikno na Tharunga te Blahi tusu ranghini nolaghi te mala eꞌei kofubobhoi. Ka keha naikno na nolaghi mala toutonuni chekegna God na jateula mae profet eghu. Eghuteuna ka keha naikno na nolaghi mala filo glanini nogna nafnata nolaghi naikno, jame te nogna God ba theo. Ka keha naikno na Tharunga te Blahi na tusu ranghini nolaghi te mala cheke ka keha nafnata cheke. Eghuteuna ka keha naikno na tusu ranghini nolaghi te mala rurutha gaoghathodi nafnata cheke tuare.

Ululahu Korin 12:28

God neke lilisei soasopai naikno te mala edi soasopai gna gloku ka khiloau gne. Ulu lahu na, mana neu lilisei hatimare mae khuru, fapea na, hatimare mae profet. Fatilo na, hatimare mae velepuhi. Eghuteuna kehare mala eꞌei kofubobhoi, nei kehare mala fakelidi iheire te fogra, nei kehare mala totogho, nei kehare mala baubatu ka khiloau, nei kehare mala cheke ka keha nafnata cheke.

Ululahu Korin 13:1

Neuba iara ne tangomana te chekeni chekegna God na ka soasopai cheke ka nauthoglu igne ba chekegna kligna, nu jame te theome namhadi iara keha naiknore, iara jateula kaisei belo ba vido aean eghu te fiti taitanhia eghu kolho.

Ululahu Korin 14:26

Kheraguro, igne unha te ghathoni iara na. Kate khapru ghotilo te mala tarai na, ghotilo te gnafa na mala kafe totogho. Kaisei naikno mala koje, eghuteuna keha na mala farirhiu, eghuteuna keha na mala chekeni unha teke falalase God tagna na, eghuteuna keha na mala chekeni chekegna God ka soasopai nafnata chekei, eghuteuna keha na mala rurutha gaoghathogna cheke tuana. Gloku te gnafa igre mala toghoni nodi fatutuani naikno te gnafare.