Ululahu Korin 14:16 - Buka Blahi Ka Cheke Holo

¹⁶ Nu jame te kilo fnaknoni God ghotilo ka tharungami kolho na, kaisei naikno te majaghani ka khiloau te au balumi ka tharai na ginauna theome laseni unha te chekeni ghotilo na. Mana ginauna theome kaisei gaoghatho ka nomi tharai nei theome tangomana te chekeni “Amen” teu balumi ghotilo na.

Ululahu Korin 14:16 ပူးပေါင်းရင်းမြစ်များ

Thakle 5:14

Aonu ka vido tuana fati glepo te karha igre ne cheke eghu, “Amen!” Eghuteuna hatimare mae biꞌo ka khiloaure turupuku ne pogho soru ka phiamare.

Nodi Khoje Hatimare Mae Jiu 106:48

Tahati cheke fakelini Lord, mae ihei te noda God tahati naiknoda Israel! Uve, tahati cheke fakelini mana gognaro gne nei tifa tifa! Ghotilo te hui na cheke eghu, “Amen!” Cheke fakelini Lord!

Ululahu Kronikols 16:36

Tahati cheke fakelini Lord noda God tahati naiknoda Israel! Uve, tahati cheke fakelini mana gognarogne tifa tifa!” Eghuteuna naiknore ne kafe cheke eghu, “Tutuani fara!” ghe “Cheke fakelini Lord!”

Ululahu Korin 11:24

neke cheke fakelini ka God. Mana piepike bret na ne tusu ranghidi nogna mae fanomhore neke cheke eghu, “Igne thinigu iara na malami ghotilo. Hata ima, mala ghatho fapulo ghau iara.”

Profet Jeremaea 28:6

“Tutuani fara! Iara magnahagheni Lord te eni jateula te chekeni iagho igne teuna! Thofno keli fara jame te eni Lord unha te chekeni iagho igne mala ke atha fapulo glepo gna Sugablahi te au teu Babilonia baludi naikno teke atha fajifladi mare ka namono igne ra.

Nehemaea 8:6

Mae Esra ne eha eghu fabiꞌo, “Tahati cheke fakelini Lord, God te fnakno kligna lahu!” Eghuteuna naiknore ne ngafa haghe khamedire ne eha eghu fabiꞌo, “Amen! Amen!” Aonu naiknore pogho soru pari ne thoke ka glose ro ne kilo fnaknoni Lord.

Thakle 7:12

ne cheke eghu, “Uve, tutuani! Nomi God, ghehati cheke fakeli nigho nei pala hagheni nanghamu na nei fafnakno nigho. Ghehati cheke fakeli nigho eidi nou gaoghatho te keli nei nou nolaghi te biꞌo nei nou nanheta te au fabrahu tifa tifa. Amen!”

Thakle 22:20

Jisas mae ihei teke chekedi gobigna lepo te au ke lamnagna buka igne na ne cheke eghu, “Uve, tutuani fara. Iara ginauna theome raugha ke pulo mei.” Amen. Lord Jisas, mei!

Ululahu Korin 16:24

Iara namha ghami ghotilo gnafa. Tahati kaisei ngala ka Jisas Kraes. Me gnafa. Iara, mae Pol.

Ululahu Korin 14:14

Eigna jame te tarai iara ka nafnata cheke te theome laseni iara na, tharungagu iara na ginauna tarai, nu gaoghathogu iara ginauna na theome laseni unha te chekeni na.

Ululahu Korin 14:2

Tutuani, ihei te chekeni chekegna God ka soasopai nafnata chekei na, mana theome cheke ka naikno, nu mana cheke ka God kolho. Theo kaisei naikno te tangomana te laseni nafnata cheke tuana, naugna Tharunga te Blahi na neke tusu ranghini mana u nolaghi te mala chekedi glepo te poru igre.

Mae Khuru 4:13

Hatimare mae biꞌo re ne jaglo nodi kate filodi mae Pita ghe mae Jone te theome mhaghu kate cheke ke uludi mare na. Mare lasedi phei mae igre neke theome tei sikoluni u glalase na, phiamare au kolho ka namono. Nu kate filoni te theome mhaghu phei mae igre na, mare neke ghatho fapuloni phei mae igre neke tei tafri balugna mae Jisas.

Jone 21:25

Gloku te edi mae Jisas re thono kmana fara. Jame kafe rioriso sorudi me gnafa gobigna lepo teke edi mana re meuna, te ghathoni iara na buka te kmanare jame theome nabagna nauthoglu igne.

Jone 7:15

Hatimare mae biꞌodi mae Jiu gre ne jaglo nodi fara kate nomhidi nogna farirhiu mana re ne cheke eghu, “Mae igne neke theome tei kolho ka sikolu. Faꞌunha ne lasedi fara si mana glepo igrea?”

Nonomho Te Keli Teke Risoi Mae Mak 16:20

Ke leghugna igne, mae fanomhore jifla ne tei heva heva ka nauthoglu gne ne toutonuni Nonomho te Keli na ka naiknore. Eghuteuna Lord thegna ne loku baludi mare, mala farerheta unha te cheke mare re, ka thua nafnata kofubobhoi ka nogna nolaghi na.

Matiu 28:20

Nu farirhiudi mala leghudi mare gobigna lepo te chekedi iara ka ghotilo ra. Ghotilo laseni, iara ginauna na au balumi ghotilo fabrahu ghilei thoke ka huigna nauthoglu igne.”

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Profet Jeremaea 11:5

Eghuteuna iara neke tajini nogu nhaꞌa cheke na neke snakreni kaisei vido glose te biꞌo ka ghotilo.” Eghuteuna glose igne thofno keli fara ka gano na maladi mae kuꞌemi ghotilora.’ ” Igne namono te au ghotilo tagna gognarogne. Kate cheke te gnafa Lord cheke igre, iara ne cheke eghu, “Tutuani fara Lord, iagho tangomana te eni unha te chekeni iagho na!”

Nodi Khoje Hatimare Mae Jiu 89:52

Tahati cheke fakelini Lord tifa tifa! Amen! Amen!

Nodi Khoje Hatimare Mae Jiu 72:19

Cheke fakelini nanghagna te fnakno tifa tifa. Nafnaknogna nogna nolaghi biꞌo God na mala tei posa ka namono te gnafa ka nauthoglu igne. Amen! Amen!

Nodi Khoje Hatimare Mae Jiu 41:13

Tahati cheke fakelini Lord, eigna mana noda God tahati naiknoda Israel. Tahati cheke fakelini mana fabrahu tifa tifa. Amen. Amen.

Nehemaea 5:13

Iara hata koko nhugha teke hugha teku iara na, eghuteuna iara ne bue tei ne cheke eghu, “God ginauna jateula igne eghu bue teini delei ihei te theome tajini nogna nhaꞌa cheke na. Uve, God ginauna hata fadelei nogna suga nei gobigna lepo eghu teke khotodi manare, eghuteuna ginauna theo kaisei glepo nate lisei fapulo malamu iagho na.” Mare te gnafa na ne kafe eha eghu fabiꞌo, “Amen! Leghuni unha te chekeni iagho tuana!” Eghuteuna mare te gnafa na ne kafe cheke fakelini Lord. Aonu mae mala baubatu igre ne tajini nhaꞌa cheke teke chekeni mare na.

Ululahu Kings 1:36

Eghuteuna mae Benaea ne cheke eghu, “Amen! Ghehati magnahagheni nou Lord God te eni unha te chekeni iagho igne.

Matiu 15:36

Mana hata fitu bret nei sasa teure ne cheke fakelidi ka God. Mana piepike ne tufa ka nogna mae fanomhore. Eghuteuna mae fanomhore ne tufa ka naiknore.

Fapea Korin 1:20

Nogna nhaꞌa cheke te gnafa God re tutuani ka mae Jisas. Naugna igne tahati chekei “Amen” ka nanghagna mana mala cheke fakelini God.