Ululahu Korin 14:15 - Buka Blahi Ka Cheke Holo

¹⁵ Eghume unha nate eni iara na? Uve, iara ginauna tarai ka God balugna tharungagu na, nu iara ginauna jaola tarai balugna gaoghathogu na. Eghuteuna iara ginauna koje ka God balugna tharungagu na, nu iara ginauna jaola koje balugna gaoghathogu na.

Ululahu Korin 14:15 ပူးပေါင်းရင်းမြစ်များ

Kolose 3:16

Snakreni chekegna mae Kraes na mala bruara fabrahu ke lamnami ghotilo u glalase te mala farirhiu nei farerheta eghu fari themi. Eghuteuna te keli na, ghotilo kilo fnaknoni God ka nagnafamire kate koje tharai ka Sam, himu, nei keha khoje te tusu ranghi ghami mae Tharunga te Blahi na.

Efesus 6:18

Kate edi ghotilo glepo igre, ghotilo tarai nei toreni God eghu mala togho ghami mana. Tarai fabrahu ka nogna nolaghi mae Tharunga te Blahi. Tutuani, ghotilo tarabana fakeli koba nei thosei babaꞌo nei taraidi koba hatimare nogna naikno God fateote'o.

Letas Teke Rioriso Mae Jud 1:20

Nu ghotilo kheraguro, nomi fatutuani na thono blahi fara. Eghume ghotilo loku heta mala kegra maku ka nomi fatutuani te blahi fara tuana. Eghuteuna tarai ka nogna nolaghi mae Tharunga te Blahi.

Nodi Khoje Hatimare Mae Jiu 47:7

God na King ka vido te gnafa ka nauthoglu igne! Tahati cheke fakelini mana ka koje!

Ululahu Korin 14:19

Nu kate au iara baludi ka khiloau na, iara magnahaghei te farirhiudi. Eghume, neuba iara ne cheke kolho kaisei ba phei cheke te naba nomhini mare na, tuana te keli uluni jame te chekedi iara niha thogha cheke ka nafnata cheke igre.

Ululahu Korin 10:19

Ba, ghotilo laseni eigna unha te chekeni iara igne? Naugna mumuju ba gano te fafara ka mumuju igre thofno glepo ulu fara?

Letas Teke Riso Tei Mae Pol Ka Khiloau Rom 3:5

Keha naiknore cheke eghu, “Kate eni tahati puhi te diꞌa na, tahati falalase ranghidi naiknore puhigna God te doglo fara. Eghume tahati laseni God te theome doglo na naugna mana ne para ghita kate leghuni puhi te diꞌa na!” Keha naiknore ne cheke eghu agne kate leghuni kolho mare gaoghathogna naikno na.

Letas Teke Riso Tei Mae Pol Ka Khiloau Rom 1:9

Iara loku ranghini God balu nagnafagu fateo mala toutonuni u Nonomho te Keli eigna Thugna God. Eghuteuna God lase ghau iara te ghatho ghami ghotilo koba ka nogu tharaire.

Filipae 1:18

Neubane eghu ngau naiknore ne edi kmana puhi diꞌa ranghi ghau iara ba gaoghathodi mare te mala toutonu na theome doglo fabrahu ka tathagna God na, iara gleale'a. Naugna glepo te ulu na te mala toutonuni mare eigna mae Kraes na.

Letas Teke Riso Tei Mae Pol Ka Khiloau Rom 8:31

Eghume faꞌunha eghu tahati chekedire glepo igre? Tutuani, te kafe phile God baluda tahati na, theo kaisei naikno te tangomana te tapla soru ghita na.

Mae Khuru 21:22

Mare ginauna nomhini te la meihi iagho agne na. Unha gne nate eni tahati na?

Ululahu Korin 14:14

Eigna jame te tarai iara ka nafnata cheke te theome laseni iara na, tharungagu iara na ginauna tarai, nu gaoghathogu iara ginauna na theome laseni unha te chekeni na.

Ululahu Korin 14:26

Kheraguro, igne unha te ghathoni iara na. Kate khapru ghotilo te mala tarai na, ghotilo te gnafa na mala kafe totogho. Kaisei naikno mala koje, eghuteuna keha na mala farirhiu, eghuteuna keha na mala chekeni unha teke falalase God tagna na, eghuteuna keha na mala chekeni chekegna God ka soasopai nafnata chekei, eghuteuna keha na mala rurutha gaoghathogna cheke tuana. Gloku te gnafa igre mala toghoni nodi fatutuani naikno te gnafare.

Jemes 5:13

Jame kaisei ka ghotilo au puhi biꞌo, mana tarai ka God. Eghuteuna jame kaisei ka ghotilo au gleale'a, mana koje kilo fnaknoni God.