Ululahu Korin 14:1 - Buka Blahi Ka Cheke Holo

¹ Hati nhetami na mala leghuni puhigna namha na. Eghuteuna ghotilo jaola hati nhetami na mala hata keha nogna nafnata khokofakasai Tharunga te Blahi, tulao fariuriu fara te mala hata nolaghi te mala toutonuni chekegna God na.

Ululahu Korin 14:1 ပူးပေါင်းရင်းမြစ်များ

Ululahu Korin 14:39

Eghume kheraguro, ghotilo fariuriu fara te mala hata nolaghi te mala toutonuni chekegna God na. Nu ghotilo mala thosei fanograni ihei te au nolaghi te mala chekeni chekegna God ka keha nafnata chekei na.

Hibru 12:14

Fariuriu mala au kau pharikeli baludi naikno te gnafa nei fariuriu langau mala au ka nakarha te klino. Naugna iheire ngala te au klino re nate filoni God na.

Ululahu Timoti 4:14

Uve ghema Timoti, u khokofakasai te au ka iagho ana mala loku, theome mala fiti au kolho. God neke tusu ari ka iagho, kani teke cheke eimu iagho hatimare mae profet nei kani teke taofi nigho hatimare mae biꞌo ka khiloau ra.

Ululahu Korin 16:14

Gobigna lepo te edi ghotilo re mala jifla mei ka nomi namha na.

Ululahu Korin 12:1

Gognaro na kheraguro, iara magnahaghe ghami ghotilo te lase fakelini eigna nogna khokofakasai Tharunga te Blahi nate tusu mei God ka nogna naiknore.

Ululahu Korin 13:13

Eghume thilo glepo te ulu igre au fabrahu tifa tifa: fatutuani, grouronu nei namha. Nu namha na ngala te ulu ka thiloi gre.

Ululahu Tesalonika 5:20

Thosei susukuni chekedi hatimare mae profet.

Proveb 15:9

Lord na theome magnahagheni puhigna mae te diꞌa na. Nu mana namhadi iheire te leghuni puhi te doglo na.

Ululahu Timoti 6:11

Nu iagho kaisei mae nogna God. Eghume iagho nabamu na au fadelei ka glepo te diꞌa tuare. Iagho fariuriu koba mala edi unha te doglo ke ulugna God. Eghuteuna au fakeli nakarhamu na ka khiloau gne, nei loku famaku ka nou fatutuani na. Au heta ka vido te ninhigrana, biꞌo nou namha na ranghini ihei nei lolokelidi keha naiknore.

Ululahu Korin 14:37

Jame kaisei mae ghathoni ka gaoghathogna na mana kaisei mae profet, ba nogna nolaghi Tharunga te Blahi na au ka mana, mana mala laseni eigna unha te riso ari iara ka ghotilo igne te mei funu ka Lord.

Profet Isaia 51:1

Lord ne cheke eghu, “Ghotilo iheire te fariuriu leghuni puhigu iara te doglo igne ra, fanomho mei ka iara! Uve, ghotilo ghathodi kuꞌemi Ebraham ghe kavemi Sera tifa ra. Ghotilo neke karha mei ka vikedi repa. Ka narane teke kiloni iara mae Ebraham na, mana neke theo thugna. Nu iara neke fablahini mana neke au kmana thugna fara.

Ululahu Timoti 5:10

Eghuteuna naiknore filo glani naꞌa tangomana te edi gloku te kelire. Nafnata gloku jateula igre eghu te mala reireghi fakeli thugna, nei farumadi naikno phosa ka sugagna na, nei fafnaknodi naikno khiloaure kate titihi ghahedire, nei mala toghodi naikno te au puhi biꞌo ka nakarhadire. Uve, nafnata thau te fariuriu edi fabrahu thua nafnata gloku te keli.

Efesus 1:3

Tahati cheke fakelini God, Kmagna noda Lord Jisas Kraes! Naugna tahati nogna mae Jisas Kraes, God neke tusu mei ranghi ghita u fablahi te gnafa te mei funu kligna.

Ululahu Korin 12:31

Nu ghotilo heta mala hata khokofakasai te thofno keli fara teke tusu mei mae Tharunga te Blahi. Gognaro na, iara na cheke ka ghotilo eidi unha te thofno ulu fara re.

Proveb 21:21

Mae te leghuni puhi namha na nei puhi fofodu na teuna, mana ginauna hatini nakarha te keli na nei nafnakno biꞌo na eghu.

Fatilo Jone 1:11

Uve thabusigna, thosei leghuni unha te diꞌa na, nu leghuni unha te keli. Mae ihei te eni unha te keli na mana thugna God. Nu mae ihei te eni unha te diꞌa na mana theome laseni God.

Fapea Pita 1:7

Ghotilo mala namhadi naikno khiloau are nei namhadi naikno te gnafa.

Letas Teke Riso Tei Mae Pol Ka Khiloau Rom 12:6

Tahati te gnafa na God neke tusu ranghi ghita soasopai khokofakasai, eghume tahati mala loku ka soasopagna khokofakasai teke tusu ranghi ghita God igre. Jame te hata tahati u khokofakasai te mala toutonuni chekegna God jateu mae profet teuna, tahati toutonuni chekegna God na leghuni noda fatutuani na, neubane biꞌo ba ne ikoi kolho.

Fapea Timoti 2:22

Au fadelei ka glepo te diꞌa te magnahaghedi naikno majaghani are. Hati nhetamu na mala au doglo nei mala heta nou fatutuani na ka Lord, namhadi naiknore, eghuteuna au fakeli baludi thofno naikno khiloau te gnafare.

Letas Teke Riso Tei Mae Pol Ka Khiloau Rom 9:30

Igne unha te chekeni ghehati na. Neuba iheire te theome Jiu neke theome fariuriu hironi kaisei nabrou te doglo ka tathagna God na, mare la doglohi ka tathagna God na naugna mare neke fatutuani ni mae Jisas kolho.

Letas Teke Riso Tei Mae Pol Ka Khiloau Rom 14:19

Eghume tahati mala thofno fariuriu edi unha te tangomana te mala togho ghita te gnafare mala au ka pharikeli nei mala heta ka fatutuani.

Ululahu Samuel 10:5

“Eghuteuna ke leghugna igne, iagho ginauna tei posa Gibea rhegna vido blahi aheva te au teu tagna mae soldia di Filistia. Kate tei namo ka namono tuana, iagho ginauna thafoni kaisei tothoghei profet te mei funudi ka vido blahi holo ka thogele ro. Keha mae lalahu ka thua nafnata gita, nei lalahu ka belo ikodi, nei ifu ka phoposa, mae igre ginauna tei ke uludi hatimare mae profet. Eghuteuna Tharunga gna God na ginauna mei mala batudi mae profet igre, eghuteuna mare ginauna ragi nei koje eghu mala kilo fnaknoni God.

Ululahu Korin 13:2

Eghuteuna, neuba iara ne tangomana te toutonuni chekegna God na jateula mae profet, ba lasedi fara gobigna lepo ka nauthoglu gne ba gobigna lepo te poru, ba au nogu fatutuani biꞌo te mala fathughadi thogelere, nu jame te theome namhadi iara keha naiknore, iara theo nafugu kolho.

Ululahu Korin 14:22

Eghume nafnata nolaghi te mala chekeni chekegna God ka keha nafnata chekei igne, kaisei fagaglana gna nogna nolaghi God maladi iheire te theome fatutuani nga teu, theome maladi iheire te fatutuanihi. Nu nafnata nolaghi te mala toutonuni chekegna God igne, kaisei fagaglana gna nogna nolaghi God maladi iheire te fatutuani, theome maladi iheire te theome fatutuani nga teu.