Ululahu Korin 13:4 - Buka Blahi Ka Cheke Holo

⁴ Naikno khiloau na mala namhadi keha naiknore jateula Kraes te namhadi naiknore eghu. Eghume naikno khiloau na mala au kmu nei keli ranghidi keha naiknore. Mana mala theome goghotu, nei theome mala ghatho tahuni thegna, nei theome mala fahaehaghe.

Ululahu Korin 13:4 ပူးပေါင်းရင်းမြစ်များ

Ululahu Pita 4:8

Kaisei glepo te mala eni ghotilo te ulu fara ka gobigna lepore na igne, thofno fari namhai. Naugna puhi te fari namhai igne tangomana ghotilo te hata koko fari themi nakhibo te kmanare.

Efesus 4:32

Nu te keli na ghotilo fathaegoi nei fari namhai. Fari hata fadelei nakhibo jateula God teke hata fadeleidi nakhibomira eghu naugna ghotilo fatutuani ni Kraes.

Kolose 3:12

God neke vahi ghami ghotilo te mala nogna naikno blahi mana nei namha ghami fara ghotilo. Eghume ghotilo mala edi fabrahu glepo igre: kokhonidi keha naiknore, taegodi, au faleghu, au blagna, thosei diꞌatami faghose ka keha naiknore.

Proveb 10:12

Te theo namha na, faꞌeiꞌei puhi biꞌo. Nu namha na hata kokodi nakhibo fateote'o.

Ululahu Jone 4:11

Uve kheraguro, eigna God namha ghita jateula igne teuna, tahati jaola nabada te fari namhai.

Proveb 17:9

Jame te hata fadelei iagho nakhibogna mae kheragna fofodu na, ghopa ginauna au fakeli. Nu jame teke tonuni iagho nakhibo na, iagho roꞌeni fofodu na.

Ululahu Pita 3:8

Leghu lahu na, ghotilo te gnafa na mala kaisei nomi gaoghatho ngala, nei kokhonidi gnafa naiknore. Fari namhai jateula te thabusigna tutuani eghu ngala, nei keli ranghini ihei nei au faleghu ghami themi.

Ululahu Tesalonika 5:14

Kheraguro, ghehati tore ghami ghotilo mala cheke fahetadi iheire te thodo loku. Fafranedi iheire te mhaghu. Toghodi iheire te nigra. Thoghei famane cheke ranghidi naikno te gnafa.

Fapea Pita 1:7

Ghotilo mala namhadi naikno khiloau are nei namhadi naikno te gnafa.

Efesus 4:2

Ghotilo mala edi fabrahu glepo igre: au faleghu, au blagna, nei thosei diꞌatami faghose ka keha naiknore. Eghuteuna kate au nogna puhi fadidiꞌa kaisei naikno ka ghotilo na ranghini kheragna fofodu na, te keli na phiamare thosei magra, nu fari fathaegoi ka puhi namha.

Fapea Korin 6:6

Ghehati falaseni eigna ghehati nogna mae gloku God ka nomi glalase eigna Nonomho te Keli na. Puhimire klino fara. Ghehati theome tangomana te ghosei te diꞌatami na nei ghehati tangomana te keli ranghini ihei. Tharunga te Blahi na au ka ghehati, nei u namha tutuani te mala namhani ihei na au ka ghehati.

Proveb 19:22

Naiknore magnahaghedi keha naiknore te mala thofno leghuni unha teke nhaꞌa cheke ni na. Tutuani, jame te mae keli mae te kuma na, mana ginauna uluni mae te chaichaghi na.

Kolose 1:11

God te au nolaghi biꞌo fateote'o, eghuteuna ghehati tarai ka mana mala tusu ranghi ghami nolaghi igne mala tangomana ghotilo te kegra heta ka unha puhi biꞌo te mei ke uluda.

Galesia 5:26

Thosei fahaehaghe ghita theda, thosei eꞌei puhi ranghini ihei nei thosei goghotu fari theda.

Ululahu Korin 4:6

Kheraguro, te mala laseni ghotilo unha te chekeni iara na, iara neke cheke eidi puhimi ghepa mae Apolosi, mala glola fakeli ka ghotilo gaoghathodi u cheke igre, “Ghotilo leghuni ngala unha te risoni ka grioriso te blahi na.” Ka puhi igne ghotilo ginauna theome tangomana te cheke fahaehagheni fara kaisei naikno ke uludi keha naiknore.

Fapea Timoti 4:2

mala toutonuni koba chekegna God na. Tarabana leghu fata mala eni igne, neuba naiknore ne tirodi fanomho ka iagho. Iagho toghodi naiknore mala filo glani mare unha te jafra ka nakarhadire. Eghuteuna iagho fadodoglo puhidi naiknore ka unha te jafra ba toghodi mala nheta nodi fatutuani na. Eghuteuna kate farirhiudire, iagho mala taegodi nei farirhiu fakelidi eghu.

Fapea Timoti 3:10

Nu iagho filo glani ghau iara, iara gne theome nafnata naikno tuana ka nogu farirhiure, ka nogu nakarha nei ka glepo te magnahaghei edi thegure. Iagho filo glaninihi puhigu iara te fatutuani ni mae Kraes na, nogu nagnafa au kmu ba nogu namha biꞌo ranghidi naikno te gnafare, ba nogu naꞌau ka vido te ninhigrana.

Proveb 31:26

Naꞌa chekedi koba cheke te keli nei cheke glalase teu te kelitadi keha naiknore, eghuteuna naiknore fatutuanidi nogna cheke naꞌa re.

Proveb 31:20

Naꞌa keli ranghidi iheire te kuma, nei toghodi naikno te au kokhonidi.

Proveb 17:14

Fufunu gna faripholai na jateula khoꞌu te jifla mei ka khora ikoi ka baket ra eghu, fakhusuni ame khora biꞌo nga baket na nei ame biꞌo nga magra na eghu.

Nehemaea 9:17

Mare tirodi fanomho ka iagho, eghuteuna mare ghatho ihodi kofubobhoi teke edi iagho ka mare ra. Mare patugama fara, eghuteuna mare figri tagru nigho, gognarona mare vahini kaisei mae mala batudi ke figri mala naikno sneka Ijep. Nu iagho God tarabana mala hata koko nakhibodi naiknore. Leuleghu fata na iagho kokhonidi naiknore, eghuteuna iagho keli fara ka mare. Iagho theome tangomana te ghosei te diꞌatamu na, eghuteuna leuleghu fata na iagho namhadi nei ghatho tahudi eghu fara naiknore. Mare eni kaisei mumuju sua buluka nalhaꞌugna, ne cheke eghu, ‘Ghotilo maemi Israel ra! Igne noda god tahati na, mae ihei teke batu fajifla ghita Ijep!’ Eghuteuna mare edi thua nafnata glepo te diꞌa te mala goigoni nigho. Nu neuba ngau, iagho theome tei kokodi mare.

Ululahu Pita 2:1

Eghume, thosei nomire eghudi puhi te diꞌare. Thosei chaghidi naiknore. Thosei goghotu ba cheke fadiꞌadi keha naiknore.

Taetus 3:3

Naugna tifa na tahati neke theome ghaoghatho fakeli, jateula naikno te theome fatutuani ni Kraes ra neku. Tutuani, tahati neke huhughu koba. Nu keha naiknore chaichaghi ghita koba mala loku jafra tahati. Tahati tifa na neke loku ranghini kolho unha te magnahaghei fara u thinida theda na. Tahati neke edi fabrahu ngala unha glepo te diꞌa nei goghotu teure. Naiknore neke theome magnahaghei ghita fara nu tahati jaola ngau neke theome magnahaghedi fara keha naiknore.

Ululahu Korin 3:3

Tutuani, puhimi ghotilo re kaisei nanaba ngala ka naikno te leghuni puhigna nauthoglu igne. Naugna goghotu koba, magra koba teu ghotilo igre ngala fagaglana gna te leghuni ghotilo puhigna nauthoglu na, theome leghuni mae Tharunga te Blahi.

Mae Khuru 7:9

“Thugna mana igre neke goghotuni mae Josep, mae Josep gne kaisei mae ka hatimare nabotho phei mae kuꞌeda tahati igre. Eghume mare neke snakreni mae Josep ka keha naiknodi delei mala foli mare hata teini Ijep. Nu God neke au balugna mae Josep,

Eklesiasti 10:4

Jame kaisei mae mala baubatu diꞌatagna ka iagho, iagho thosei lisa kokoni nou gloku na, jame te au kmu kolho iagho na, mana ginauna hata fadelei nakhibomu iaghore.

Proveb 13:10

Mae te fahaehaghe na, mae mala magra nei fapholai eghu. Nu mae te fanomho ka farirhiu na, mana mae glalase.

Nodi Khoje Hatimare Mae Jiu 10:5

Nu God, iagho theome fateni kolho mana! Mae te diꞌa igne theome magnahaghei te pari ka nogna chekere. Mana cheke fadiꞌadi nei maꞌedi eghu nogna naokare.

Fapea Timoti 2:25

Mana theome mala diꞌatagna kate farirhiudi iheire te theome kaisei gaoghatho ka mana re. Nu mana jame thoghei taegodi ka puhi te doglo, God glahula te tangomana te toghodi naikno tuare mala tughu nagnafa nei lase fakelini u thofno farirhiu te tutuani na.

Ululahu Timoti 6:4

Naikno te farirhiu chaichaghi igre theome laseni kaisei glepo nu mare fahaehaghe fara eghu, eghuteuna au gaoghatho te diꞌa mala magra fabrahu eidi nafnata cheke te theo nafudi. Nafnata puhi igne faꞌeiꞌeidi naiknore mala goghotu, magra, nagho nei au gaoghatho te diꞌa.

Ululahu Korin 8:1

Gognaro na iara magnahaghei cheke eigna gano teke fafara ka mumuju. Tutuani fara, keha naiknore cheke eghu, “Tahati te gnafa na kafe au noda glalase.” Neuba, nafnata glalase te mala laseni unha te tutuani ba unha te theome tutuani na igre mala fahaehaghe ghita theda kolho. Nu namha na biꞌo uluni glalase na naugna namha na tangomana te thofno fahetani noda fatutuani na.

Letas Teke Riso Tei Mae Pol Ka Khiloau Rom 1:29

Mare fodu ka puhi te diꞌa, eghuteuna mare magnahaghei te hata glepo maladi thedi kolho, eghuteuna mare thono lalamadi fara naiknore. Mare fodu ka goghotu, falehe naikno, magra, saosagro, ghaoghatho fadiꞌani koba ihei, nei cheke pouporuni ihei.

Jenesis 37:11

Hatimare mae thabusigna thegna mae Josep gre ne goghotu fara ka mana. Nu mae kmagna na ne ghaoghatho ne brahu fara ka gaoghathogna nogna mifi mae Josep na.

Jemes 4:5

Unha te chekeni ka grioriso te blahi na ia thofno tutuani fara eigna God neke snakre meini mae Tharunga te Blahi na ka tahati mala au ke lamnada tahati na thofno magnahaghe ghita tahati te mala leghuni kolho mana. Nu neuba ngau, keha ka ghotilo leghuni gaoghathogna naikno kolho. Nu God tusu ranghi ghami ghotilo nogna thotogho na, mala tangomana ghotilo te hogri nagnafa na. Naugna igne, grioriso te blahi na thofno tutuani fara te chekeni igne, “God theome magnahagheni ihei te fahaehaghe na. Nu toghoni ihei te nhaꞌa faparini thegna na.”

Ululahu Korin 4:18

Keha ka ghotilo re fahaehaghe ka gaoghathodire nate theome ke ari iara te mala para ghami na.

Letas Teke Riso Tei Mae Pol Ka Khiloau Rom 13:13

Tahati mala au fabrahu ka puhi te doglo jateula naikno te au fabrahu kate phae eghu. Theome mala edi gaghamu te diꞌa ba koꞌu mala dranga, ba gnognoro, ba leghudi keha puhi te diꞌa, theome mala magra ba goghotu.

Kolose 2:18

Keha mae te fahaehaghedi fara nodi mifire, eghuteuna farirhiudi naiknore mala au faleghu ka puhi te theo nafugna, eghuteuna mala tufru soru ranghidi hatimare mae engel. Thosei snakreni kaisei mae ka mae igre mala batu fadelei ghami te mala theome fatutuani ni mae Kraes. Mare fiti fahaehaghe kolho, eigna gaoghathogna naikno ka nauthoglu na theome tutuani,

Filipae 1:15

Uve, keha naiknore toutonuni eigna mae Jisas Kraes, nu mare eni igne ka puhi goghotu kolho. Mare toutonu eigna mae Kraes nu mare theome au kaisei gaoghatho te doglo ka nagnafadire. Mare magnahaghedi thedi kolho te fnakno na, eghume mare magnahaghei te edi glepo te diꞌa igre ranghi ghau iara kate au iara ka suga sosolo gne. Nu neubane eghu ngau, keha naiknore toutonu eigna mae Kraes naugna mare au gaoghatho te doglo ka nodi gloku na. Eghume mare namha ghau iara, naugna mare lase ghau iara gne kaisei mae mala cheke thakleni u Nonomho te Keli eigna mae Kraes.

Fapea Korin 12:20

Eigna iara nanga nogu mala ari posa ka ghotilo, na eghunu jafra ghotilo ka unha te magnahaghei filoni iara ka ghotilo na eghu. Jame te eghu na, iara ginauna jaola na jafra ka unha te magnahagheni ghotilo na. Kate ari posa iara ka ghotilo na, theome keli te filoni iara ke lamnami te magra, goghotu, diꞌatami faghose, ghatho ghami themi kolho, nhagho, buiburi naikno, fahaehaghe, nei theome au fodu.

Ululahu Korin 5:2

Tore! Ghotilo theome tangomana te cheke fahaehaghe ghami themi na. Ghotilo jame diꞌanagnafa balu mamaja, eghuteuna mae ihei te eni nakhibo tuana nabagna na mala au kosi.

Matiu 27:18

Mae Paelat kulu lasenihi hatimare mae pris ulu nei hatimare mae biꞌo te hatani mae Jisas te mei ka mana na, naugna mare goghotuni mae Jisas.

Jenesis 30:1

Kate laseni Resel te khara te theo thugna na, naꞌa ne diꞌatagna fara ka Lea ne cheke eghu, ka mae Jekop, “Fabukla ghau iara sagho. Te theo iagho na, iara ginauna na lehe nogu.”